السلام عليكم ورحمة الله وبركاته
قي الحقيقة والواقع
أن ما عندي شي مهم <<<< ما جبتي شي جديد
موضوعي عبارة عن فضفضه
طلعت معي بحصة الرياضيات
وحبيت انكم تشاركوني فيها
" حصة رياضيات ... دفتر مربعات ... هندسه ومكعبات ... محاور للسينات ... وثانيه للصادات ...
معلمة تجيب المرض و العاهات .... طالبات افكارهم في شتات .... منهم اللي سارحات ...
ومنهم من تفكر ببطانيه ومخدات .... وقليل منهم منتبهات ..... وأنا بأخر الفصل اراقب البنات ....
بين هم وذكريات .... التفت واطالع كل الجهات .... وأخفي حزني ورا الضحكات ...
صديقتي جنبي تسولف عن إليسا واخر الموضات ... خاقه مع كل المغنين والمغنيات ... العرب والاجنبيات ...
والثانيه همها الكوره والمباريات ...وتحطم بالنصر والنصراويات ...وتعلا اصواتهم كنهم في المدرجات ....
والابله للحين تشرح المعادلات .... ومحد يمها الا الدافورات .... وبين فتره وفترات ....
تعصب وتبدا بالتهديدات .... ويقالها بتخسف بالدرجات .... وتنقص من المشاركات...
وفوق هذا بتصعب الاختبارات ... وتتحدى من يجيب الامتيازات ... وتبدى الطالبه بتوسلات ....
لين تحن وتبدل الاصفار بعشرات .... تنتهي حصة ابله عطيات .... وتطلع وفي راسها ثلاث نخلات ....
يائسة من حال الطالبات ... مستغربه كيف صاروا علميات ...
تجي بعدها الكيميا وتركيب الذرات .... وتبدى من جديد رحلت المعانات ....
يارب متى أصير من الشاطرات .... وينكتب اسمي مع المتخرجات ..... "
وكذا خلصت من الفضفضة ........... بس ما بعد خلصت الدراسة
دام لكم التوفيق