.. السلام عليكم ورحمة الله وبركاته .. ودي اسولف .. خخخخـ قصدي منب كاتب الكلمات واحط التصميم وبس .. حسيت اني وع وانا ما اكتب مقدمه ولا شي .. ايه وشلونكم .. مشتاق اسولف صدق .. <- خلاص ازعجتنا هالايام طايحين انا و واحد بـ كاظم الساهر .. عاد اني حملت كل اغانيه .. وقررت اني اصمم على اغنيته المستبده .. يا سعدك يا كاظم انا اصمم على كلماتك من قدك والله .. عاد امس مسكت معي مسكة عبد الا اخلصه .. وقعدت على التصميم لين ثلاث الفجر .. وانا وراي اختبار ولا نمت زين العصر ومزكم وعيوني به حساسيه .. بس مسكت الا اخلصه يعني اخلصه .. يوم خلصت الساعه ثلاث .. جيت بـ اقوم عشان انام ويجي ابليسي ويقول عقب هالتعب وراه ما تنزله مره وحده .. قلت يا رجال مالي خلق خله بكرا .. قال تنزله يعني تنزله .. يا ابليسي لا تصير عنيد خلاص بكرا تكفى والله لا انزله بكرا .. لا الحين يعني الحين .. وانا اللي اقعد اصيح .. جاء قال خلاص تنزله بكرا بس عندي شرط .. قلت وشو .. قال ترتكب اثمين من الدرجه الثالثه ولا ما فيه .. عاد اني وافقت بس ما وافقت بـ سرعه .. واتفقنا على اني اسمع اغنيه قبل ما انام وادق على ولد خالي ونحش بـ واحد .. والحمد الله انتهت المشكله على خير ورحت نمت .. هالمره بـ انزل تصميمين .. شفتوا اني كريم .. / استخدمت في التصميم هذا صورتين وخامه .. وحده من الصور كانت من عدسة مشرفنا ماجد الشهري .. [ الكلمات ] قالت لكل الاصدقاء.. هذا الذي ما حركته اميرة بين النساء .. سيستدير كخاتم في اصبعي .. و يشب نارا لو راى شخصا معي .. سترونه بيدي اضعف من ضعيف .. و ترونه ما بين اقدامي كاوراق الخريف .. يا مستبدة .. انت التي اسميتها تاج النساء .. اقسي على قلبي و مزقيه لو اساء.. الويل لي يا مستبدة .. الويل لي من خنجر طعن المودة .. الويل لي كم نمت مخدوعا على تلك المخدة .. الويل لي من فجر يوم ليتيني ما عشت بعده .. الويل لي الويل لي يا مستبدة .. [ التصميم ] / اما الثاني فـ هو تصميم بسيط .. من كلمات اغنيه خاق عليها هالايام .. هالتصميم اهداء .. موب اهداء بـ معنى الاهداء .. بس فيه ناس نشبت لهم بـ الاغنيه وحبيت اهدي لهم هالتصميم .. [ الكلمات ] والله احبك احبك يشهد الله علي .. لما اشوفك ابتسم صدقني ماهو بيدي .. لا حاسد يقدر يبعدنا انا وانته لو شوي .. يالله احفظ حبي لي يالله ربي ياقوي .. [ التصميم ] احس اني كثير مره .. يالله مع السلامه واستروا ما واجهتوا .. ..