السلام عليكم و الرحمه
هلا والله بصديقاتي و صديقيني المجلسيين 
وزوار المجلس
ادري اني قاطعه و وشسمه بس تدرون ذا الاجازه و السفر
والحوسه .. ومالي إلا اسبوعين راجعه قلت اجي اشوف المجلس
وش اخباره عقبي ..
اليوم ودي اكلمكم في موضوع مضيق صدري مره ..
وخن نتكلم وجه لوجه .. و نترك الفصحى على جنب ..
عشان محد يقعد يقول "زي بعض الناس" منيب راد ما اعرف ارد ع المواضيع اللي بالفصحى .. !
ما لكم عذر ابي اشوف ردودكم كلبوكم .. 
آآه ليتَها تتحقق الأحْلام
و نِرجَع سوا نفكْر ..
وش ندْخل سَوا أقسَام .. ؟!
آآه مر غالي الوَقت علينا ..
وراحَت ذيك الأيـّام
بيُوم
بقوم الصُبح أروح
للدّوام .. !
بس اللي بيفْرِقْ
ان الوجيه ما هي الوجِيه ..
بتخْتلف علي الملامحْ و الأرسَام
لكن القلوب صدقُوني ما بتفتِرِق
بس افتراقنا بالأجْسام .. !!
وينُهم ربْعِي ..
وينُهم ناسي و سَاسي .. ؟!
وينُهم دمْعي
وينُهم فرْحي و باسي
ابيهُم الحِين
هُم في حَياتي شي أساسي .. !
كيف تقدر تعوض القلب .. بنفسه ..
الا منك [ فقدته] .. ؟!
انا ياا خوان منيب متشائمه
و ادري ان لكل مرحله في الحياه تغيرات كثير ..
لازم نتقبلها عشان نقدر نتخطى العقبات
وننجح .. !
مدري اقولها لاجل العاطفه فيني ..
ولاجل محبي لهم ..
بس اني مدري والله ..
وش بسوي بدونهم .. ؟!
باول يوم " جامعي "
.. / ..
يا ترى يا ذا الحجر ..
يا عشب ..
يا ورد ذابل من النظر ..
انت مثلي وحيد اليوم .. ؟!
انت مثلي تركت قلبك
ويا ربعك
وجيت .. ؟
يا ترى يا ذا السور العتيق
يا الممر المظلم بنهايه هـ الطريق ..
انت مثلي تحس بجحود .. ؟
انت مثلي عتم على احلامك
زمن .. !؟
مثلي تحس بك شي مفقود .. ؟
وفرقك من احبابك ..
زمن .. ؟!
انت مثلي مظلمه اركانك .. ؟
حطم انوارها ..
زمن .. !
مدري وش ابدى فيه .. بدايه بنظام التسجيل البايخ اللي عندهم .. ؟!
ناس تبي تتطور و مب قادره تطور شبكاتها التعليميه "الجامعيه" .. !
انا مصدومه وانا لسا ما دخلت الجامعه .. !
يجي الطالب متحمس في البدايه .. !
يفكر في اقسام تناسبه ..
توافق طموحاته و ميوله ..
يحدد و يختار ..
لاجل يفيد الوطن في النهايه .. !
..
بعد ما شد حيله ..
و جاب النتيجه ..
ما يواجه الا بيبان في وجهه تتسكر
هذا القسم قفل .. هذا القسم سكر ..
وشلوون .. ؟!
مب الدرجات العالية هي المطلوب .. ؟
وانا ما قصرت
..
مثلك مثل غيرك ..
باستثناء الأوائل ..
وقله ممن انجاهم الحظ .. !
تجي تتسائل .. وفلان .. ؟
كيف جاب اللي يبي بدون اجتهاد .. ؟!
يجيك الرد ..
رجاءً لا تكون فظ .. !
هذا ما تسميه بس فلان ..
هذا جاي و معاه طرد ..
موقع من "رفيع الشآآن "
..
بعثرت حروفي يا حرف الـ " واو"
كيف يبون شباب يبني وطن ..
و يبون علم و تقدم
واحنا هنا معاملاتنا ماضي عليها "زمن " حبيسه مكاتب .. !
ومعاملات منتهيه و مضمونه قبل ترى النور
..
طيب .. حققتوا المطلوب الحين .. ؟
يوم دخلت بنت " علمي"
تاريخ .. !
وبنت بنسبه 97 %
جالسه في البيت .. !
..
خخخخخ في النهايه احب اهدي كل حقين الجامعه
وحقين القبول و التسجيل ذا الاغنيه : "انت وِحِش"
هي مواقف واعتبارات ..
واكيد لنهايه كل طريق مظلم
طريق تملاه الانارات ..
يا ترى بيتلاشى الظلام .. ؟
وبلقى من بين هالزحام ..
وجيه و ملامح ..
تفهمني من دون الكلام .. ؟
بنتظر يا حجر .. يا زهر ..
يا سور .. و يا قِدَر ..
يا تنورتي السودا ..
يا شنطتي والاقلام ..
يا اوراق خذتها
وامتلت بارسام
وحروف
وسبحت فيها خيالاتي ..
وخطت
بـ "حبر" .. من الجوف ..
بنتظر ..
يا جامعه ..
وبشوف .. !
عل و عسى القى ..
ناس عليهم الخاطر حيل ملهوف ..
.. / ..
* تم جدع صاحبه الموضوع في قسم ما تدري وش
يبيعون فيه .. فرجاءً لكل من قد جرب يدخل الشي اللي
اسمه "خدمة اجتماعية" ويحب انه يفيدني .. يفيدني لا
هنتوا بس لا تتحمسون مره وامدحوه تكفون لاني بحول
ان شالله الله لا يعوق بشر .. ( F )