أقتباسرأيك بـ .. " التواصل الالكتروني " .. سواء كان عن طريق ( شات ، مسن ، منتدى ) مقتـنـع بوجـود صداقـة نتـيّـه ؟ و إلا مافي شي اسمه صداقة أصـلاً ؟ بدون خجل اعتقد ان صداقات الشات غلب عليها الدنائه ولاأفكر في يوم أني اصادق انسان عن طريق شات أبدا هذا اصلا اذا فكرت أدخل شات الحين الشات مرحله ماتعدت معي 3 او 4 شهور يوم عرفت النت والحمد لله انقطعت علاقتي معه بدري مررررررررررره صداقاتي اغلبها من المنتديات وتتحول بعدها للمسن ثم الجوال ثم لقاء مباشر خصوصا للناس اللي أحس اني ارتاح لهم كثير أحاول أوثق هالصداقه بلقاء مباشر فيه شخص تعرفت عليه في منتدى والحين بيني وبينه عشره مو طبيعيه لدرجة أني زرته وقعدت عنده 3 ايام في مكه في بيتهم وهو زارني تبوك بس عيا يجي البيت وأستأجرت له في فندق وتكيت عنده وصرنا اكثر من الاخوان حتى السلف صرنا نتسلف من بعض ونتكلم عن مشاكلنا العائليه ونفضفض لبعض وزي كذا يعني صار بيننا عشره خلاص مهيب صداقه الان هو تزوج وخفينا عن بعض شويه صرنا يادوب اتصالات في الشهر مره ونتواصل في منتدى ثاني ونشن انا وياه حملات محترمه على النصراويه لكني لازلت اعتبره أخ دنيا رغم ان اللي عرفني عليه الانترنت ولاأنحرج بتفاخري بصداقته قدام الكل ومنهم أهلي أقتباس* مـا تجي اوقـات لكـ / ـي , تحس بـ حاجـة إلى صـديقـ/ ـه ؟ بعض الاحيان الواحد حتى وهو بين اهله وأصحابه يشعر بالغربه مهو يكرهم بس مايحس انهم يفهمونه لذلك شي اكيد يحتاج لشخص معين انا واحد من هالناس على فكره احسن مافي صديق الانترنت أنك تحس أنك تختاره بعنياه فاااائقه يعني مو معقول بتذب وجهك على واحد انت ماأنت مرتاح له ابدا ابدا ابدا اكيد بيكون فيه تواصل بينكم شبه يومي وبتكون معجب بردود افعاله وطريقة تفكيره واذا تكلم عن نفسه اكيد بتقعد تحلل وتقلب الامور في راسك بعدين تبدأ توصل له أن ودك تتعرف عليه شخصيا عكس صديق العمل مثلا الا تقابله ولاتعرف وش وراه او صديق الجامعه والمدرسه غير كذا صديق النت بعض الاحيان تحس انك طحت على واحد يقاسمك كل شي انت انسان ملتزم والدين عندك فوق كل شي تلقى هالشخص يصلي انت هلالي تلقاه يشجع الهلال مثلك تحب راشد تلقاه يحب راشد مثلك تحب الضحك والذب والعياره تلقاه خفيف دم تعاني من مشاكل اجتماعيه تلقاه يسبقك يفضفض لك قبل تتكلم عن نفس الهموم والمشاكل بعد كل هالشي ماتملك إلا انك تتعلق بهالشخص مو بكيفك غصب عنك أقتباس* مـاسنجركـ هل توجد فيه هذه الصداقة أم لا ؟! متواجدين بكثره الحمد لله أقتباسهل تملكـ / ـين القدرة على الجلوس على كرسي الإعتراف .. والإعتراف بـ .. " خمسـة " .. أشيـاء لا يعرفها عنك .. " ســواك " .. ! - اعترف بصراحه اني مقصر في الدين ولولا ام يزيد كان رحت شوربه - اعترف ان اللي في جيبي مهو لي وأعاني من هالشي كثير والاهل يوبخوني كثير على صرف الفلوس لناس ماتستاهل خصوصا وأني مهو من الناس اللي مقتدرين ماديا وبعض الاحيان احتاج هالناس ولاأحصلهم وآكل تبن - اعترف اني كل ماأشوف يزيد وصبا يحترق قلبي عشان أأمن لهم حياه سعيده وعشانهم امتحنت أخواني وواحد منهم خسرته عشان يقسمون الورث وأشتري لي بيت خاص فيه - واعترف أدمان هالجهاز تسبب لي في مشاكل كثيره .. لكن برضه اعترف لو مهو المنتديات والنت بعد الله كان جتني حاله نفسيه في البلد اللي أنا مقيم فيه الان - اعترف اني عطيت للقناص كل ماأملكه من وقت وجهد ومال ولازلت مستعد للتضحيه اكثر وأكثر وأكثر , - - - - - - وشكرا لك يانو وي على هالموضوع الدسم