. . :: . . في مكالمة جماعية تتسم بالمدري وشسمه كنّا انا والجمال ومحاسبه وغيدا نتفق على طلعه بنطلعها سوا .. مره المكان ما عجب وحده <- ميب محاسبه ابد خخخخـ ومره ام وحده مننا ما تبينا نروح لذا المكان <- ميب ام الجمال ابد خخخخخـ ومره ام وحده من البنات تقول مافيه روحه من اساسه <- ميب امي ابد خخخخخـ يا حبي لهاغيدا بس .. طول عمرها سمحه . . :: . . طالت المكالمة وكل وحده تبي تسكر عشان فاتورتها طاقه وغيدا دق عليها خالها مدري وش كان يبي المهم اننا سكرنا وما اتفقنا على شي . . :: . . من بكره دقينا ونفس النقاش حق امس تكرر والجمال بدل ما تقول الو اهلين قالت [ بسرعه اتفقوا ترى فاتورتي طاقه ] ريميه : اقول غويد .. وش كان يبغى خالك امس يوم يدق محاسبه : يبي الي يبي .. انتي وش دخلك ريميه : دخلني اني مخاويه قصيميه ( فيس يرفع حواجبه ) الجمال : ترى انا بديت انقرف !! بتسولفون زي الناس والا اسكر غيدا : اسمعي ريمو .. خالي كان داق يقول لي انه لقى فيلم عمر وسلمى بس قلت له يخليه لبعد العيد .. ريميه : الله يحيينا حياتن طيبه بس !! غيدا : انتي اللي تسألين ترى .. ريميه : تيب ما قلنا شي .. محاسبه : طيب يا صديقات القصيميه .. الحين وش صار على طلعتنا الجمال : انا امي نزل عليها إلهام فجأه ووافقت .. لازم نستغل الفرصه ريميه : انا بعد امس امي تقول كان ودك تروحين ترى عادي غيدا : اجل الليله .. نروح لسنتريا <- انا قايله ذا البنت سمحه جعل ربي يسمح امورها وامورنا ورحنا وكانت طلعه من العمر <- اخت ليله من العمر بس ستايل بناتي بحت ! جلسنا ساعتين مع بعض .. وقبل لا نطلع اقترحت محاسبه نمر بيتهم عشان تورينا ملابس العيد حقتها .. دخلنا من جهة الاستراحه حقتهم مستحين الا شوي .. شفنا ملابسها وكانت حلوه مثلها .. فجأه جاني مسج !! دورت جوالي واثره مع غيدا يوم توني باهاوشها بادرتني وقالت : ما عندك نغمات لخالد <- آوت يا غيدا <- اوت انتي يا ريم . :: . المهم اني فتحت المسج وكان مكتوب فيه [ اهلين ريمو .. لا تنسين انتي والبنات بكره الضيافه عليكم .. نشوفكم على خير ] سألت محاسبه من المرسل ووش الرساله ؟ وعناد بس قلت لها : خال غيدا <- آوت خخخخخـ المهم المسج كان من المزن الهلالي برايفت المزن [ من وين جبتي رقم جوالي خخخخخـ ] يوم قلت للبنات .. بدت الخبصه انواع التوهق ..!! اول شي ما حددنا المكان اللي بنجمع الاعضاء فيه ووش بنقدم ..؟؟ قالت محاسبه : استراحتنا موجوده ..!! طيب المكان وحددناه .. وش بنسوي في باقي الاشياء ..؟؟ دقينا على امهاتنا وقررنا ننوم عند محاسبه <- نمرح طبعاً اهلنا حبيبين مره ووافقوا على طول <- ايه هين !! وقالوا ان بغيتوا اجلسوا عندهم يومين بعد <- اليومين ذي فوق البيعه . :: . طول الليل كنا نرسل عالبرايفت لكم عشان تجون <- اسلمي ومن صبح ربي قمنا نجهز لكم الضيافه مير والجمال ذا الزلابه سافهتنا وجالسه تكلم [ الملاك الحالم ] خذت منها محاسبه الجوال ووزته عند امها <- وهـ بس يا امها . . :: . . من كان يتخيل اننا بنجتمع هالجمعه الحلوه <- الله لا يفرقنا هل محاسبه كانت تتخيل ان الاعضاء بيجتمعون في بيتها .. في استراحتهم اللي جنب بيتهم اقصد طيب تتخيلون وش بنضيفكم طبعاً ولا يخطر على بالكم شي فوق الوصف وفوق الخيال نترككم مع صور سناعتنا وحوسة مطبخ اهل محاسبه <- انتي الي جبتيه لنفسك يا حاتم خخخخـ . . :: . .