\


\



ستار أونيزهـ

.. وش هالموضوع الخالط بين الحزن .. والتأمل والضحكه الصفراء ... !

غ صتني العبرهـ .. غ صتني وطولت .. !!




تشبهيني كثييييير .. وربي كثير ..

اولها وداعيه العشرين ..

وثانيها صداقه العيال ..

والشيطنه .. ولعب السياكل .. حتى بوظيفه أمكـ ومحد يقدر يهاوشك ولا يهزأكـ .. ..




اللهـ يسامحكـ بكيتيني كثييير .. وفرحتيني كثيير ..

ذكرتيني .. بأيام أول .. بأيام الشيطنه البريئه .. العفويهـ .. بأيام اتمنى من كــل قلبي ترجع ..





صدقيني .. ان كتب ربي لنا عمر .. العشرين اللي راحت أفضل ..


ما اسميه تشاؤم أطلاقآ .. بس ايــام أول غير .. والطفولــهـ غير .. !





\


\







بتركـ الحزن ووبلش هياط ...





إقتباس:

أحلى سوالف





إقتباس:

افتح يا سمسم أبوابكـ نحن الآطفال..

آآآآآخ بس ..

ذكرتيني بوقت الغلقه آخر العصر .. الوقت الكئيب .. اللي باقي شوي ويذن << كارهته صدز ..


.. من تخلص اقضب الباب وياللهـ نلعب خطهـ وحريم .. !

ولا كيرم مع عيال عمي





إقتباس:

شعري شوشه آطلع للشارع من غير نعال .. لين آكلت عسكريمة والا شربت ببسي عادي ما آغسل

.. كل أبو دايم كمي وصخ ليش ما آدري < برا يا وصخه..

هههههههههههههههههههههههههههههههههههههههه

نفس الوضع .. ونروح للي عندهم نفاس ..

وناخذ ببسي ونقعد نصقع فيه ونضربه بالأرض


همن نفتحه ويطشر .. وتصير نافورهـ ..

أكشخ شي نافورهـ الشاني .. حمرا






إقتباس:

مع اننا قاضين جلد وعظم بس نسوي رياضه دايم .. ايه بس ..!

ههههههههههههههههههههههههههههههههههههههههه

ولا أكب كل اللي بمعدتي .. << الدوخه لاعبتن بها لعب ..





إقتباس:

واذكر البس شرايط ابيض وازرق حب وولاء لـ هذا النادي العريق..

احنا الزامي شرايط خضر وبيض .. << غصب حبو السعوديهـ .. !





إقتباس:

/ مرحلة أول آلف يآكلون علف .. آول باء يقولون مباء/

لا والله اول مرهـ أسمعها ..




إقتباس:

طبعاً لأنن طفلة غير عن كول البزورهـ ما كنت أخاف ولا أصيح أبد..

حتى اذا رجعت لـ البيت أقول لأمي بزران بس يصيحون ..
وأمي تقول: وأنتي ما تصيحين..!
أقول: لاااااااا مب بزر أنا < قسم تسني اتخيل الموقف

يووووهـ ياذيكـ الأيام ..




إقتباس:

ست جروح مخيوطه.. مع حرق في ركبتي..

من غير فلقة مرجيحه كلها آثار لـ جرائمي بـ الإبتدائي..

ههههههههههههههههههههههههههههههههههههههههه

انا واحد عاضني مع فخذي ... .. !!

وأصبعي اليسار .. فيه جرح مدري خياطه الموهم أثر .. وأحلى أثر

ولا يهون كسر رجلي ..

وما خفي أعظم ..





إقتباس:

البنات ماعندهم الا الدجة مواعين وعرايس وللإسف ما كانن يغرنن

لا ياخبله الحريم ونااااصهـ .. نجيب عيال ونتزوجهم ..

ونقلد المسلسل اللي ينعرض في التلفزيون وقتها ..






إقتباس:

../ كنت رياضيه من الطراز الخرطي أهم شئ اشجع الهلال وآجمع صور الااعبين من فشار تسالي تذكرونها

على أيام التيماوي ويوسف قبل يعتزل وسامي يوم شاربه توهـ خاط

لا انا كنت منحازه للمنتخب أكثر ..

أجمع صور حمزهـ أدريس وأبراهيم ماطر .. اللي على كرتون التايد .. تذكرينها ..





إقتباس:

خطمة../

يمه آبيحلاوهـ

لا .. وانتي الصادزهـ ابي ريال ..







إقتباس:

وأنا كنت كل كلمة تقوله آردهـ بعشر.. لين ملت وراحت للمديرة وقالت لا أبوكم لا أبو طالتن عندكم

مايحتاج طوالهـ اللسان .. غريزه مغروزن ابوها فيني ..




إقتباس:

ما ألبس عباة كان يجوز اني أطلع..كان لي سيكل مثل آي ولد

ههههههههههههههههههههههههههههههههههههه




وحشتني ... سيكلي الأزرق ..

