هناك علاقة وثيقة بين الفتاة الرومنسية أو من تقع بالحُب ودمية الدب الأبيض نقلبها عامي أحسن الحكاية ومافيها جيت محل هدايا في مركز تجاري لقيت كل الرفوف عبارة عن دبب بيضاء (( لدرجة حسيت أني في القطب الشمالي )) مكتوب عليها عبارات حب باللغة الإنجليزية <<<<<<<< مايعرف يقرا إنجليزي استنتج أنها عن الحب بسبب أنها مكتوبة بالأحمر وجنبها قلب المهم ماعلينا ياحبيبي ماعلينا من كلام الناس ما علينا نجي للمفيد استغربت وسألت راعي المحل وش هالسر اللي يخلي بضاعتك كلها دبب قال الرزق والشيء الماشي نجيبه عالطول قلت طيب متى تصرف كل هالبضاعة إلا وحدة داخلة المحل وتحسس الدبب الموجودة وطلعت رجعت سألت راعي المحل ليش ماشرت قال يمكن حشو الدب ما أعجبها لأنه فيه نوعية غالية ومافيها مكسب لنا ما نجيبها ونجبرهم ياخذون الدبب الموجودة عندنا الحين خذيت جولة بين الرفوف كل شوي ماسك لي دب وأسأل نفسي وش في البنات كل ما كبروا خفت عقولهم دُمى عادية مافيها شيء مميّز إلا أنها بيضاء بديت أدور لهم أعذار : * يمكن تنام لوحدها بالغرفة وتبغا تحس بالأمان والطمأنينة وتحضن دب عشان ما تخاف بس بنفس الوقت سألت نفسي قلت ليش ما تستبدله بنمر أو أسد إذا تبغا تحس بالأمان وتحس أنه حارسها وهو بحضنها . * قلت يمكن ماعاشت طفولتها وحرمت من الدُمى وهي صغيرة وتبغا تعوّض وهي كبيرة بس بنفس الوقت سألت نفسي وقلت ليش ما تشتري دمية لعروسة لأنه أي طفلة تحلم بدمية على شكل عروسة مو دب . * وهنا شطحت شوي بمخيلتي قلت يمكن البنت اللي تشتري الدب هذي تبحث عن الحنان لأنها فاقدة هالحنان وهي تعوّض هذا الشيء بالدب لأنه الدارج عند البنات أنه أي شيء سمين يكون حنون وهنا سألت نفسي قلت طيب إذا هي على السمنة ليش ماتاخذ دمية لفيل . المهم وأنا أدور لهم أعذار وأنقدها دخلت وحدة وتسأل راعي المحل فيه دب بني هنا استغربت أكثر من علامة تعجب ظهرت على محيّاي !!!! وش معنى بني ناظرت لها بحسن نية طلعت كفوفها سمراء حتى الدبب تتشكل بلون البشرة المهم كل ما أرغب بمعرفته وش سر الحكاية والعلاقة بين الدب الأبيض وفي بعض الأحيان البني عشان ما يزعلوا السمر والفتاة ؟ هدية الموضوع : دبة لكل شاب يبحث عن الحنان أروا عطشكم ملحوظة : بمناسبة موضوع التحليلات كل بنت عندها دب تصوره وتحط صورته لي هنا عشان أحلله أشوف هو حنون ولا شرير <<<< ياي تحيتي بابتسامة