::: ::: ::: ::: ::: قبل فتره تذكرون يوم غلي الشعير قامت الدنيا ولاقعدت لين تدخلوا المسؤولين وهدوا الامور وهو غذاء للحيوانات ... بعدها جت ازمة نفوق الابل وتدخل الملك بنفسه على طول .. جت بعدها أزمة الرز رد سعادة الوزير ان اللي ماعنده لايشتري ويبحث عن بدائل وين لاقيها انت ياسعادة الوزير ؟! انت تتكلم عن رز ترى مو عن جالكسي والا كيندر وهذا الشي للأسف يثبت صحة العنوان اللي حطيته :( عموما كاركتير له ألف معنى ومعنى في جريدة عكاظ عدد أمس :( والمشكله الجريده مارميتها وكل شويه اشوفه قدامي وأتقرف أكثر وأكثر الحمد لله ماعلي اقساط ولاعندي أطفال في المدرسه حتى الاطفال يزيد تعلم للحمام الله يكرمكم وصبا في الطريق لازم تتعلم غصب عنها موبكيفها وشويه شويه تصير تآكل من ماناكل بلا حليب بلا سريلاك وخرابيط << ياحرام مسكينه لا جد والله اللي قاعد يصير شي مو طبيعي علبة شوفان كوكير والله العظيم اذكر رمضان الماضي اشتريتها بأربع ريال هالسنه ماشريت لسى بس وانا ألف في السوبر طحت عليها بـ 7 ريال الحلقه وماأدراك مالحلقه كرتون بندوره بـ15 و18 ريال وقبل فتره كنا نآخذ الفلين الابيض الكبير على 5 و6 ريال قشطة المراعي بـ 3ونص صايره بعد ماكنا نآخذها بريالين وش اللي حصل وليش كذا فجأه يصير كل ذا الله يعين اللي عنده عائله كبيره يعني 6 أو سبعه عيال والله انهيار للجيب بمعنى الكلمه دخلة رمضان على دراسه ويادوب يبدأ ينتعش يطب علينا العيد البلد متجه لأيام سوداء .. وشكلنا شويه شويه نصير فرع آخر لمصر الشقيقه ونصير يادوب نشوف الفرخه مره في الاسبوع زادت الرواتب 15 % وأنشفطت من هنا ولاحسينا فيها لا من ناحية أسهم لعنة الله عليها ولامن ناحية غلاء معيشه وإيجارات وقرف الله يعين ماودي استرسل بالكلام خاف أجيب العيد تعليقاتكم .. واتمنى ذكرياتكم مع صنف تخبره بكذا لقيته بكذا CC