.
/
\
السلام عليكم ورحمة الله وبركاته
مرحبا مليـون ولا يسـدّون [ 
]
قبل ما أبدا أبي أقول شيئين ..
الأول : أعترف إني من زمان عن المجلس ومقصرهـ
بـ حقه فـ كتبت هـ الموضوع الكوكتيل وياليت يعجبكم 
الثاني : خلاص مافيه شي دحدروا ع الموضوع .. 
!
<- مصـاله من أولها 
][ طفولة اليوم مجرد مسمى ][
بالأمس نطلق مسمى الطفوله على أي شخص صغير بالعمر
ولكن طفولة اليوم مجرد مسمى أكثر منه معنى
يعني بالعربي عقولهم صارت كبيرهـ وتفتحوا على أشياء أكبر من أعمارهم .. !
البراءهـ بدل ماهي من مميزات الطفل صارت الحين لا توجد عند البعض
بتقولون إني قاسيه عليهم .. لكن هذي الحقيقه .. !!
أول يوم كنت صغيرهـ
كنت أقول لأمي من كان يودينا للمزرعه قبل ما تتزوجين أبوي .. ؟!
كيف البراءهـ بس ..
<- أثرهـ من يومك وأنتي درج :(
كنا ندور ونلف نبي بس نعرف وش معنى كلمة مغازل
لكن الحين لو تسأل البزر من وين طالع كان علمك .. 
!
الوضع اختلف .. ,
تلاقي سواليفهم عن الحب .. رسايل بـ جوالاتهم حنا يالكبار نستحي نخليها
أجل وحدهـ ماتعدى عمرها 7 سنين خاقه على ماجد المهندس .. !
الله يذكرك بالخير يا [ بسّــام ] اللي بـ كابتن ماجد ,
مرهـ كنت جالسه أتابع بريزن بريك جاء أخوي بـ رابع ابتدائي وجلس متحمس
معي .. قال أبي أشوفه من الأول ..
قلت وشوله تناظر ذا خلك من المغامرات وجاي
قال شايفتني بزر .. 
!
أنا وهذا كبري إلى أمس وأنا أناظر سالي وهايدي وزورو
<- هين أنتي حاله شاذهـ ض1
غيرها كنا مرهـ مجتمعين وكانت أخت غادهـ الصغيرهـ ناشبتن لي بـ السواليف 
جاء ببالي وسألتها وش اللي تمنينه الحين وتبينه يصير لك .. ؟!
قالت ودي أكبر وأتزوج كماشتـو = ( كماتشو )
بالله هذا كلام وحدهـ بالرررررررروضه .. !
لكن مانلوم الأطفال .. الطفل يبقى طفل
كـ لوح ناصع البياض لا يلطخه سوى سواد الأفكار والمفاهيم التي
تعرض في قنواتهم .. وتكون هي الأساس في تكوين شخصية الطفل .. ,
ليه نترك أطفالنا يطالعون اللي أكبر منهم ومن عقولهم .. !
ليه نفتح عيونهم على أشياء تقتل برائتهم وتلخبط أفكارهم .. !
ليه نتركهم قدام القنوات لا رقيب ولا حسيب .. ؟!
///
][ وش تشبه نفسك فيه ][
كل واحد فينا يشبه نفسه بشي مو بالشكل طبعا يجين كل واحد الحين
يقعد يتميلح علينا أنا أشبه فلان أنا والا علان
لا .. أقصد إنه فيه ناس يشبهون المكيف هـ الأيام ما نستغني عنهم ولا دقيقه مع
موجة السموم والحررر اللي نعيشها بـ الرس :(
وناس يشبهون المرض فرقاهم عيــد وبـ جيتهم الله يرحم الحال
<- هالصنف صاير موضه هاليومين 
يعني مثلا انا أشبه نفسي بـ
أصلـن أنـا مالـي شبيـه . ,
<- براااااا
- / أنت وش تشبه نفسك فيه بـ الحياة ووش وجه الشبه .. ؟!
///
[ لا تجامل ]
يوم تدري إن احساسك تجاهي
ماهو صادق
[ لا تجامل ]
يوم تدري إن قلبك مايحبني
هو يحب إنسان آخر ..
ماهو عيب يوم [ تصدق ] في شعورك
ولا هو عيب كونك تقول الحقيقه
قولها وبكل صراحه .. و[ لا تجامل ]
تخاف أزعل ..
إنسى إني رااااح أزعل
تدري ليش .. ؟!
لأن قلبك [ حب غيري ] وانتهت كل الحكايه
بس قلبي مستحيل يحب غيرك
لأن قلبي [ مو بيديني ]
[ ]
][ لا تجــامل .. , ][
من علامات ضعف توكيد الذات الميل إلى موافقة الآخرين ومسايرتهم في أغلب الأحوال .. !
الانصياع لطلباتهم ورغباتهم ولو على حساب حقوق الشخص وراحته .. !
التواضع الزايد عن حدهـ في مواقف لا يتناسب فيها ذلك .. !
