.
السـلام عليـكم ورحمة الله وبركـاتـه
في أنحاء المعمورة .. يسكن ابناء الوطن !
ابناء الدوله .. ابناء السعودية
نحن الشعب السعودي .. نسكن بالسعوديه <-- قل والله 
دائماً ماتكون روسنا مرفوعه .. لأننا سعوديين ولأن ملكنا هو ( ابو متعب ) 
كثر الله خيره وطول الله بعمره !
لما تتذكر انك سعودي .. تحس انك هيبه 
وتحس انك قوي مااره 
ولكن تلقى كل واحد يتذكر وطنه يشعر بالفخر
لكن للأسف فنحن نفتخر بأننا سعوديين .. لكن بعضنا 
الله يخلف عليهم
لما تطلع للراشد مثلاً في الشرقيه .. !
اتحداك تطلع بدون ماتلقى المدعويين بـ " المهايطيين " !
الي يجيك والشماغ على كتفه والطاقيه ربع والعقال مايل
وثوبه وصخ ومعه السبحه يهز فيها ويطالعك بنظرات واذا طالعته قال خير فيه شيء ؟ 
الحين انت تطالع .. ليه ما اطالع انا 
لا يبون هم يطالعون " بس " !
يبون هم الشجعان " بس " !
يبون هم عيش سفاري " بس " !
ثاني <-- دخل جو بلوت الاخ
لا عاد اسمع سواليفه بس .. قسم بالله قرنديزر موب انسان
طبعاً مافيه بنت مهايطيه .. فالبنات مايدرون ماهم المهايطيين !
المهايطي / هو عبارة عن انسان نصاب وفقاش .. يمشي وشماغه على كتفه والعربجه للنعله - الله يكرمكم -
هو القوي .. هو العربجي .. هو الداج
اما انت بالنسبه له .. ضعيف جداً .. وهو قرنديزر !
هو النمر المقنع .. وانت العظاظ
هو سندباد .. وانت الدجال
هو نمر بن عدوان .. وانت الشيخ شبلي
الهياط هو جو الشعب السعودي .. فـ الشعب السعودي للأسف اغلبيته هياط × هياط
مابقى الا يقولون احنا اخوياء قرنديزر
يجيك واحد يقولك .. والله امس طلعت مع فلان ورحنا عند جيان
مادخلونا .. ونمسك السكرتي ونجلده ويجي خويه ونجلدهم كلهم ويودونا عند المدير ونتهاوش وحاله
وكل السالفه " خرطي " !
واحد اعرفه الهياط عنده .. موب طبيعي !
يقولي اتصلت على واحد اتهاوش معه بالجوال .. انا وخويي
وشفت عنده زحمه <- وشلون شافه .. لاتسألوني ؟!
وخفت انا وخويي
سألنا انتم وينكم فيه .. قلنا في الرياض .. نكذب عليه
قال تعالوا الخبر اوريكم شغلكم !
وصارت مشاده كلام وزحمه
خويي خش جو بالسالفه !!
قال , قلنا له احنا سجلنا صوتك ونبي ننشره !
قالنا لا تكفون لاتنشرونه تكفون ..
قال خويي / لاتحاول الحين انا بأروح الراشد وأنشره
هنا قلت له دقيقه ياحبيبي دقيقه
وشلون الراشد نقز الرياض ؟
قالي .. ايه صح تصدق هو غبي ماصادنا !
قلت له .. اقول .. لايكثر
يعني النصبه احياناً توصل لدرجه عاليه جداً !
قسم بالله شيء تحس مايركب على شعب سعودي ! ..
تروح الثقبه ولا العقربيه تلقى كل واحد طالع الشارع يسولف مع خويه
" ماقصدهم كلهم .. اقصد اغلبيتهم " !
ياخوي قله تعال البيت وسولف معه على راحتك !
حتى المباريات بعد .. قسم بالله تكره نفسك لما تحضر
تلقى الي يجيك لابس فروه بالصيف .. والزقاره ماتفارق فمه
ومتلثم وعقاله مايل !
متى نصير زي جمهور الانقليز ؟
يحضرون ويجلسون على كراسيهم مايتحركون
اما جمهورنا !
" خلف الله عليهم " !!
في كل الاحوال راح تلقى مهايطي بالطريق !
الملعب - فيه
الشارع - فيه
المجمعات - فيها
المقاهي - فيها
احتلال مهايطيين
طبعاً الموضوع ليس عن الشعب السعودي كله !
بالعكس
الشعب السعودي من افضل الشعوب .. ولا احد يعتقد اني اكره الشعب السعودي
بالعكس انا منهم وفيهم !
لكن بعض هذا الشعب يخلي الشعب السعودي يظهر للعالم بشكل غلط !
ولا بالعكس انا وكل الي في المنتدى ان شاءالله اننا من افضل الناس ..
والموضوع موب للكل .. الموضوع لـ بعض الشعب السعودي ! ..
الي مايمسون لمنتدانا بأي شيء !
ولا نعرفهم ولا يعرفونا
متى راح ينتهي الهياط في السعودية وغير السعودية ..
متى راح نرتاح ونصير شعب ناجح وكل الي فيه ناس مؤدبين
نادر ماتلقى واحد من الشعب السعودي , مايدخن !
وقسم بالله الآفات والامور هاذي .. تنتشر بطريقه غير طبيعيه عندنا !
متى راح نخلص منها !؟
" العلم عند الله " <-- تسلفتها من البكر 
مره جلست مع ولد عمتي .. ولد عمتي الحبيب الي ماقدر اتركه
سألته .. ودار بينا محادثه بسيطه
سألته .. متى راح ينتهي الهياط ويصير كل الشعب السعودي مثلي ؟
رد علي وبعباره عجبتني صراحه .. خله على هياطه ازين من انه يطلع مثلك
حسيت ان حتسيه صح
لو طلعوا مثلي يبي يصيرون بدال الهياط يبون يصيرون كلهم زياد
وزياد مافيه منه الا واحد !
زياد , لواحد مش لتنين
يعني كل من هب ودب يصير زياد
لا ياحبيبي زياد واحد ماهو ثنين
والي مايطول العنب .. حامضاً عنه يقول <-- مدري وش دخلها بس حبيت اقولها
زياد .. لاتوقف
حسيت الموضوع يكفي كذا ماله داعي ازيد واعيد ..
اعطيكم الاسئله ونقضي
س / متى راح يتعدل الشعب السعودي ( بمعنى اخر المهايطيين ) ويصير شعب فاضل مثل فيصل !
س / هل الهياط يأخذ اغلبية السعوديين ام الاغلبيه شعب ذكي وناجح ؟
س / هل عندك حل لـ قتل الهياط ونرفع شعار " الهياط .. تباً لك ؟ " !
س / هل انت مهايطي ؟
س / مساحه فاضيه للتعليق على كل مهايطي
خلاص بس واجدين
وفي امان الله نلتقيكم ..
خيكم / زيـآد
.