السـلام عليـكم ورحمـة الله وبركـآته
.
.
.
صبــآح / مســآء الورد ..
أخبــآركم ان شاءالله تمــآم .. ؟! 
مافيه مقدمــآت بروح للموضوع على طول .. 
[ مــن الــ’ــدّين ]
" حسـن التـعامل " ..
حسـن التعامل يعتبـر من الاخلاق الحمـيدهـ للي حث عليها الرسـول
- عليه الصلاة والسلا م -
لكن اللي أشــوفه ان التعـآمل رايـح وطي .. !!! وأعذروني على هـ التعبيـر ..
لأني صايرهـ قليل مااشوف ناس تتعامل معـك صح .. وين راحت الاخلاق ؟؟ مدري !!
مافيـه شي اسمـه ذوووق , تعـآمل راقي .. يعني اذا جينا نحكم على شخص
نشـوف كيف تعامله قبل كل شي .. !!
طريقة تعاملك مع الناس يعكس أخلاقك وتربيتك .. بالإضـافه انه اذا كان
تعاملك حـلو يخقـون عليك البنات .. 
<- لاتشطحــين .. !!! 
يعنـي نشوف هـ الاشكـال بكل مكــآن .. نشوف بـ / المدارس تعامل المعلمات
مع الطالبات زفت والعكـس ..
برضـوهـ بالمستشفيات وخاصه الحكوميه تجيك الدكتورهـ نفسه على راس خشمه
وماغير تتأفف .. تقل قدامه منب قايله .. ؟! موب كلهم طبعــا .. 
..
أتذكــر مرهـ بحدى الفنادق بالريــآض .. كنت واقفه أحتـري الاصانصير
المهم يوم وصل وألقى فيه شباب اثنيـن .. ودخلت وكان معي أخـوي طبعا
قالهم أخوي بتنزلون تحت .. ؟؟ قال الولد وانت وش دخـلك .. ؟!!!
يوم قال كذا وانا افتح نقــابي .. <- حركه لاإراديه ..
قال أخـوي وشو اللي وش دخلـن .. عشان ان كانكم بتنزلون ننزل مع بعض ..
وميـر يسفهه ولاكــأن بوهـ أحد يـ هـ ـرج .. ؟!!
لهالدرجـه مافيه حسن تعامل .. ؟؟ وش بيضـر منه لو قـال إيه بننزل .. !!
عاد أخــوي سكت شكله خاف .. بس بصراحه كان ودي أقط معهم
بس خفت من أخــوي .. <- ناويه تهايط عليــهم ..
*/ لــيه مافيـه حســن تعامل .. ؟؟
*/ هل لطبيعتنا الصحــراويه الجافه دخل .. ؟؟ 
<- آوتــ ..
* / اللي عنــدهـ تعليق أو صــآر له موقف عن الموضوع يسدحه هنــآ .. ,
.
.
.
[ مــن المجتـــمع ]
" هــضم حقــوق "
لااحد يـروح بـآله بـ ع ـيد ترا موب الحقـوق الزوجـيه .. لاشي ثاني
محد يــعرفه .. <- تسمـع بـ التشويق .. ,
وشسمـه هـ الموضوع من زمــآن بقلبي بس كل ماجيت أكتبـه أهوّن
مدري ليــه .. ,
طيب بقـولكم سالفه هذي وانتم احكــموا .. /
همــااااو أخـوي يحب القراءه وعندهـ كتب كثيراااات ..
<- ياليل البثــآرهـ .. 
المـ هـ ـم دايم يشتـري روايات يحبها أكثـر شي .. يعني روايات عاديه
مافيها شي .. بس موب بريئه بالحيل عاد .. !
مثل حقــات غازي القصيبي ونجيب الكيلاني .. 
ولمّـا أجي أقوله عطن أبقرا يقـول لا كبر جبهتــي !!!!
