السلام عليكم مرة أخرى ياحلويييييييييييين،،،
هذا موضوعي الثاني لهذا اليوم،، بس هالمرة عبارة عن مشكلة وأريد حلاً،،
إهداء إلى جمييييييييييع أعضاء المنتدى دون استثناء <<<< قاموا عليها من شوي 
طبعًا الموضوع مطروح للمناقشة وياليت الكل يشارك عشان الجميع يستفيد،،،
المشكلة كالتالي:
أمسك الكتاب، أحاول أذاكر، من لحظة مسك الكتاب، إلى اللحظة اللي أتركه فيها، عقلي يكون مشتت مابين أشياء كثيرة بعيدة كل البعد عن المادة اللي قدامي،،
يعني أمسك مثلا كتاب أساسيات علم الإجتماع،، تلاقيني أفكر في علم الإقتصاد، وفجأة أفكر في المنتدى إيش صار فيه؟ البنات إيش حطوا مواضيع، إيش صار في العمل، إيش الشي اللي يعرضونه الحين على MBC4،،، يعني تشتت عقلي بشكل جدًا سخيف، ويضايق لدرجة إني أحس إني بقطع الكتاب مع إنه ماله ذنب...
سبق إن عرض علي أحدهم فكرة الدراسة الترتيبية على أساس تنظيم العقل والتفكير (ما أعرف إيش أسمها بالضبط) لكنها كالتالي:
ترتيب جميع المواد المراد استذكارها تحت ثلاث أقسام:
القسم الأول: التفكير (اللي نستخدهم فيه الفهم أكثر من الحفظ)
القسم الثاني: الحفظ (اللي نحفظ فيه الكلام وحتى لو مافهمناه)
القسم الثالث: المواد اللي لها علاقة بالبحوث والتطبيق العملي.
وترتيبها على أيام الأسبوع كالتالي:
القسم الأول (التفكير): السبت - الأثنين - الأربعاء
القسم الثاني (الحفظ): الأحد - الثلاثاء
القسم الثالث (العملي): يكون مقسم مابين الأيام جميعها لكن بفترات قصيرة.
بالنسبة للخميس فيكون عبارة عن مراجعة لجميع أيام الأسبوع السابقة من قسم أول، ثاني، وثالث.
الجمعة يكون فيه ترتيب الجدول للأسبوع المقبل في عدد ساعات الدراسة وأوقاتها وفترتها.
المواد العلمية:
وبالنسبة للمواد العملية، من بحوث وما إلى ذلك، يتم تقسيم العمل بها إلى ست أسابيع قبل الشكل النهائي بحيث يكون كالتالي:
الأسبوع الأول: إيجاد مراجع من مواقع وكتب (يعني بس مجرد تجميع مراجع لنفس المادة أو الموضوع)
الأسبوع الثاني: تنقيح لهذه المراجع، يعني مراجعة لكل اللي جمعته في الأسبوع الأول وتحذف اللي ماتحتاجه.
الأسبوع الثالث: تحاول تكتب فيه نسخة أولية للبحث وبدون مراجعة.
الأسبوع الرابع: لايمسك فيه البحث بأي شكل من الأشكال ،، يعني خله وانساه لأسبوع كامل.
الأسبوع الخامس: مراجعة أولية للبحث.
الأسبوع السادس: مراجعة أخيرة ويتم بعدها الإنتهاء منه.
هذي هي الطريقة اللي تعلمتها وحاولت أطبقها بس مهنا عزيمة صراحة،
المهم ياليت اللي عنده طريقة ثانية يعتقد إنها ممتازة وتساعد في الإستذكار يقول،،،
ويالييييييييييت تكونون متفاعلين يعني مو رد، ولا ردين وانتهينا!!! <<<<<<< حاسة إنها بتنصفط
ودمتم بسلام،، 