وكنت اروح للبقاله حفيانه أجيب لأمي زبدهـ عشان تصلح حلى ..

<< تراني أهلي يظموني لفئه العيال .. أسمي راني ترى عشانه قريب من اسمي ..




إقتباس:

مرحلة المراهقة وإن كنت أسميها أشين مرحلة في حياتي

لأنه منعتن من الشارع.. ومن ولد جيراننا

اييييييييه خليها بالقلب تجرح ما بقى ..

العبايه حرمتني الكثير .. يالله الأجر والثبات ...


أولها حرمتني من عيال الجيران .. بس هم كبار يعني انا بأبتدائي وهم بالثنويه ..

<< اذا لعبت العب صح .. الكبار يباشرون علي


بس اللي بعمري بخيل لنفسه هالقعيطي << برااااااا انتي وهالتفكير



وأهم شي .. اللي يوقفون عندي بسياراتهم ويسولف معي واذا جزت لهـ ..

يباشر علي من البقاله حلاو ولا اي شي .. وهـ بس ياذيكـ الأيام ..


عقب ماتغطيت .. صرت اقعد عند الباب وأطلطل كني أسرق





إقتباس:

تخيلوا شالوا دفتري وقدام عيوني قطعوه

جدعوه بالزباله وأنتم بـ كرامه
قسمن كل ما أتذكر ينعصر قلبي

أح أح أح ..

وين قلوبهن ذولي ..



ذكرتيني بوحدهـ من خوياتي ..

نفس الشي مسويهـ بس خالد عبدالرحمن .. وخذوهـ وقدامها جابوا العيد ..

مسيكينه صاحت قدامهم .. الحب بلوى ..

<< ودي أقول حبي أحدن صح بس ما ودي أنمزع من صاحبه الموضوع


لذلك بسكت ..






إقتباس:

وإلا الهلي ما تملي والرديف خلي

آخ يالصندوق .. الله من يوم جمعني فيه انا وسهيل الأقرع

سهيل .. تذكرني .. << العالم كانت تضحك على أسمه الا انا <<





إقتباس:

وإلا الكندر

انا مدمنه حلاوهـ الأشاره وصحاري الأصفر




إقتباس:

والله لو بقول لكم فضايحنا يمكن ما أخلص ولا عقب باتسر

بس الصدز فله بقوة مرة مرة

اووووم الفلات ..

بس ودي الاحق الحين المدرسات وأقولهم حللوني .. الله من استاذه صيحتها حتى بثالث ثنوي الله يصلحني ..

الله من وحده كبيت على شعرها ببسي .. الله من وحده أنبط على مع الوشسمها ..

الله من وحده رشيتها باللي ..

ودي القاهم ويحللوني




إقتباس:

لو أخذني الزمن عنتس ثانويتنا كل مامريت وشفتس يزود فيني الشوق

آآآه بس .. مرينا باللي مريتي فيهـ ..





إقتباس:

ان الي فوق كله صار في عشرين سنه من عمري

الله أعلم أنا بعيش عشرين سنه أو لا

العمر كــلـه دلبو ..

ساروووونهـ ذكريني لاجا ميلادنا ..


ونسوي موضوع أطلق منها




إقتباس:

ياطفلة ضاعت بها الخُطى..

ياعالم زُرعت البسمة به ..!
يوم كانت السُقيا آلم السنين..!!

أيا عشرين احفظي ذكرياتي في ذاكرتك..
سطري شئ من الحرمان بين بعثرتكِ..!!

ويا عشقي .. وحبي !!

في أسطر سـ أعلنها ..
سـ أنثر عبق المشاعر..
أحببتك.. أيكفي أم آزيد..!!!
أحببتك أيكفي أم أزيد..!!
وآهـ يا عشق يلفني..!

تعبثرت مشاعري بين حب وآلم..
ووقفت بين ابتسامة وانكسار..!!

امتزجت بي المشاعر..!!
وحارت بي الذكرى..!!

أنثى تسكنني.. وفرحه تلبسني..!!
وشئ أخفيه إلا ناظري..!!

إقتباس:

ههههههههههههههههههههههههههههه


انا وربي أنا ..



وش تقولين بالدرج اللي موزيه جريده كامله عشان صورهـ وحده بس ..

تفداك جرايد الدونيا







إقتباس:

نسيت شئ مهم بقوة.. ترا موضوع ماصل مابوش فائدة أبدن عشان تسذا

/ خذ ماجازلك من حتسي والي ماجازلك عسى عمره ما جازلك /

جـــاز وقصمن عظـمن جاز ..


ما توقعت أحزن لهالدرجه مع الموضوع مرح ..

تسلمين نجومه .. يعني اذا جا عمركـ 40 .. بتنزلين موضوع ثاني ..


للمفضله بدون تردد


\