السلام عليكم ورحمة الله وبركاته...!!
مع ايام الدراسة ..
كاثرهـ قولة [ دفاتر اقلام , كتابة ]..!
عشآن كذا .. حبيت اجي اطبق عليكم ..!
واجرب مهاراتي في التدريس 
..
اول الدروس...!
كيييييف؟!
كيف ممكن اتزوج اذا كانو يكتبون خبر الزواج بهالصيغة العبقريه.. [ تم عقد قرآن [ فلان ابن فلان ].. على كريمة [ احدى الاسر]..! ]...!
يعني ليه يكتبون [ احدى الاسر ]..! يعني بتصير احدى الحيوانات مثلا؟!! 
ولا احدى السيارات؟!
من جدهـ ذا ولا يستهبل؟!
احدى الاسر؟!
حتى انا اعرفها!
جد والله..!
يعني اكيد احدى الاسر..! 
طيب اكتب العائله اذا ما تبي الاسم !!
هـــــــــل؟!
هل بيجي يوم من الايام ويتحقق فيه المعجزهـ العلميه البشريه؟!
وتقدر البنت تمشي في شارع الرياض ولا جده من غير ما تسمع نوع من هالكلمات [ يا حلوة , يا دلوعه , اول مرهـ اشوف قمر ع الارض , الخ ]..!؟!
هل بيجي يوم تقدر تمشي البنت في الشارع من دون ما يناظرونها كأنهم شافوا مخلوق فضائي غريب..! انحطوا ع كوكب الارض في ضروف غامضة؟! 
متـــــــــى؟!
متى رآح تنتهي مشكلة غلاء المهور عندنا؟!
يعني الوحدهـ تبي لها [ 1000,000 ] ..!! عشان ترضى ؟
الحين شبابنا [ بالطقاق] يلقون لهم وظيفه وراتب ع قدهم.. ويقدرون يشغلون وقتهم!!
وباقي لهم يكملون نص دينهم ويعرسون .. بس تطلع البنت تبي ع الاقل [ 900,000]؟!
<-- زودتها
ميــــــن؟!
مين هاذي سؤال يوجهه اي احد يرد ع من دق الجرس
لكن عاد الاجابة الفضيعه !! اللي تصدم كل من رن الجرس ولا دق الجرس!!!
اللي هي [ افتح ]..!!!
لاحظوا...
الرابط والعلاقه بين السؤال والاجابه!!
( مين ===>> افتح)!!!
انا فكرت فيها كثير.. وصراحة ما لقيت الا جوابين!!
يا كلمة ( مين ) ..! تقصد [ وش تبي ]..!؟
ولا [ وش المطلوب ]..!
ولا انا فاهمتها صح .. !
لكن اللي يرن الجرس اسمة [ افتح ]..!
أيـــــــــــــن؟!
بالعامي..!
وين بلقى محل ملابس..يشوفني ماسك قطعه الا ينط في وجهي!!
بشكل فضيع كني سارقه شي!!
ومطير عيونه ومتحمس!!
ويقول [ فيه مقاسات]..!!!
لا ياشيخ!؟
صدق عاد1؟ الملابس لها مقاسات ؟!
يا الله التكلنوجيا العجيبه
اكيد ذا اليابانيين لعبو في عقولهم وطلعو لهم حركة جديده
اجل الملابس لها مقاسات
يستهبل ذا الظاهر
,,,,,,
يللا عاد يا شطار..!!
خلص درس اليوم
والواجب جاوبوا ع الاسئله
سلآآآآآآآآآآآآآآآآم 