عـدنا إليكم من جديد <-- حشى الكابتن ماجد هاذي لكم مقابلة مع عضو رآئع متميز .. فريد من نوعه .. انساان فتااك [ منسم ] <-- مالكم دخل هو بيفهمها وهذا الانسان الفتاك اتحدااكم مين؟! <- تستخف دمها العضو الفتاك الرائع الفنان المبدع المتميز .. واوب موفيته حقة مهما قلت CC العضو المتميز .. [ TAMeeM ] وسألناه بعض الأسئله وكانت هاذي اجوبتة .. تفضلوا.. CC سـ1/ بطاقتك الشخصية ؟ الاسم / تميــم العمر/ 19 الهوايات/ كرة القدم مشاهدة وممارسة مستواك الدراسي/ طالب جامعي النادي المفضل عالميا ً/ ما اشجع نادي معين بس اميل لانتر ميـلان الاعب المفضل عالميا ً/ ريكاردو كـاكــا سـ2/ جدولك في رمضآن ؟ جدولي في رمضان كالتالي : يبدا دوامي الساعه 8 ويخلص الساعه 3 .. مشوار صح .. ارجع من الدوام تعبان ..اخذ لي غفوة .. بعدين اقرا لي شوي من القرآن .. واقرا جرايد بعدين اشيك على المنتدى ولا اتابع مسلسل الين يجي الفطور بعد الفطور.. زي كل الناس تكية مع الاهل حلا وشاهي ..وطاش ماطاش .. وبعد صلاة التراويح اذاكر لي شوي .. ثمين ادخل النت.. ولا اطلع العب كورة .. ..على حسب .. وبس .. سـ3/ الأكلة المفضلة ع الفطور , السحور؟ ع الفطور : الستيك بكل انواعه ع السحور : كبسة بخاري ..واضرب بالخمس سـ4/ اطرف واغرب موقف حصل لك في رمضان؟! هذا يا طويلة العمر يومني صغير كنت مسوي الفتى البطل .. الا بصوم غصب الزبده وانا راجع من المدرسة وما شريت من المقصف عساس اني صايم الله لا يعوق بشر .. رجعت البيت ولا العطش عامل عمايله قلت يا ولد خل اروح البراده بالمطبخ اخذ لي كم [ جغمة] جغمة = رشفة المهم اخذت لي اول كاس واشرب .. واسمع الشغاله تقول :[[ تميم انتا مافي صايمه ..؟؟!! ]] وانا ساحبن على جد جدها مسوي ما اسمع واكمل كاسي .. الزبده يوم شربت وقضيت .. قلت اوه صح انا صايم ..وراه ما علمتيني ..وقعدت اهاوشها المسيكينه وبسسس .. يا اني كثرت بربره داري سـ5/ نترك لك الحرية تسأل نفسك سؤال واحد وتجاوب عليه ! ودي اسال ليه كل الشعب يتابعون مسلسل [باب الحارة] الي ما دخل مزاجي ابد ؟؟ " يمكن عشانه ما دخل مزاجي فهم يتابعونه عناد " <== لعد تسال يرحم امك سـ6/المسلسلات المفضلة لديك في رمضان؟! طاش ما طاش .. فقط.. سـ7/ الوقت اللي تحب تقرأ فيه القرآن؟ بعد صلاة العصر .. سـ8/ اكثر شي تحب تشغل فيه وقت فراغك؟! التصميم بالفوتوشوب .. سـ9/ كلمة اخيرة اشكركم جزيل الشكر على هاذي الاستضافه .. تشرفت بهذا اللقاء والله .. كل امنياتي لمجموعتكم بالتوفيق.. كل عام والجميع بالف خير .. اخوكم : تميــم ,’,’,’,’,,’,’, الحين سؤال لكم يا الاعضاء.. وش تفضل تشاهد في رمضان؟ موقف حصلك في رمضان؟ واتمنى تكونون استمتعوا مع هاذي الفقره CC