سلامون من الله عليكم ورحمة الله وبركاته يمسيهم بالخير برب شوي اعدل المكيف حر الجو ايوا اقولكم .. سالفة الجـو .. الحيـن كلن يسأل الثاني .. هاه كيف الجو عندكم .. يرد عليه الثاني والهم يملى قلبه وحالته حاله وبيالة الشاهي مخلصه والدله ( وعلى قولة البعض الزمزميه او الترمس ) ايوا والدله مخلصه ومال امه خلق يروح يسوي ثانيه .. وتلقاه طفشان وتطلع الكلمه بـ صعوبه .. حـ ـ ـ ـ وشسمه ايه حـ ـ ـ ـ ـر << الفواصل يعني قاعد يقطع وبـ معنى اخر [ يلهف ] والله مايكسر خاطري الا هالشباب الي يروحون لدوامهم الصيفي .. في الصبح وعز الشمس .. والمكيف خربان .. وااااوك ياهي شينه ولا مافيه احد زيي .. اروح اشتغل مع شركه توهم ناقلين للدمام والله يافيهم لعانه يوم جيت اتوظف عندهم نقلوا رحت وتوظفت وقبلوني علطول .. قالوا خلاص بس نرتب المكان ونتصل عليك .. قلت خلاص اوكي ، ماتصلوا ابد .. وامس متصلين علي بالعصر يقولون تعال استلم الراتب بعد اسبوع ازين من اني انطق كل يوم بالشمس والحر خويي مستانس يقولي ابشرك بجيك للشرقيه قلت طيب تعال وانت لابس سروال وفنيله .. ترا عادي مايستغربون ولا شيء والله ياهي رطوبه درجة الحراره 42 .. ولما تطلع تقل 60 .. والله لو جونا يروح فرنسا يوم واحد كان الحين متوفين مليون ومليونين حالات خطره اما عندنا تشوف الابو ماله خلق .. يقوم للعيال يطلع بالحوش بسروال وفنيله ويقعد يصارخ مره واحد من العيال قالي تعال برا ابيك بكلمه .. طلعت للرجال سولفت معه وقلت له سالفه ماخذت دقيقتين دخلت وكأني سابح انا ناوي اروح اقترح على الحكومه تحط مكيفات بالشارع والمكيفات تشوفها تقول .. تعال ياحبيبي وبرد شووووويه وجنب المكيف آله لـ ببسي وببلاش .. لانه لما يطلع الريال يبي يستخدمه تبي تشوف الريال رابص والله شينه .. اجل ذاك اليوم بروح عرس .. واتكشخ واتعطر وكشخه .. رحت لم العرس زحمه وقفت بعيد شوي .. ورحت مشي والله دخلت تشوف الثوب لازق فيني .. وريحة العطر مدري وشهي قايله لا وولد عمتي يقولي تعال برا ندور .. << والله ياذا العرس شين .. اجل فيه احد يروح عرس ويتعشى في كودو والله مصخره والله من جد الجو هذا ماينطاق .. ومن كثر ماتعذبت منه كتبت هالموضوع يعني من جد الحر عذبنا ، يعني لازم نشوف صرفه نشيل السعوديه نوديها اوروبا تعذبنا من جد .. عشان كذا .. أطالب بتوفير اماكن للشباب عشان نريح فيها ونتبرد ثم نخرج للرطوبه والله الي يلبسون نظارات مساكين .. اذا طلع بالليل علطول تشوف من النظاره مايبين شيء بالضبط كأنك داخلن بين فليت .. والله بعض العيال ،، تشوفهم كانهم مهابيل يلاحقون الوانيت حق الفليت والله في العقربيه ماتمل منهم .. كل ماتمر تشوف واحد بس من جد .. في هذا الموضوع ابي كل شخص بكم يجي هنا ويعطينا وجهة نظره الخاصه بالجو .. ووين تقترح نسافر .. يعني هنا فضفض واذا فيه موقف ظريف مايمنع انك تخلينا نضحك شوي وبس خلاص زيـزو .