ابدعت ابدعت وابدعت ياخوي بهالموضوع
رحم الله الامير والفارس والشاعر محمد الاحمد السديري
الامير محمد يعد من ابرز الشعراء وأرفعهم منزلة
وله مكانة في قلوب الشعر ومحبيه
واجزم انه يحتل مكانة بقلب كل السديري لانه له الفضل بعد الله ووالده واخته حصة
الله يرحمهم ويسكنهم الجنة برفع اسم عائلته وشهرتها بالكرم وطيبه وغيره
لا فعلا تم تعنيه أميرا عليها عام 1357
معلومة جديده اول مره اسمع عنها
يلي اعرفه حسب ماقرات عنه ان له عدة مؤلفات
الديوان الأول للشاعر الأمير محمد السديري.
و وصل إلى ثمان طبعات
* أبطال من الصحــراء
* الدمــعه الحمراء(قد عرضة كمسلسل بدوي)
الجديد قصائد الأمير محمد السديري
* محمد بن أحمد السديري أميراً و شـاعراً
وابي اضيف قصديتين من احب القصائدة ع قلبي له ..
إن صـار زود الـمـال بيـديـن الانــذال
حـنّــا مـــن الـمـعـروف تـنــدا يـديـنـا
وان كانهم شرهوا على طيب الافعال
حـنّــا وردنــــا جـمـامـهـا وارتـويـنــا
وان فـكّـروا للـجـود يمـشـون رحّــال
حـنّــا قـبــل يـمـشـون يّـمــه خـطـيـنـا
يـا مــا لبسـنـا للـشـرف كــل سـربـال
وعـلـى البسيـطـة للفضيـلـة مشـيـنـا
فـي دوحـة العربـا لـنـا مـجـد وظــلال
وحـنّــا عـلــى در الـمـكــارم غـذيـنــا
لـو نجمـع اللـي فـات منـا مـن المـال
إن كـــان شـيـدنـا الـقـصـور وبـنـيـنـا
نعـطـي ولا نـتـبـع عـطـانـا بـالاقــوال
ونـبـذل ونـسـكـت كـنـنـا مـــا عطـيـنـا
وان باعـوا الشيـمـة بديـنـار وريــال
حــنــا دخـلـنــا سـوقـهــا واشـتـريـنـا
نطلع لها لو هي علـى روس الاقـذال
لــو هــو عسـيـر ٍ دربـهـا مــا انثنيـنـا
بافـعـالـنـا نــرســم دروب ٍ لـلاجـيــال
إلـــي نـسـاهـا غـيـرنـا مــــا نـسـيـنـا
أســـود ســـادات ٍ تـسـجـل لـلاشـبـال
فـضـايــل ٍ شـمـنــا لــهــا واهـتـديـنــا
بـيـض ٍ نسجلـهـن جـديـدات وسـمـال
حــفــايــظ ٍ لاحــفــادنــا الـلاحـقـيــنــا
نصبـر علـى الشّـدات لـو شيلنـا مـال
لـــو ســـال دم دفـوفـنـا مـــا شـكـيـنـا
نـخــاف يـلـقـى ســدنــا كــــل خــتّــال
ويـبـنـي هـزيــلات المـعـانـي علـيـنـا
اللـيـل يــا خـالـد عـلـى والــدك طـــال
وهـنّـيــت نــــاس ٍ بـالـكــرا نايـمـيـنـا
يـا عـز راسـي شفـت مـا خبـث البـال
شــــي ٍ يــهــوّل شــيّــب الجـاهـلـيـنـا
شـي ٍ مـن اسبـابـه يشـيـب بالاطـفـال
فـطّـر خـشـوم مهـجـرعـات الحنـيـنـا
أديـــر قـــالات ٍ عـريـضـات وطـــوال
قـــــالات خــلـــنّ الـمـخـفــىّ يـبـيـنــا
منهـن رزيـن العـقـل بالـوقـت يهـتـال
بـوقــت ٍ عـبــوس ٍ فـطّــن الغافـلـيـنـا
وقـت ٍ مـن اسبابـه شكـى كـل ريـبـال
