^ ^ دعايات الفيلم .. السلام عليكم ورحمة الله و بركاته أول شيء لازم أبدي إعجابي بمواضيعك أختي زرقاء اليمامة و أفكارك اللي دايم تعجبني يعطيك العافية .. أول شيء الفيلم هذا سوى ضجة عندنا و دعايات قوية خاصة إنه عن المملكة العربية السعودية ثانيا يمثل فيه نخبة من ممثلين هوليوود المشهورين ... البعض قالو ا إنه تم تصويره في الرياض !! أنا من أول ما قالوا لي قلت معصي صوروا في الرياض عرفت إنهم مصورين في أريزونا لأنه أغلب أفلام هوليوود اللي تكون عن الخليج يتم تصويره في صحاري أولاية أريزونا لقرب صحاريها من صحاري الخليج مثل فيلم Three Kings اللي كان عن حرب الخليج صوروه في أريزونا لأنه مستحيل يتم التصوير في السعودية .. مب سهلة إنك تجيب ممثلين أمريكان في السعودية .. لازم تفضي لهم الشوارع عشان التصوير .. ممثلات أمريكيات يكونون موجودين تكفل بحمايتهم أشياء واجد شي حلو إنه سعودي يمثل ويحاول تحسين السمعة زي ما قال السمعة طيبة بس قلة اللي شوهوها ليه الشعب الأمريكي يحكم علينا بما فعل القلة منا ؟ ما حكمنا عليهم بما فعل ميكفاي ( الأمريكي اللي فجر في أوكلاهوما ) الإعلام قوي عندهم و كل ما قربت ذكرى سبتمبر يبدون يعرضون الأفلام الوثائقية عن الأحداث و خصوصا فيلم United 93 بمعنى لا تنسون اللي سووا العرب ولا تأمنون لهم ..!! الإعلام في أمريكا قوي قوي قوي جدا و هو اللي يحرك أمريكا ..!! كثر الكلام عن المغزى من الفيلم هو يعكس صورة طيبة عننا أو سيئة كجميع أفلامهم الروابط اللي فوق حطيتها لدعايات الفيلم و الفيلم تأجل أكثر من مرة مع إنهم حددوا له وقت محدد مع إحترامي للمثل السعودي عن سبب التأجيل لأسباب فنية .. الأصح تم التعديل فيه بحكم العلاقات الأمريكية السعودية و تدخل السفارة السعودية فيه ..!! كلام كثير إنقال عن سبب التأجيل ولكن الأغلبية مع تدخل الحكومة السعودية و إستيائها من حبكة الفيلم و لكن يمكن تم التحفظ على السبب لأسباب سياسية أو لعدم علم طاقم العمل السبب الفعلي عدا المخرج و المنتج .. كثر الكلام بعد عن دور السعودي بأنه مبتعث في أمريكا و البعض قالوا دوره هامشي والله محد يعرف دوره الفعلي لين ينزل الفيلم ...!! مشكورة و آسف على الإطالة و أعتذر للتأخير .. p21