س8: مارأيك ببرنامج شاعر المليون؟
وهل ترى أنه يستحق أن يتكرر مره أخرى؟
طبعا برنامج ممتاز ويستحق يتكرر
بس ياليتهم يحطون له ضوابط..
وياليت اللي اخذ فرصته في الاعلام يعطي فرصه لغيره يشارك..
س9: لو تم إسناد اوبريت الجنادرية لك هل ستوافق؟
وفي حالة مشاركتك هل هناك مطرب معين تحرص
علىمشاركته؟
انا أتمنى والله
وكنت ناوي اكتب اوبريت السنه هذي وأعرضه عليهم
بس كلفوا الامير سعد ال سعود وهو يستاهل..
اما المطرب اللي راح استدعيه ممكن يكون
][ابراهيم الحكمي][ لأمكانياته العاليه ولأنه ماشارك قبل..
س10: ديوانك الجديد [ سالفة عشاق ] ماسبب تسميته بهذا الاسم؟
هل هوبسبب القصيدة أم هناك سبب آخر؟
القصيده طبعا سبب..
لكن السبب الأهم ان الديوان كله حاله يعبر عنها العنوان ( سالفة عشاق ) ..
س11: لماذا لاتحرص على طرح ديوان مسموع لكبالأسواق ؟
وأيهما أفضل الديوان الكتابي أم الصوتي؟
طرح لي ديوان || المدينه والغريب || مسموع..
والافضل انتشارا ( المسموع ) اما لحفظ وتوثيق القصائد وللزمن طبعا المقروء..!
س12: قصيدة يبه أنشدت من قبل منشدين
هل صحيح أنهم انشدوها من غير طلب منك؟
صحيح..
و الله يهديهم لو استأذنوا على الأقل عشان ينطقون الكلمات بشكل صحيح..
س13: مارأيك بكثرة المعجبين والمعجبات لك؟
وهل يتسببون لك بإحراج؟
أي أحراج .. لاوالله بالعكس الا يتسببون في حبي للحياه اكثر
س14: بصراحة مارأيك بالشعراء.. مساعد الرشيدي ونايف صقر
وحامد زيد وسعد علوش ومحمد جارالله السهلي؟
لكل منهم ميزته اللي تميزه..
وانا بصراحه احب شعر 3 منهم بس مااقدر اقول 
لكن كاأشخاص احبهم كلهم والله..
||||
س1: من هوالفنان الذي تهوى فنه ويطربك صوته؟
وتتمنى أن تقدم له قصيده من قصائدك؟
ماتوصل لدرجة الأمنيه..
لكن احب احترام كاظم لفنه
وأحب احساس فضل شاكر..
وماجد المهندس 
ويارا..
س2: هل يوجد في المستقبل تعاون بينك وبين الفنان خالد عبد الرحمن؟
لاوالله مافيه اي تعاون بيني وبين الفنان خالد عبد الرحمن ..
س3: قصيدة المدينةوالغريب هل ستغنى بعد الفنانة ذكرى؟
كأن عندك خبر والله
طُلبت.. لكن ماراح أخليها تغنى..!!
س4: فارس مهدي غنى المدينة والغريب بلحن حزين في جلسة
أفضل من ذكرى وأنت رفضت أن تعطيه التنازل
هل صحيح هذا الكلام؟
صحيح انه غناها لكن اللحن مايناسب الكلام..
مع انه فارس له جمهوره وله خامته الشعبيه اللي تميزه..
س5: بصراحة أنت مذيع ناجح.. مارأيك بالتجربة التي خضتها في قناة الرياضيةالسعودية؟
كانت من أجل الأخضر وصقور الأخضر..
وتجربه فعلا حبيتها واتمنى اكررها بس بشكل مايكون مكرر..
س6: مارأيك بسندباد الأغنية الخليجية الفنان راشد الماجد؟
وبقناةوناسه الجديدة؟ وهل تتوقع لها النجاح والاستمرار؟
حبيت له اغنيته الجديده || عشان الحب ||
كانت مميزه وهو مميز وأحبه..
ووناسه والله ماتابعتها بس شفت حفل الافتتاح كان جدا ضخم وحلو..
س7: هل سيكون لك تعاون مع كبارالفنانين في الأيام القادمة؟
نخليها لظروفها..
||||
س1: شاعرك المفضل؟
بدر بن عبدالمحسن بلا منازع
س2: مطربتك المفضلة؟
فيروز
س3: قناتك المفضلة؟
Mbc2
س4: أكلتك المفضلة؟
فاهيتا
س5: دولتك المفضلة؟
النمسا
س6: لاعبك المفضل؟
سامي الجابر وياسر القحطاني
||||
س1: مامدى اهتمامك بالرياضة سواءالمحلية أو العالمية؟
..متابع بدرجة غاوي كوره..
س2: مارأيك بمنتخبنا الأخضر الشاب في البطولة الآسيوية؟
وهل توقعت أن مستواهم سيكون باهرا بالرغم من صغر سنهم وقلة خبرتهم؟
بصراحه لما كنت مقدم لبرنامج قلوبنا مع الاخضر كان ودي اتكلم على المدرب واقول ليش خذلتنا في محمد نور
والمنتشري والشلهوب ..
بس سكت لعلمي بعدم جدوى الكلام وقتها..!!
اما بعد ماشفت مستويات الاخضر اعتذرت للمدرب بيني وبين نفسي
وقلت هذا المنتخب الحلم..
س3: لماذا لم نرى لفهد المساعد قصائد للمنتخب السعودي حتى الآن؟
كتبت للوطن بشكل عام وهو يشمل المنتخب وغيره..
س4: عرف عنك هلاليتك وحبك للهلال..
هل صحيح أنك من عشاق محمد العنبر؟
فعلا كنت اعوّل عليه في بداية بروزه..
لما يمتلكه من تكوين جسماني وضربات رأس
وحساسيه عاليه في التهديف
لكن ماكتب الله له الاستمرار بمستواهـ..
وان شاء الله يرجع من جديد بشكل جدي..
س5: مارأيك باللاعب ياسر القحطاني؟
وهل يستحق أن يكون قائدا للأخضر بالرغم من صغر سنه؟
ياسر آسر في كل شي
ويستحق طبعا لأخلاقه وحب زملاءه له..
س6: هل من الممكن أن تكتب بيتين في اللاعب ياسر القحطاني؟
-إن أمكن-
ياسر وقفته في الملعب قصيده بحد ذاتها
فأستعير اغنيه لعلي محمد وأقول:
( وش لون ابكتب في القصيده قصيده )
س7: كلمة أخيرة تقولها لعشاق اللاعب ياسر القحطاني في ملتقى القناص؟
ياسر يستحق أكثر
وأنتم ذوقكم عالي لأنكم في منتدى هذا الآسر..
وأخيـرا..
أشكر كل من الأخوات:
(هلالية كيوت – شمعة حياتي – أنا سعوديـه–عنود الغيد– أنا أنت)
وأعضاء منتدى القنــاص ، وروادهـ ..
||||
بالنيابه عن مجموعة The Best CooperatioN
نتقدم بالشكر الجزيل لــ :
( كـغـيــــّــم )
مدير موقع المبدع فهد المساعد..
والشكر موصـول لـــ :
( أبـو طـــلال )
مراقبنا الرائع اللي عذبناهـ معنا: )
||||
تقبلوا خالص تحياتنا:
هلالية كيوت
شمعة حياتي
أنا سعودية
عنود الغيد
أنـا إنــت
p21