\ : ، كتبت رد وقبل ارسله قعدت اسولف مع ريمو همن طفى شحن اللاب توب فاختفى كل اللي كتبته ريمو لازم يعني نكمل السالفه ذيك الحزه ! : أهلين رامي صباحكم نسمات بارده من شباك غرفتي انا مستغربه شلون هواء بارد بالصيف شكله انا اللي حاسه ببروده مو الهواء. العشر على الجميع مباركه ياسفاب رمضان طار بسرعه : أقتباسبصراحة .. الفكر .. يضمحل .. ويهيم والقلم يجف ... والأوراق تتطاير .. والحروف تتبعثر..لأجل احدد فكرة واكتب موضوعا محددا ولكن تدااخلت الأفكاار وتشاابكت الحروف مع بعضها..فالله يعينكم عليها... ولايهمك رامي عااااادي جدا بالنسبه لي اصلا انا حروفي طبعها متشربكه \ : أقتباسهنااك من يسأل هل الكتابة تعلم أم موهبة أم تجمع بين الاثنين؟ اذا بتكلم في هالنقطه بيكون كلامي نفس حبيبة قلبي الجمال النائم <شفت رامي مانيب متطرفه فيه بنات اعرفهم مايطيقون مادة التعبير والكتابه عندهم شي مستحيل مايعرفون يكتبون بس احيانا اقرالهم كلام يجنن اهم نفسه يستغربون ومايصدقون ان هم اللي كاتبينه يقولون لولا اننا مانعرف خطوطنا كان قلنا مو حنا اللي كاتبينه لانهم يكونون كتبوا هالكلام تحت تأثير ضرف قوي الكبت اللي جواهم انفجر على الورق فطلع كلام شاعري خيالي وفيه العكس شاعر ناظرت له لقاء من زمان يقول ان انا وقت ما اكون تحت تأثير موقف ما اقدر اكتب بس اطلع من هالحدث اكتب عن شعوري لحظتها ما اعرف اكتب وان زعلان من الموقف . \ أقتباسلماذا نحن متطرفون..؟؟ للأسف الكل يتنافس عشان يقول انا بس الصح لا وصار البعض يتبع خالف تعرف \ أقتباسالحسااسية من كشف الغطااء..!! لاتعليق الحديث هنا ذو شجون .. بس مو القضيه اننا نحارب اللي يكشف الاخطاء اذا جينا للجد المسلسلات كلها اصلا ماتجوز مرأه ورجل معا . الله المستعان . \ أقتباسما رأيك فيمن يقول: بإن المرأة حين (( تستخدم عقلها فأنها تفكر في الأذى )) أقتباسبالنسبة لي فأقول غير صحيح بالمرة فالمرأه اذا فكرت بعقلها اسعدت من معها ومن هو حوااليها وصاار عملها أكثر ايجابية في اي مجاال تدخله...! عين العقل تعودت اخالف نبضك بصدى المشاعر بحروفي المعانده بس الحين كلامك صح \ أقتباسايضا ما رأيك فيمن يقول: بأن الحب يمحو جميع العيوب والأخطاء في المحبوب ...؟ اقولك خطأ والا ثنين والا عشره تغفر وتحاول قد ماتقدر انك تنسى ليش لانك تحب لانك تشتاق لان محبوبك يمون ولأننا كلنا نخطي. بس انه يصير هالخطأ والاثنين والعشره انت اللي تحاول تنساهم لوحدك بدون اي مشاركه او ايجابيه من المخطأ بكلمه او حتى تصرف بسيط يساعدك فيه انك تقول لذكرى الم هالخطأ باي تجي لوحدك وتقنع ذاتك انه لازم انسى هالأخطاء واشري راحة بالي باللي هي به بس اذا صار الطرف الثاني مو محسسك بأي ايجابيه لو بسيطه تقدر فيها تقنع ذاتك او تداوي جرحك تتغاضى وتبين انك اوكي