بسم الله الرحمن الرحيم

اولا احب ارحب بكل من يقرأ هالموضوع واتمنى يطول باله شوية


انا طالب كويتي بالقاهره و مشرف عام على منتدى رياضي كويتي

ندش بالموضوع


بالقاهره كنت اطالع مباراه بين ساحل العاج ومصر وبطبعي احب اتحمس على اي شي رياضي ومع اني اقدر اطلع هالشي بالشقة عندي لكن احي الحماس بالذات بمصر عندهم تجمعات رياضية رهيبة بالكافيهات والمقاهي الشعبية

بأحد المقاهي الشعبية كان العدد فل وخسر مصر من ساحل العاج بهدفين نظيفين لتودع مصر كاس العالم
لا تشوفون شلون كانت الحالة النفسية للمتواجدين

كنا قاعدين انا وكم واحد بين كويتين وسعوديين ووواحد عماني

المهم واحد من الشباب سعودي الله يذكره بالخير
كان يتغشمر ويضحك قال ل**ون مصري دائم بهالمكان لا تحزن السعودية بتشرف العرب بكاس العالم انتوا خلوكم على ذكريات كاس العام سنه90

المصري ابتسم ورد عليه رد بسيط جدا
يا عمي السعودية بتتغلب بكاس العالم بال8 روووووح يبني ربنا يستر عليكوا انا زعلت لما عرفت ان انتوا حتتأهلوا

وخلانا ومشى

صديقي العزيز استقبلها بمفاجأة او استغراب على ملامح ويهه وصار هذا محور نقاشنا


شنو ممكن يسوي الاخضر السعودي عشان يمسح هالذكرى السيئه الي صارت عند اي رياضي بسيط او شخص غير فكرته عن سعودي 94 والعويران وباقي النجوم


برايكم شلون الاخضر يعيد امجاد ال94؟ اذا مو بالمستوى على الاقل بالنتايج
واذا مو بالنتايج على الاقل بالمستوى!!!


ممكن اعرف رايكم شلون

عشان نقدر بالمستقبل القريب نرد على اي احد يقول
يا عم السعودية بتتغلب بال8!!!!!


آسف على الاطالة واتمنى الموضوع انفهم بالشكل الصحيح ويكون في حسن النية من القراء

كلنا قلبا وقالبا معاك يا اخضر بس اخضر ال94 وليش ماحصل بال2002!!

شلون الاخضر يتجنب الي صار برايكم؟