على مدى اسبوعين وإلى 5 يناير 2008 راح أغثكم بمواضيعي كل يوم،،،<<<<<<<<< عارفة نفسها غثة بصراحة ماعندي شي ومالي خلق أذاكر وكل شي سبحان الله افكر فيه حزة امسك الكتاب،،، واليوم جيت بموضوع أنا متناقشة فيه مع أمي الله يحفظها لي وكانت المناقشة اللي تتكرر معاي أنا وياها كالتالي: أنا: يمااااااااااااا <<<<< العربجة طلعت ،،، شرايج بما إن الحين في المقهى "-----" ورجعوا يسمحون للبنات بالمعسل،، شرايج يعني لو سمحتي، وطبعا فقط لو سمحتي إنتي من بعد إذنج <<<<< اخلصي علينا أبي بصراحة اطلب شيشة،،، أو معسل أو اللي هو،، المهم أبي اسوي نقلة في حياتي،، أمي: (طبعا ترمقني بنظرة معبرة تخلي قلبي يطب في بطني) براحتج،،، انتي كبيرة كفاية إنج تعرفين إيش تسويين،، بس مو تجين بكرة تصيرين مدمنة عليها،،، أنا: شدعوة أنا قلت بعسل مو بسطل في غرزة،،، <<<<<< متأثرة بالافلام المصرية أمي: (طبعا تعطيني نظرة ثانية تخليني أحس بالذنب) براحتج أنا ربيتج وعلمتج الصح من الخطأ يعني انتي تقررين،، أنا: (بعد ماحسيت بالذنب ومالي كلام بعد اللي قالته أمي) خلاص هالمرة ،،، بس إذا صار عندي 30 سنة بجي معاج وبشيش،،، أو حتى دخان،،، كل صاحباتي جربوا وأنا الوحيدة اللي محافظة على نظافة رئتيني؟؟ ~~انتهى الحوار~~ ....المناقشة.... بصراحة أنا عندي رايين بخصوص الشيش والتعسيل،،، مرات أقول والله بصراحة منظر سخيف للبنت وهي ماسكة الشيشة تقول معلمة مصرية،،، وساعات يوزني ابليس لأن كل البنات تقريبا اللي اعرفهم عسلوا،، واللي ماعسلوا جربوا الدخان،،، بس احس غبية البنت وقليلة أدب اللي تمسك الدخان،،، تحسها مسوية بلا وبعد ماخربتها وقعدت على تلها مسكت الباكيت وقعدت تمخمخ،،، يعععععععععععععععععععععععععععععععع،،، في السابق كانوا يقولون إن الشباب يتبارون بالرجولة على الدخان،،، البنات شنو عذرهم؟؟؟ بس صراحة مادري ساعات من كثر القهر في العمل والضغط النفسي أحس إني من جد بروح البقالة اللي جنب بيتنا واشتري باكيت،،، وبعلم أمي طبعًا لأني ما أخبي عنها شي،،، الحمد لله،،، أسئلة المراجعة: س/ مارأيك في المعسل؟ س/ هل جربته أو جربتيه من قبل؟ س/ هل ترضى وحدة من خواتك تعسل أو تدخن؟ س/ إيش نظرتك/كِ للبنت اللي تدخن أو تعسل؟ س/ ليش من الأساس البنات يعسلون أو يدخنون؟