هلا سهم , صبحك بالورد /
مثل هذي المواضيع اصبحت مواضيع روتينيه قبل بدايه الموسم وهي قطعا ً تأتي من منطلق " الحب " للنادي والخوف عليه اولا ً واخيرا ً ,, !
يعني موضوعي وموضوعك وغيرهم وغيرهم , اعتقد انها للخوف على النادي فقط دون الدرايه بما يحدث من مستجدات !
لا أبعد هو بولايه كليفورنيا , وتحديدا ً لوس انجلوس , وتحديدا " كوستا ميكا " , 
!
بس يا عزيزي رئيس الهلال تحرك وهنو هناك بإجازته , قدم عرض لباسكال اللي هو مكسب كبير لنا كـ هلاليين .. !
لا اخفيك رئيسنا غلط يوم انه يصرح بإسم اللاعب قبل الإتفاق الرسمي تاركا ً لمن هم " للتخريب " رواد ان يعملوا بصمت ,
أنا اشوف وبرأي شخصي متواضع , ابو سلطان ما قصر وقدم اشياء كثيره للهلال ,
بالموسم اللي فات غاب ابو سلطان الى الأسبوع الخامس من الدوري وكان فيه تخبط كبير بالإداره ,
لو تبيني اذكرك مستعد خذ مثال " الزايري " , " الإستقالات بالجهاز الإداري " , " تغيب كبير من اللاعبين " ,
يعني كل هذي الأمور كانت فقط بحاجه ماسه لقائد واللي ما قصر وقتها " الأستاذ / طارق التويجري " ,
بس ابو سلطان مشكلته يغلط وما يتعلم من الغلط !
بغض النظر عن التصريحات وما إلى , فريق مقبل على بطوله اسيويه , طار لاعب من اللاعبين " باسكال " مع انه كان في متناول اليد !ّ
ولكن الخوف موب من ضياع باسكال لأنه مهما كبر فإنه أصغر من الهلال , والهلال لا يتوقف على لاعب وان كان ذو امكانيات رائعه ,
الخوف ياعزيزي من تكرار سيناريو الموسم اللي فات , يوم طارت الطيور بأرزاقها وما بقى شي على فتره التجديد جابوا رودريقو " قوارو " فقط ( حقنه مخدر ) للجماهير الهلاليه ,
اعتقد اني تطرقت لموضوع الأجانب لحاجه الفريق الماسه لهم خصوصا في مشاركتهم بأسيا , والا الدوري ملحوق خير ,
الأزمه الماديه اللي يمر فيها النادي وعزوف اعضاء الشرف صار شي متعودين عليه سلفا ً , عطني موسم الهلال بدأ فيه واعضاء الشرف متكاتفين , !
اعتقد الخصخصه , والإستثمارات اصبحت شي لابد منه , وان كانت تحتاج لفتره طويله من اجل التطبيق ولكن شغل " الطراره " اللي نعيشه مع بعض اعضاء الشرف اصبح " لا يطاق " , !
جمهور الهلال خلف الهلال , وتذكر كلامي في مباراه الوحده الإماراتي
يعطيك العافيه نايف , وياليت بأقلامنا يَصلُح الحال
..