عنواني ... قد يحمل من اول وهله انني ساناقش موضوع .. او بالاصح قد عرفتم مااريده من العنوااان ...

ولكن اتيت بقصيده رائعه جـــداً.. وهذا العنوان هو من القصيده..

والنقاش حولها او ماترونه انتم بها ((القصيده))!!!اريده منكم انتم .... فانا لن اعلق او اناقش الحب في هـــذا الزمن ,,

وانا في حقيقة الامر تعمدت في اختياري لموضوعي ... لكي يرى المشرفون اننا نحتااااج قســـم للشعر ..

واتمنى ان يكون ردهم لي قريبا بالموافقه وتنفيذه>>>>>معصب



لعنبـوو قصـة غــرام كــل ابـوهـا كلمتـيـن
ابتدينـا عنـد احـبـك وانتهيـنـا عـنـد بــااااي

تـونـا ما بـعـد مشيـنـا فالـهـوى لو خطـوتـيـن
وانتهى الموضوع كله حتـى ماأعـرف ويـش خطـاي

انتهـى الموضـوع هيـك بكـل سهولـه تحكمـيـن
ويـن احبك؟ويـن اريدك؟ويـن ساكـن فـي حشـاي

يمكـن انـك ماوفيـتـي يــوم جيـتـي تعشقـيـن
ويمكـن انـك تحسبينـي بتبـعـك مــن دون راي

ويمكـن اصـلا ماعشقتـي بـس كنـتـي تلعبـيـن
ويمكـن انـك ماوصلتـي فـي هـواك لمسـتـواي

ويمكـن انـي ماعرفتـك فالحقيقـه ويــش تبـيـن
ويمكـن انـي خنـت نفسي..يـوم اعطيتـك وفـاي

علمينـي فالـهـوى ياجاهـلـه ويــش تعرفـيـن
تعرفيـن انـك غديتـي (شي)يجـري فـي دمــاي

علمينـي فالعطـاء والتضحـيـه ويــش تفهمـيـن
لعنبوو حيـك عشانـك عفت اقـرب اقربـاي

كنـت احطـك فـي عيونـي تسرحيـن وتمرحـيـن
كنت اشيل هموم قلبك وارمـي همومـي وراي

كنت اطيـر مـن السعـاده يـوم اشوفـك تضحكيـن
كنت ذايب في هواك مثل سكـر وسـط مـاي

كنـت نايـم فالعسـل وارسـم مـن الفرحـه سنيـن
كنت اظنك قلب عاشـق ماسكـن وسطـه سـوي

ماوعـيـت الاوانـتـي فــي خفـوقـي تطعنـيـن
ماوعيـت الاوسيفـك بالحشا....رايـح وجـاي

وردة اي والله ورده بــس عرفـتـي تجـرحـيـن
كـل شـي فينـي جريـح الا فخامـة كبريـاي

ما تأثرت بغيابك --- ويـش يعنـي دمعتيـن ؟
بكره انسى _ صدقيني _ وارجـع بكامـل -- قـواي

ادري ان حنا - افترقنا -- بـس ,, ابفهـم حاجتيـن
علميني وش كسبتي !! وعلميني وش خطاي

اصلا الموضوع كلـه -- مـا تعـدى كلمتيـن
التقينا عند ( احبك ) وافترقنـا عنـد ( بـاي )