اهلاً .. ومرحباً بكاتبنا الخيالي .:.:. زوبعة فكر .:.:. موضوع رائع .. يعطيك العافيه مواقف طريفه ومخيفه وكلها تبقى في الذاكره وبعضها في القلب المواقف التي حصلت لك لم يكن لك يد فيها فما عليك ولاتهتم البلاوي لن تبلاك دامك لم تبحث عنها وتنبش فيها أما انا فحدث لي موقف طريف مع أخي العزيز مرة من المرات كنت في المرحله المتوسطه زارتنا بنت خالتي ومعها ابن أخ زوجها ( مشوار ) طبعاً جلست مع العيال < مو لم البنات ابدا > ولعب وهبال وطقاق المهم اظاهر ان ابو الشباب قريبهم الذي لا أعرفه << رجعت للفصحى خق عندي وقال وش رايك تجيبين شاهي ونكيف عاد ماقال الا لأبو الشباب قلت ابشر ابد دقايق وهو عندك ... واجيب الشاهي والحب المصري والحركات كلها المهم ونقعد بالسور (الحوش ) << مدري وش تسمونه المهم انه فيه مرجيحه خخخخ وهم يلعبون واحنا مكيفين اللي يشوفنا يقول معهم سالفه ونسولف وفالينها بس شكلنا مثير للشك .. واثناء اندماجي بالسواليف مع هذا الفتى المملوح ( صادني ) اخووووي وياويلك يا الوجه الحزين .. ويا للوهقه .. المهم .. يعطيني ذيك النظره ابد ماخفت بس طمرت من مكاني مامعي خبر واروح لغرفتي وانا طاقه الطبلون وقلبي يرقع والنفس يتلاحق الله لايوريكم ... ولا طلعت من غرفتي الا يوم راح ... وبعد راح المملوح وما امداني اكمل سالفتي طبعا هذا كله لأن اخوي كان شديد ويخوف وعائلتي متحفظه وعندنا عيب البنت تقعد مع العيال .. تروح لبنت مثلها ....... وبس .......... أما بالنسبه لمواقفك .. وتلقى أمك تناظر لك بنظرة استحقار والمصيبة هنا أنه الخادمة ترتبك وتنحاش من المجلس بصورة تأكد أنك عملت فيها شيء كان عليه يبرر موقفه على الاقل يثبت قليل من برائته ولو بالكلام وان كان لايدل على الفعل يعني سكوته معناته خجله من المواجهه ... واهله ما اتوقع انهم شكاكين لهذي الدرجه .............. قصه اخرى ايضا ... أما اهلي بالامس القريب كنا راكبين السياره وننتظر الانسه (الخادمه ) تطلع لكن الاخت قالت مابي اروح راسي يوجعني المهم ارسلنا لها بنيه صغيره تقول تعالي معنا والانسه تقول لأ .... بغيت انزل واوريها بس قالت امي لاتنزلين اهم شي خدامتي لاتزعلينها << وانا عادي وقعدنا ننتظر واخيرا قالت امي مو لزوم خلونا نروح قالت اختي طيب اخوي داخل ماطلع بتقعد معه لحالها ؟؟؟؟ قالوا ماعليه ان شاالله ولدنا وعارفينه اما اختي اللي اصرت ان الخدامات ما ينومنون حتى ولو كان ولدكم ( عاااااقل ) لكن الشي مبدأ .. وجلوسه معه لحالها يعتبر خلوه وهذا >> حرام << وبعدين رحنا وتركناها ... لكن الثقه احيانا تكون عمياء .. ! مارأيك اخي زوبعه ..؟ ....... ابو الافكار .. زوبعة فكر موضوع رائع وانت ؛؛ أروع ؛؛ لا جديد غير ان مواضيعك في جمالها تزيد وهذي ورده لك .. تقبل ودي واحترامي اختك .. الوجه الحزين