مساء / صباح الكادي والفل والياسمين 00
اخواني - اخواتي 00 قبل كل شي اعتذر على غيابي 00
من الجميل ان تعيش بحياتك قمة التحدي 0ولكن المؤلم ان تخسر كل شيئ جميل بسبب تسرعك في الحكم على الامور00
قصه عشتها وكي ترسخ ببالي تفاصيلها دونتها في ابيات بسيطه طموحي ان تلاقي الترحاب منكم 00
ياهيه أصحي نصحتك وأفهمي الآتـي000مادام دارت رحاها وسط هالساحـه
مانقصَـت همتـي كثـرة معاناتـي000صامد بوجه الزمن لو زادت رماحـه
ولو شان وقتـي وزودت التنهاتـي000في ذمتـي ياغبيـه لآخـذ أرباحـه
ومن صد عني فلا أبكيـه وأحاتـي000دامه كره وصلنا في بعـده الراحـه
واللي يحاول يغيـر لـي قناعاتـي000والله أن يبطي وهو ماذبلت جراحـه
ومنهو ضحك لي وهمه سكب دمعاتي000في ذمتي لأسلبه ضحكـه وأفراحـه
واللـي يحـاول يجارينـي بأبياتـي000دلة قصيدي علـى النيـران فواحـه
يكفيني أني حفيـد أهـل المرواتـي000كسابـة الطيـب للعـدوان نطاحـه
(ويلان) من ضدهم وقت الخصوماتي000مر الهزيمه علـى محيـاه لواحـه
لا ياغبيه غلطتـي فـي مجاراتـي000منهو يعانـد فـلا يرتـاح بمراحـه
وقبل اختتم بانصحك ياهيـه بالآتـي000كلن ينور طريقـه ضـي مصباحـه
وتقبلوا احر تحياتي 00 اخوكم -- محمد العنزيCC