مثال بسيط .. /,
مرهـ كنا جالسين أنا وبنت عمتي بـ الحرم .. جت وحدهـ وقالتلها ممكن جوالك شوي
قالت أبشري وعطتها إياهـ .. المهم وتقعد الأخت تهمق يجي لها أكثر من ربع ساعه .. !
وبنت عمتي محترهـ ماغير تناظرها وهي رايحه جايه
أقولها يابنت الناس قومي قوليلها تراهـ مب حلا ..
تقول لا مستحيه .. !
طيب مادامها هي مااستحت منك وجلست تكلم طول هـ المدهـ ليش أنا أستحي .. !
قالت خلاص قومي تكفين قوليلها أنتي
قلت كيف الحال خخخخخخخخـ 
..
<- جيدهـ بالهياط بس
ليه نعتبر الصراحه إهانه .. ليه نعتبرها انتقاد وتعدي علينا .. ؟!
ليه مانحاول نتقبلها ونفهمها بالشكل الصحيح .. ؟!
مثال ثاني وأكثر وضوح .. /,
كل واحد منا بالمسن بتاعه مليان من هـ الأيميلات ..
هل كل الأشخاص اللي عندك ترغب فيهم .. ؟!
طبعا لا .. وأضفتهم عندك مجامله لهم ماتبي ترد أحد .. ,
المجامله هي كل ماهو لطيف مع من تجامله بس مو على حساب الصدق أو
قول كلمة الحق .. ما أتصور إن فيه أحد يجامل على حساب نفسه .. !!
وإن جامل على حساب نفسه فهو ظلم هـ النفس اللي الله سبحانه كرمها
فمن ظلم نفسه لا يمكن أن ينصف الآخرين ,
أوكي جامل بكلمة أو كلمتين .. وفي مواقف مناسبه
بس ماتتخذها سبيل دايم لك ... !
- / مسـاحه أتركهـا للتعليـق ... ,
[ تذكير ] ,
قال الرسول عليه الصلاة والسلام
(( اقرءوا القرآن فإنه يأتي يوم القيامه
شفيعا لأصحابه )) .. ,
أبي كل واحد منا يسأل نفسه متى آخر
مرهـ قرأ فيها القرآن .. ؟!
ما أنتظر إجـابه 
.. !
][ Nick Name وماخفي أعظم ][
كل شخص منا يملك اسم يعرف نفسه فيه بـ عالم المنتديات ممكن يكون صريح
ويكون يوزرك اسمك الحقيقي وممكن لا .. أو إن تستبدل اسمك الحقيقي وهذا اللي
أكثرنا يسويه باسم ثاني أو بـ صفه أو جمله أو مقطع شعر أو أو .. ..
ولكـ’ـــن .. /
لو دقق كل واحد في هذي اليوزرات أو بـ معنى آخر النك نيم
بيلاقي إن معنى يوزرهـ له علاقه بـ الشخص أو يوصف شي فيه
أو يلمس شي بـ حياته أو شخصيته .. ,
وبعض الأحيان يكون معنى اليوزر ما يتوافق مع صاحب اليوزر أبد .. ,
الزبدهـ إنه اشتغلت الخلايا القصمنجيه وطق عرق اللقافه 
فـ حبيت اسألكم .. /
1 / هل يوزرك يتوافق معك أو يلامس شي بـ شخصيتك .. ؟
2 / سبب اختيار هـ اليوزر بالذات هل هو عيارهـ / حب / ذكرى / خبـال .. .. ؟!
///
][ يـازينك وأنت ساكت ][
- لكل من ينطق لسانه بـ نقاشات في أمور الدين وهو لا يعرف طريق المسجد
- لكل من يدخل في مواضيع ومتاهات ليس أهلا لها
- حينما يكون احترام الأشخاص اللذين تتبادل معهم حديثك معدوما
- حينما تكون المجامله عنوانك في كل الأوقات
( يــازينك وأنت سـاكت )
- لكل من يرد ع الموضوع بـ بمشكوور ويسلموو وأخواتها
- / لمـن تهـدي هـاذي العبــارهـ .. 
؟!
///
][ جاري البحث عن وردة أبو طلو ][
غبتي كم يوم وعذرناك وبـ ولهنا انتظرناك
يالله ارجعي كفايه بـ صراحه فقدناك .. !
لم أجد أفضل من هذهـ الكلمات كي أعبر من خلالها عن مدى شوقي
ولهفتي الكبيرهـ لوردتنا المصونه ..
وتشاء الظروف أن تكون غيبتك أيتها الوردهـ هي التي تكشف
لـ جميع الأعضاء عامه والبنات خاصه قيمتك الفنيه وأهميتك المعنويه الكبيرهـ
في الردود ..
بتشتاقين والا شلون .. فراقك مر ماينطاق .. :(
<- استخفت 
بـ اسمي واسم جميع الأعضاء نطالب ادراة القناص باسترجاعها
ترى عجزنا نستغني عنها .. ,
- / هل أنت من الذين فقدوا الوردهـ .. ؟
<- يلعن أووووم السؤال 
///
][ قفلــه ][
تبسم للزمن تكفى ترى صمت القهر حرّاق
وحذاري تذرف الدمعه ولو إن النفس مـ ج ـروحه .. !
..