المراهقه .. أخر مراحل الطفولهـ .. صحيح انها من المراحل الغبيه اللي تمر علينا لكن مجرد مانذكرها نموت ضحك على انفسنا .. واكيد بنتظل لها ذكريات حلوه في انفسنا .. وذكريات مانتمنى نذكرها في يوم من الايام كانت العفويه في هالمرحله تسيطر علينا رغم اننا نبي نظهر انفسنا كبار قدام الناس في لحظه وحده تتضارب داخلنا الف الف شي .. نفرح .. نحزن .. نصارخ .. نطامر .. كلها في لحظه وحده واكثر الكلمات كانت تظهر مننا بدون مانعرف وش معناها .. نتهاوش عليها ومع كذا مانزعل وان زعلنا مايدوم هالزعل اكثر من ربع ساعه حتى نرجع بالفرح اللي كنا عليه ~ تتوقعـ / ين ان مفاهيم المراهقه في هذا الزمان تتغير وماتكون محصوره في نهاية عمر معين ؟؟! ما اعتقد ان مفاهيم المراهقه كلها تنتهي عند عمر محدود .. بعض المفاهيم تأثر على الانسان وتصبح وحده من دعائم الحياه له لكن ممكن يخفف منها او هي تخفف من نفسها مو مثل المراهقه اللي كان كل شي فيها بجنون وماله حد ~ أي نوع من المراهقه كانت مراهقتك ؟ وأي نوع من المراهقين / مراهقات كنتـ / ـي ؟؟ وكيفك والجمال ؟؟؟ يمكن انا جمعت جميع انواع المراهقه .. كنت ادخل نفسي جو الحزن على اتفه الاسباب الين اصبح الحزن من طبايعي .. كنت ومازلت بس بنسبه اخف رياضيه مجنونه .. كنت عاشقه والغريب اني كنت احب من قلبي ولو يرجع اللي حبيته بس .. ( الله يرحم جميع موتى المسلمين ) .. كنت اكثر الاوقات ارقص ومازلت بس بنسبه اخف .. مراهقتي كانت مجنونه بالفعل . ~ سولف لنا عن سنه أولى مراهقه عن ايام حلوه عشتها ؟ في هالسنه كنت اغلب اوقاتي عند المرايا ولو لها لسان كان اشتكت مني غير الاشعار اللي كنت اقراها بجنون الين صرت اكتب الشعر كنت عاشقه واكثر الوقت جالسه عند باب بيتنا انتظره ينزل واحلى شي لما كنت اعمل نفسي كبيره على عيال اخواتي اللي ماكو فرق بين عمري واعمارهم ايام بالفعل حلوهـ ~ عطنا كم سالوفه عن موقف تحوم كبدك منك ؟ هههههههه موقف بالفعل يحوم الكبد .. كنت احب خالي بشكل فظيع ومازلت .. ولأن خالي يحب النصر وبحكم اني احبه فلازم احب اللي يحبه شجعت النصر لفتره وهي يومين ورجعت للهلال متبعه المقوله ( قديمك نديمك لو الجديد اغراك ) << تخبيص ~ اكتب لنا عن بعض خفايا قلب عاشق ؟ بالفعل للعشق في هذه المرحله طعم ثاني .. ممكن الاغلبيه يخالفني الرأي لكن هذا اللي حصل لي .. كان اعظم عشق مر في حياتي .. ولو مو القدر واللي يفرضه علينا كان لازلنا عشاق بس الموت حق والله يرحمه وان شاء الله نتقابل في الجنه .. موضوع رائع بما تحمله الكلمه من معنى ابداع ملحوظ ومجهود رائع اعدتينا الى ايام جميله مرت علينا بحلوها ومرها وهذا دائم مانجده في مواضيعك الف شكر لك اختي الغاليه لاعدمنااااااااااك تحيااااااااااااااااااااااااااااااتي بكيفي هلالية