.. / وقسم بالله ما يردني الا تكسير ازرارير الكي بورد .. شي يقهر وقسم بالله .. ! بقول قصه حياتي هنا / لأني والله عانيت اليوم معاناه .. ما دريت الا بطشت فيه مويه وملح من كثر الدوجان بالأسياب .. من السنه اللي فاتت وانا ذابيني بفصل " سواريا . اردنيين " وانتم ماشين .. سكت وقسم ولا قلت شي .. وكملت السنه مع انها ما تتكمل ! تأقلمت مع عيال بهالإجازه واتفقنا اننا ننقل بفصل واحد ! من اسبوع وانا ناشب بـحلق الوكيل انقلني تكفى .. تكفى انقلني .. لين زهق وقفل جواله وهو يردد " سهله يبو حميد ما يبيلها شي " .. ! من الساعه 3 ونص قايم .. مجهز كلش ! الثوب " يلق لق " .. الجزمه وانتم بكرامه اربط رباطها .. العلك وموجود .. الشوشه واكد بها يعني كل شي تمام التمام ! دقيت سلف .. ورحنا للمدرسه !!!!!!!!!!!!!!!!! طول الطريق وذا البزران صاجينا " اختي الصغيره تصيح .. يوم انهم يغيرون مريولنا .. وع تقل شغالات " < واخوي ينرفزها " شوفي لبسي احلى منك " << يا ملح البراءه وانا .. اغني " لو تعرفو " وماشي 80 ومرووق على الآخر .. اردد بقلبي : فصل وبننقل .. لا ابو خشش ذا المصاريه لا ابو ابوووهم وصلت المدرسه ونزلت اخواني .. ورحت ! دخلت الباب وإذا بـ " كركره " لا والله مهوب كركره .. الا ظحك موب صاحي وش فيكم ؟ .. اجل بتنقل هاه ! قسم بالله فصلي ذاك فيه 3 سعوديين .. قشعوهم وخلوني لحالي ! مابه الا انا .. والعيال جمعوهم بـ فصل واحد من يوم بديت وانا صاك الحلف اني ما ادخل الفصل ! حفت رجولي وانا ادور بهالأسياب .. وكلهم يقولون : بكرا .. بكرا ! قفلت معي وانحاش من اول يوم ! ما يستفاد :- 1 ) لا تاخذ كلمه من مدرس وخصوصا ً اذا كان " ****** " << شفرت الكلمه خوفا ً من انقلاب الموضوع الى كارثه 2 ) لا تتحمس على شي واجد .. ترى بالأخير لا تحمست تتفشل ويندق خشمك دق ! 3 ) بس وش تناظر ؟ :/