ولمـا أسأله عن السبب يقول انتي بنت وتتأثـرين علطول ومايصلحــن لك ..؟!!!
لأنــي بنت حرام علي أقــرا والولــد حلال عليه .. ؟؟!
النــآس وصلت القمـر وانت ترفض اني أقـرا روايه .. ؟؟!
السبب اللي قلتـه لي موب مقنـع أبـد ..
وإذا صرت بنت طيب .. بنات الحين غـير عن اللي قبل .. بنات الحين
صاروا متفتحــآت ويعرفون الصح من الغلـط .. ,
الى متى بنقـول البنت عيب تسوي كذا وعيب تدخل النت وعيب تطلع جوال
وعيب تروح للسوق وووو ... الخ
أنا مااقول ان البنت تعطى الحـريه الكامله .. لاتـعطى بعض من
الحريه مع رقابة الأهل ..
متـى بيتركـون هـ العــآدهـ والجـ هـ ـل اللي مغطي عقـولهم .. ؟!
إلى متى بيظنـون ان البنت جاهله .. وكل شي حـرام عليهـا .. ؟!
( أحبــني وانا معصبـه )
مســـآحـه أتركهـا للتعليق ع المــوضوع .. ,
.
.
.
[ منـــوعــآت ]
" أبـــراج وقلة حيـا "
طبعـا الأبـراج اللي راح أتكلم عنها هي اللي تتكلم عن الاحداث المستقبليه
موب اللي تجيب صفات المولوديـن بهالسنــه ..
<- عين تنـاظر جمانه .. 
من المعـروف انها حرام .. لأنها تتكلم عن الغيـب ..
لكن أشـوف الناس طافين فيها وهذا من تخلفهـم والله .. !!
ذاك اليـوم وحدهـ من البنــآت دخلت المسـن حزيييينه .. وأقولـ هـ ـا
وش فيك .. ؟! قالت الأيـام الجايه بـ يصير لي كذا وكذا طبعا كلها مصايب ..
قلت وانتي وش دراك .. ؟؟
قالت برجـي يقوله .. قلت يالله انك تخلف على أمـّن جابتس .. !
أجــل تصدقين الابراج .. ؟؟ ضاعوا عيــآلنا ..
<- لاتحمسين واجد ..
وأجلس أنا واياها ساعه نتناقش بس مارضت تفهم ومصـرهـ
على ان الأبــراج صـدق .. لأنهــا علم كبير موب سهـل .. : ) ..
أنتــم من اللي يصــدقون الابراج ويتابعونــها .. ؟؟
إذا كنت تصـدقها وش تحس بوهـ .. وهل مقتنع انها صـدق .. ؟!
.
.
.
[ ابتســآمتك هي الـ هـ ـدف : $ ]
تخيــلوا بـ يوم من الايـآم .. جالسين ع النـت وكل واحد
بيدهـ فنجــآل شآهي .. ومعـه حب ( فصفص ) .. 
المهم انه دق الجــوال ( للبنات ) طلع لبناني صوته يخقق ..
( للعيال ) لبنانيـه صوتها يخقق .. 
<- يامصلتس مـير .. ,
تـ / يقول انك فـزت بـ جائزهـ وقدرها ثلاثة ملايين ريـآل .. !!!
لأنك قد شــآركت بمسابقة الكلمات المتقاطعـه يوم انك بـ الابتدائي
وتونا نسحب على الفايــزين .. !
وش بتــكون ردة فــعلــك .. ؟؟
وشـو أول شي يجــي ببالك .. ؟؟
وشــو أول شــي تفكــر تشتريــه .. ؟؟
<- قصمنجيه كل اسألتها وشو ..
.
.
.
بـ الأخــ’ــير ..
[ اللهم بلغنــا رمضــآن .. وأعنّــا على صيامه وقيامه .. ]
وكــل عــآم وأنتم بـ خــير .. ,
محبتــكم / " مــذهــلــه "
p21
..