كلاااامك بالصميم اختي برنسيسة

آآخ بس

والله حراام هالجمهور يطلع وهو زعلان

والله قدامي جمهور طول المباراة يشوفونها وهم واقفين

مالهم محل تخلونهم يطلعون وهم زعلانين حرااام والله

اول شي محمد بن فيصل : تصاريحك يالظاهره الصراحه ما تفيد الفريق باي شي

بالعكس تضره

يعني الفريق مسيطر بمبارة الذهاب وخارج بنقطه ثمينه من ارض الوحده

تطلع للاعلام تقول فربق الوحده فريق مو سهل و خايف نندم على الفرص ومادري ايش

بدال ما ترفع من معنويات لاعبينك وتقول كانو الافضل باللقاء و ان شاء الله

راح تكون كلمتنا بمباراة الاياب ياليت لو يلف الكلام براسك قبل لا تصرح به يالظاهره

المدرب : ياخي عندك لاعب مثل الصويلح تتركه احتياط ياخي حراام عليك

انت تعلب بارضك وبين جماهيرك المفروض تهاجم تجي تلعب لي بمهاجم واحد

ياسر وش يبي يسوي لحاله .. الكل يشوف ياسر يبدع مع المنتخب ومع الهلال لا

ليه هالشي لانه بالمنتخب يلعب معه مهاجم ثاني يسانده و خير دليل مباراة غانا

والكل شاف لما دخل الصويلح كيف كان خطر .. اليوم اشوف بقناة دبي يقول محلل اماراتي

مدرب الهلال اراحنا بلعبه بمهاجم واحد . . نترك الصويلح التايب والشلهوب

مو حراام عليك تترك هالنجمين لاخر 20 دقيقة والثاني لاخر 15 ساعه

دخلو غيرو لك الوسط لك كاملآ الوسط كان نايم نشطوه بتحركاتهم وتمريراتهم

نواف و المفرج العنقري الخثران . . . : وش اقول وش اخلي

حرااام عليكم والله نواف الي كنا نتأمل منك ترجع مثل نص نواف 2000 حطمت هالأمل

كرات ليست لاحد تجيك الكوره تبي تخلص منها باي طريقة لعباتك كلها اليوم غلط بغلط

بالعامي اليوم تعلب على عماها

المفرج لا جديد يقول لسماعيل تعال سجل قول جالس يتفرج عليه آآآخ بس متى يغلق هالمخرج ونفتك منه


-اخيرآ اتمنى تدخل سريع لانتشال الفريق من هالوضع الراهن

نبي نشوف فلوس موبايلي بلاعب اجنبي مثل العالم والناس

لاعب يعتمد عليه مثل تفاريس الي حررام عليكم اذا تركتوه يرحل

سامحينا اختي على هالرد الطويل بس والله ابي اطلع الي بقلبي

يعطيك العافية وماقصرتي