وذكرى الخطأ تلدغك بين وقت والثاني واهو اللي يخليك تتذكره غصب . بس يتمادى ويتمادى بعنف بعد ومستمر بالتمادي .. اكثر خطأ يقهرني بعلاقة الحب بشكل عام مو لازم رجل ومرأه ممكن علاقة حب صديقات قريبات المهم اكثر خطأ يقهرني لما احد الاطراف مايراعي مشاعرك ويبيع رضاك على حساب يشري رضى ...!! مع انه ماراح يصير شي لو ماسوى هالموقف . ايه يسبب لك الم وجرح ومشاعرك بكيفها على حساب لاشئ..! الأولى _بفتح الألف_ انه يبيع الكون ويشري رضاك مو يبيع رضاك بدون اي نفع عائد وهذا القهر انه بدون فائده ترجع له . مشكلتنا نعطي بلاحدود وعطاءك ينجرح . بس جرح للإحساس هذا اللي فعلا صعب نتحمله. تخيل وحده اهدت لصديقتها(اهم صديقتان وحيدتان مالهم ثالث) هديه قيمه وحلوه . تجي الثانيه تحكي لمجموعه واهي تدري ان صديقتها تسمع حكيها تقول : ( ماجتن هديه قيمه الا من ماما اما باقي الاشياء اللي جتن (كذا وكذا وكذا ) يعني مافي شي يسوى ) المصيبه يارامي احد الاشياء اللي ذكرتها هي اهي هدية صديقتها لها . تعرف لحظتها ايش الجرح اللي سببته.!! ايش الاحساس اللي ممكن يقتلها ..! من متى وهدايانا قيمتها ماديه ماهي معنويه صديقتها فهمت قيمة الماده بثمنها مو بمعناها صديقتها حطمتها على الآخر .. احنا مانفرض على الآخرين اشياء معينه او اراء، بس نفرض عليهم واجب انساني اللي هو اسلوبهم . وش سوت لها عشان تجرحها ! ماتغصبها انها تخلي هديتها اهي اغلى واعز هديه جتها بس ماله داعي تجرها واهي ماسوت لها شي بالعكس ماعاملتها الا بكل شي حلو . انصدمت ان هالانسانه اللي اهي حبتها ورسمت لها برواز مستحيل احد يقدر يحطمه . البنت جت بذاكرتها كل ذكريات الخطأ الي تكررت وتمادت فيها صديقتها. البنت شكت ان الهديه اللي استلمتها صديقتها مو اهي نفسها الهديه القيـّمه اللي اهي اختارتها. وايش معنى كلمة قيـّمه طيب ..! بس مو جديد جرح عن جرح يفرق. اهي غلطانه اتركت فرصه للتمادي لين تعمد الطرف الآخر جرحها. الين اللي داخلك يقول خلاص ارحم نفسك خلاص اللي جاك يكفيك خلاص عذبت نفسك بمافيه الكفايه وغيرك ولاحاس الدليل الخطأ يتكرر بكل حذافيره وياليت يرجع له فائده من ذا الخطأ . المهم اقولك هالأخطاء وذكرى هالأخطاء اللي مو معقوله ابدا. غصب عنك مو بكيفك تخليك تترك عادات حلوه انت معود عليها الطرف الثاني ، مثل مسجات ، احساس ، غيره ، اي شي حلو . وبدون ماتحس يصير عطاءك مقيّد واشياء كثيره تختفي غصب عنك مو برضاك . بإختصار انانية التعامل صارت تحكمنا .حكيت واجد . \ أقتباسشو رأيكم نقاطع الرز ونأكل من مساامير الركب وحديد العظاام ونرغم اللصوص واللي ما بيخاافوش ربنا على تهدئة الوضع والركوود شوي..! مقاطعه من زمااااان اصلا انا بطبعي ما آكل الرز ما احبه . \ : رامي لغة كلامك واقعيه ، واسلوب حروفك خياليه . عوافي. :