صباح الخير لكل القناصين والقناصات وصباح الخير لكم زوارنا الكرام في هذا المنتدى الراثع >> ... طبعا الكل يحتاج انه ينزل صور سواء كانت في موضوع او انه مسوي شرح لاي شي ومنزله بالصور وطبعا راح ينزل الصور عالموقع او المنتدى اللي يبيه واذا كانت الصور كبيره راح تحوس الصفحه في الموضوع او يمكن بعض الاحيان تعيي تنرفع معاه بمركز التحميل الزبدهـ اليوم جايبة لكم طريقة تصغير الصور عن طريق الفوتوشوب اللي ما يخلى اي جهاز منه الطريقه سهله وما يبيلها .. )( اترككم مع الشرح )( 1: بعد ما تفتح برنامج الفوتوشوب , تروح لملف وتختار فتح . 2: راح تطلع لك ملفاتك زي ما هو موضح بالصوره , ومنها تختار الصوره اللي تبي تصغرها وتضغط على فتح . 3: بعد ما تفتح لك الصوره , تروح فوق عند صورة وتختار حجم الصوره . 4: يوم تختار حجم الصوره راح يطلع لك المربع الموضح في الصوره تحت , ومنها تختار القياسات تكون بالبيكسل او بالنسبه المئويه , وتكتب العرض والارتفاع اللي تبيهم . 5: انا هنا اخترت النسبة المئويه واخترت العرض والارتفاع يكون 65% , بعدين اضغط على موافق . 6: مبروك عليكم الصوره الصغنونه .. 7: بعدين تحفظ الصورهـ .. وبس أخيرا .. أتمنى ان شرحي كان واضح واللي ما كان يعرف يصغر الصوره يتعلم من ذا الشرح المتواضع ......