السلامـ عليكمـ ورحمة اللهـ وبركاتهـ يمسيكم بالخير يصبحكم بالنور اكيد بتقولون ايش يبي ذا بس بندخل وحده وحده في الموضوع جات حلقة في طاش ما طاش عن عاداتنا وتقاليدنا وكيف كنا متشددين والحين ازحف تنحف ياولد بس بالفعل هذا واقعنا هذا كلام من مصدر موثوق جداً <جدتي -اللي فيه خير يقول كذابه-> تقول ايام ما جابوا مدارس البنات عندنا في الديره قامت الدنيا وماعاد انثبرت تقول بعد خذ وخل فتحوا المدارس وقالوا التعليم اوب اجباري اللي يبي يجيب بنته اهلاً وسهلاً اللي مايبي ياكل تبن ويخلي بنته تنثبر في البيت تقول في الفصل طالبتين ولا ثلاث واذا طقتهم الحمى اربع طالبات وهذا احنا الحين البنت اللي ماتدرس تعتبر متخلفه واللي فيه خير ينكر ذا الشي ثانيا تقول جاتنا التلفونات الثابته واللي يدخل في بيته تلفون ثابت يعتبر بيل قيتس على غفله والحين اللي فيه خير يطلع لي بيت ما فيه تلفون ثابت وبعدين جا الكاشف وقالوا عز الله نص العالم بيروحون في المذابح والطيخ والطاخ وبعدين جا التلفزيون ايام كانت قناتين بس تقول جدتي ان جدي الله يرحمه كان يحب سميره توفيق بشكل اوب طبيعي تقول سميره توفيق احلى من هيفا الحين تقول اول مانزل التلفزيون وقسم كانوا الحريم لامن جا الرجال في الشاشه يتغطون وجدتي بنفسها الحين ماعاد تسمع الا لنجوى كرم وراغب علامه تقول بعدين جاتنا الدشوش وكل ابو العالم اعترضوا وبعد خذ وخل سمحوا بها والحين احنا لحقنا على الجوال ابو كاميره وكيف كانوا العالم معترضين والحين بدال الكاميره كاميرتين والله يستر لاتصير ثلاث والحين ياحبايب قلبي يقولون مانبي المره تسوق السياره وظنتي بتلحق بالاشياء اللي سبقتها وتصير المره تطارحك و تكد على الدينات وتشتغل في وايتات الصرف الصحي وهذا الشي ما نستبعده ابد بس يالله يارب لا يمر علينا اليوم اللي المره فيه تسوق السياره ملحوظه:: البلد الوحيد في العالم الذي لايسمح للمرأه بالقياده هي السعوديه وهذي نعمة من رب العالمين وجعلها دوم الاسئله ::- 1\هل كلامي في اعتراضات القبايل على التطور التكنولوجي صحيح ولا لا ؟؟ <<< بس اوريكم اني اعرف اتفلفس 2\هل انت مع او ضد قيادة المرأة للسياره ؟ 3\رأيك في الموضوع بشكل عام ؟ 4\في بالك ماقلت ياكثر هرج عزوز البثر ؟ خلاص خلصت ع ــزوز ][!][كــرت احــمــر][!][ سابقاً