حب يشتعل ..وصرخه عاطفيه قويه ..يطلقها في وجه الحنين
ولحظات الشوق..
هنا شاعرنا بين ..حبــ وعتبــ وشــوق
أصعب سؤال
أصعب سؤال اللي جوابه للاسف مثله سؤال
ماهو تفلسف الا موقف وصار واسمع ثاني بيت
البارحه يومه سال وش ذكرك ذيك الليال
كان الجواب بكل بساطه من متى اصلا نسيت
أدري بأن جمع الصعوبه والبساطه شي محال
لكنها صارت كذا واللى أهم اني دريت !
أن الحياه فبعد أحبابك أذا جف الوصال
بتعيشها لوتقتنع أنك خلاص اصبحت ميت
ياصاحبي لوكل شي يمر بالخاطر يقال
ماكانت العبره تولجني ليامنك طريت
شفني قدرت أحبس دموعي بس دمع القاف سال
وياكبرها ساكت ولكن داخل أوراقي بكيت
عمر الحكي ماكان دافي لأبيتدى بقولة تعال
لأجل تجاهل رجفه حروفي ليامني حكيت
الحال في بعدك قسم بالله ماسميه حال
انوي على الضحكه واحس كلى خطاء لأني نويت
تصور أنك من رحلت أشوفك لجسمي ظلال
لاشفته أمشي ببتعد واثره معي مهما مشيت
مدام يعني في بحرك لفرحتي مليون جال
وش فيه موجك ماركد قربت أموت ومارسيت
يرضيك ماعادت معي تفرق أذا جالك مجال
لاني اقتنعت انك نهايه وأني ببطي مابديت
صرت أعقد حجاجي اذا جابوك بأطراف الجدال
وانا قبل لاقالو أسمك كني مت ثم حيت
تعبت اعيش بدور وافتح للمعاذير الخيال
واتخيل اني جيت في بالك وبأنك أستحيت
وتردلي كلك وله وتقول: كن البعد طال
ومن الفرح ماأعاتبك واقول يا أخي مابغيت
حتى وانا أتخيل حشمتك لأن قلبي لايزال
يكرر أسمك داخل أعماقي بنبضه لاسهيت
قلي وشسوي فيك وانت بداخلي أصدق مثال
للحب ..وأحساس القصيد ومعانق الليل وسريت
ربي يصبرني على الفرقا مدام الحظ مال
وأنت بجي لك يوم تعرف ليه في بعدك شكيت
وذا بلاك الله وعذبك أشتياقك بس تعال
واقراء القصايد في غيابك كل ابوها بيت..بيت
وبتدري أن اصعب سؤال اللى يجي رده سؤال
لاقلتت لي وش ذكرك .ثم قلك لك( من متى نسيت))!