بسم الله الرحمن الرحيــم
السلام عليكم ورحمــه الله وبركاتــه .. 
ندخـل بالموضوع على طول لاني داري ان نصكم او ربعكم او كلكم .. الخـ ... 
تبون تشوفون الموضوع .. << امحق
طيب مــا هو السكربــت ؟ << مدرس عربـي ..
السكربت هو ..
زي ما تقول من خصائص المسن بلس .. وبواسطته تقدر تسوي اشياء ما كنت
تقدر تسويها يوم ما كان عندكـ << ابو ابوك على هالشرح
ولما تحطه تخلي الي عندك تقدر سعابيله قطر << الله يحوم تسبدك
وبشرح لكم ان شاء الله بذا الموضوع وشلون تثبت السكربت ووشلون تستخدمه ووظيفه كل سكربت ابحطــه .. وطبعا الي عنده سكربتات لا يبخل علينا تكفون
وطبعا لازم يكون عندك مسن بلـــس عشان تشتغل السكربتات ..
الحين نشرح لكم وشلون نثبت السكربت على المسن ..
ملاحظه : لازم وانت تثبت السكربت يكون المسن شغال ..
اول شي رح لم السكربت الي عندكـ ...
واضغط عليه ضغطتين ..
1 - حط صح ...
2- اضغط استرجاع ..
الحين هو يقول لك انه خلاص تم تثبيت السكربت ..
الحين اشرح لكم وشلون تستعمل السكربت ..
وانت بصفحه المحادثــه ..
تلقى هالايقونه .. اضغط عليه ...
واضغط على اسم السكربت .. وبــس
والحين ندخل بالسكربتات
1-
huhu Clone 1.0
هالسكربت ينفــع للي يبي يقهر اي واحد معه بالمسن .. بحيث انك تقدر به
تزرف التوبيك + الرساله الشخصيه + الصورهـ حقته 
كيفيه الاستخدام : رح لم صفحه محادثه أي واحد تبي تزرف منه ..
واضغط /clone
راح يزرف كلش ...
واذا زعل الي معك وقال منب مكلمك ..
اضغط /unclone
وبيرجع كلش زي اول ...
ملاحظه : ترا /clone و /unclone كلهن بالشرطــه .. يعني لا تنسخه وتترك الشرطه..
2-
Google Translateor
بدل ما تدخل على قوقل وتروح لم الترجمه .. ترجم وانت بصفحه المسن حقك ..
ما عليك الا انك تضغط F5 ... << حركات عجازين
واحسن حركــه به انه افرض يوم من الايام اضافك انجليزي ولا امريكي ...
وارسل لك شي .. وتوهقت ما تعرف تقرا رح حط كلامه وبيطلع لك الترجمه ..
بعدين سو زي طاش ما طاش قل YAYA .. << بمعنى سلك له
3-
RealPlayer << هذا السكربت ينفع لابودحمي 
يوم من الايام طنت براسك توري الي عندكـ بالمسن أنك قوي ..
وتبي توريهم انك راعي اغاني وطق .. وحركات ..
وتوهقت الاغنيه عندك مب mp3 ..
فبهالسكربت يمديك تشغل الاغاني .. وتوري الي معك انك قوي
4-
Plus! Mail
بهذا السكربت الله يطول لي باعماركم ..
يمديك ترسل لاي واحد ايميل .. دون ما تدخل على هوتميل وزحمه << شغل عجازين
يعني بس ما عليك الا انك تشغل السكرب وتكتب الرساله ولمنهو وهو يرسله ..
ولا ازيدكم من الشعر بيت .. يمديك تضيف مرفقات بعد 
5-
xTimer
افرض انت قمت عن الجهاز .. وما تبي تصكره على طول .. او انك تصك المسن ..
او انك تسجل الخروج من الجهاز .. تبي تصكه مثلا بعد ساعتين وخمس دقايق
وعشرين ثانيه يمديك توقت هنا ..
لشرح الصورهـ ..
1- يطفي الكمبيوتر
2- يصك المسن كله بكبرهـ
3- تسجيل الخروج بالويندوز
4- يقفل المســن
5-
Crazy Text
هالسكريبت ينفع للي يكتبون بالمسن بالانجليزي .. زي روح الفهد 
هذا يخلي خطك بالمسن معوق ومدري وشلون جاي ..
لكنه خطيير ..
6-
LinkedChat
تخيل نفسك بيل قايتس << ام التخيل
وعندك اشغال كثييييييييييييرهـ ..
وما تقدر ترد على كل الي عندك بالمسن ..
فوش تسوي .. ؟ ما عليك الا انك تروح لم واحد وتكتب له رساله
نفرض انه هلا والله << بيل قايتس يكتب هلا والله
وتبي ترسله لصديقك الثاني .. والثالث والرابع .. الخــ...
ما عليك الا انك تدخل على هالسكريبت وتختار الي تبي ترسل لهم ..
وبس .
7-
Gmail Checker
افرض انت عندك ايميل على الجي ميل .. وما تبي تدخل قوقل وزحمــه ..
من هنا يمديك تدخل اسمه وتشيك عليه << ما تلاحظون شي اغلب السكربتات
الي عندنا تنفع للعجازين
8-
Name Editor
نجي الحين لاهم سكريبت ... وينفع للي يحبون يزينون نكات بانفسهم ..
زي مزون وطقته << يموون الاخ
وعشانه مهم بشرحه بالتفصيل .. << امحق تفصيل
الي بالاحمر : يخلي الخط عريض ..
الي بالاخضر : يخلي التوبيك تحته خط ..
الي بالازرق : يخلي الوبيك مايل ..
الي بالاسود : يحط خط بوسط التوبيك ..
الي بالبني : يلون لك التوبيك ..
الي بالردمادي : يلون لك التوبيك اسود وعاد انت يمديك تشيل الـ1 وتحط اللون الي تبيه ...
والاسود الي تحت مررهـ : يوريك وشلون شكل التوبيك بعد ما تحطه ..
9-
لون مدرج للكتابــه ..
تبي تخلي الي معك ينهبل من ألوا كتابتك .. ؟
اجل مالك الا هالسكربت .. يخلي لون الكتابه عندك مدرج .. من .. الى
زي كذا
8
8
8
وبكذا نوصل لنهايــه شرحــنا ..
ايه صح صح نسيت اعطيكم تحملون السكريبتات
فيه بعض الاعضاء واجهتهم مشكله .. وهي أن ايقونه السكريبتات ما تطلع لهم...
1- لازم يكون عندك مسن بلـــــس
2- تأكد من أنك ثبتت السكربت زين ..
3- ترا فيه بعض السكربتات زي huhu Clone 1.0 و Google Translateor ما يطلعن من السكربتات الباقيه وأنا شرحت طريقه استعمال كل واحد في هالثنين ..
4 اذا ما ضبط معك اتبع ذا الشرح وبيضبط معك ان شاء الله ...
1- اضغط بلــــس
2- اضغط الاعدادات ..
1- اضغط على العــام ...
2- اضغط على السكريبتات ...
1- تأكد انك حاط صح على كــل الصفــه ...
2- اضغط موافق ...
وبكــذا انتهينا من تفعيل السكربت ..
واذا واجهت اي عضو مشكله أو استفسار .. لا يردك الا الكيبورد ..
لا احد يستحي << مسوي ثقه
تقبلوا خالص تحياتي ..
والي عندهـ سكربتات لا يبخل علينا تكفون ..
نبي يكون الموضوع مشاركــه الجميع ..
واعذروني على القصور .. 
حمـ و ـد CC