هلا وسهلا يالله حيهم يالله حيهم أقلطوا أنا يا شباب وصبايا بأخذكم في " فرّه " سريعة أوريكم الأطباق اللي على سفرتنا طبعا حنا اعتمدنا على البساطة ومانكثر خبركم الواحد وهو جايع يشتهي كل شي واذا أكله لقمتين شبع تيمنّا بإسم المجموعة وشعارها قررت إن أتحفكم وأسوي شي بنفسي أنا وقلت ياولد مالك الا تلف لهم سمبوسة . . . أترككم مع الخطوات هذا الله يسلمتس تجيبين الرقائق <-- أشك مهب مفوزنا لو بنفوز الا هالكلمة وتسدحينها على صينيه بس مب لازم مشجره مثل ذي عادي لو فيه صينية ساده ترى بعدين الله مير يسلمك ويسلمتس أخواني المشاهدين تجيبون جبن ( اللي ودك لو ان بغى البقرة الضاحكة ) ولطه قصدي حطوه بشوي شوي يعني بالشكل الواضح أعلاه طبعا نأتي لعملية اللف وهيه عملية صعبه جدا ركزوا معي شوي بس : قم بمد يديك للأمام بشكل متوازي بعدين سوا بكفوفك كذا <---- يعني خل كنك بتقطع بسكين والا شي ( ان مافهمتوا ترى مب لازم ) اثني الإبهام اليمين تسعين درجه يسار والعكس مع اليسار * ملاحظة يجيب في الشخص اللي يبي يلف سمبوسة إنه يكون خفيف الحركة وله خبره بالجمباز نرجع للزبده ايه وبحركة بهلوانيه سريعه ( يمين - يسار - يمين - يسار ) تكون بكذا سبموستنا جاهزه وبالهنا وبالعافية طبعا يا يبعدي أنتم يالمشاهدين اللي حايمة تسبودكم فيه كثير من أنواع السمبوسة فيه بدجاج فيه بلحم <-- ليه بتفرق يعني ؟ فيه بجبن فيه بحشوة مدري وشي فيه شي يقلي بالزيت فيه شي يحط بالفرن فيه شي يحط بالمكرويف <-- ياكبرها عند الله أترككم مع مختارات من الصور يعني مثلا هنا السمبوسة ذي مقلية بالزين شايفين يا شباب خلكم من العدة اللي جنبها جاين لشرح المطبق لا تخافون متوصي فيكم اليوم انا موديل ثاني سمبوسة بالفرن يازينها زينها اللهم انى صايم بس وهذي نفسها بس من زاوية ثانية ونصير كذا خلصنا من اهم شي السمبوسة وهي شعارنا واسم قروبنا