نـصـبــر ونـسـكــت كـنـنــا غـايـبـيـنـا
الــنــاس بــالأيــام راحــــل ونّـــــزال
وتفجـعـهـم الـدنـيــا وهــــم دالـهـيـنـا
وحـيــات رب ٍ نـــزل آيـــات الانــفــال
عــالـــم خـفــايــا نــيـــة الـحـاقـديـنـا
ما اترك طريق العدل في كل الاحـوال
لــــو يــرحــل الـمـريــخ للـفـرقـديـنـا
سلمى تقول ان المـوده غرابيـل
وانا على سلمى عليـل الضمايـر
سلمى تقول الحب ويلٍ بثـر ويـل
وانا حشاي بجايـر الحـب فايـر
وسلمى لها بقصى الضماير مداهيل
وعندي لسلمى بالمـوده سرايـر
اسأل عليها كل مـا يقبـل الليـل
والصبح اوصي يمها كـل طايـر
الحب في قلبي صبغ صبغة النيـل
بين المحاني صايب الحـب جايـر
وياما توجَّـد والضمايـر مغاليـل
وياما على سلمى عطيت البشايـر
طفلٍ سلب عقلي بسـودٍ مضاليـل
منها قلوب اهـل المـوده عثايـر
ورموش سودٍ ما تكحل من الميـل
سـواه خـلاق البحـر والجزايـر
دارٍ لسلمى ما تجيهـا المراسيـل
دارٍ لقلبـي فـي حماهـا ذخايـر
ارسل لها من ناحـلات المراميـل
مـا يصلنـه ناقـلات المجـايـر
اطلب لها من رايح المزن بالسيـل
منـه الزبيـدي نابـتٍ بالمحايـر
وبعد له الكثير من القصائد المتبادلة
ومثل ماقلت لـ صديقه زبن ورد عليه
لكن هذي من اروع القصائد المتبادلة بينه
وبين الامير خالد الفيصل
ياقلبي اللي من هوى البيض معتاذ
واليوم اشوف الوجد والشوق بـذه
حسبي على اللي للمواصيل جـذاذ
حبل الوصل من بيننا البعـد جـذه
يسقـي منـازل ليـن العـود رذاذ يلقى
بها ظبـي الطعاميـس لـذه
الصاحب اللي عن هوى القلب مالاذ
لا قلت دوك القلـب يازيـن غـذّه
ولانيب من هرجـه كثيـر
وهـذاذّ ماشاف فـي ليلـه نهـاره يهـذّه
عساك تأتي لي يابـو زيـد نفـاذ
قلب تحذى الشـور ياخـوك حـذه
أسهر طوال الليل واغضي على الحاذ
وعن الصديق القلب ما فيـه شـذه
شكواك خلت بسـرة القلـب تخـاذ
و لا عاد في قلبي من الصبـر فـذّه
اللي يا بو بندر جعـل قلبـك افـلاذ مشربك
ياممـدوح الأفعـال عـذّه
طفل سهم عينـه بالاعمـاق نفـاذ
والحق عليـك بقـذة عقـب قـذّه
ان كان مالك فيـه مدخـل ومنفـاذ له الشبك
في مدهـل الصيـد بـذّه
وإليا دخل وسط الشبك يابن الافـذاذ
غوجك لساعـات المهمـات حـذّه
وبالاخير اسمحلي اختم ردي قصيده رثاء رائعة
للشاعره ريمـــه بنته رحمه الله
ياقبـر ضـم ابـوي ياقبـر بالـهـون
اللي سكن فيني وهو فيك ساكـن
بكت له اقلوب وعميت له اعيون
وتشفّـقـت لامــاه كـــل الامـاكــن
بعده حياتي مـا لهـا طعـم او لـون
والعمر من عقبه مخيـف وداكـن
ياقبـر هانـوا بعـده إللـي يموتـون
ولا قلت انا يمكـن ولا قلـت لاكـن
ويـ مال العوافي الفجر البعيد ع هالموضوع راائع والقيم لاعدمتكـ
واعذرني على الاطالةp21