الســلام علـيكم ورحمـة الله وبركـاتـه ، .. هاهي السنتيـن أنقضت ومـرت على منتدياتنـا منتديـات القنـاص .. مرّت بـ حلوتهـا ومرتهـا .. وعقبال الـ 10 سنوات يارب وتدوم المحبه بينا .. في الحقيقه قبل كل شيء اكثرنـا لم يكمـل السنتيـن .. ولكن سنتيـن على الموقع كله بعد شهريـن .. انا سأكمل السنتيـن .. وغيري بعد يوم .. وغيره بـعد سنه و و و ،، فيه هذه السنـه و 10 أشهـر التي مـرت علـي .. ذقـت فيهـا مره وحلوه .. مواقف طريفـه واخـرى محـزنـه .. وهنـا في هـذا الموضوع .. بأتكلم عن السنتين وعن المواقف الي مرت بـي هنـا BBP من المـواقـف المحـزنـه الله يبعـد عننـا الحزن ان شاءالله .. ذقت وذاق غيري المرارهـ ومن الممكن ان يكون اهمهـا هـي وفاة العضوه المحبوبه .. روح المهـا الله يرحمهـا ويسكنهـا فسيح جناته وكان ذاك اليوم .. من " اشين " الأيام التي مرت على منتدى القناص .. اللهم غمد روحهـا في جنـاتك يا ارحم الراحمين ،، ومرت علي انا اكثر من موقف طريف .. وتكاثرت ايام ماكنت " مستشار " !! من المواقف .. / [ فعّل خويي ] .. وصلتني رسالة خاصة من احد الاعضاء .. يقولي السلام عليكم ورحمة الله وبركاته اخوي زياد انا صديقي مشترك وابيه يتفعل .. لو سمحت فعله لي .. رديت عليه بأن خويه ينزل موضوع بطلبات التفعيل ويفعلونه الشباب .. فـ رد علي قالي .. انا مشغول ومالي خلق .. لو سمحت روح انت قلهم .. زلبت الرساله ولا رديت عليه ( وللمعلومية الموقف هذا تكرر معي اكثر من 5 مرات ) ،، [ ابي إيميل ياسر ] ؟ وصلتني ايضاً رسـالـه مكتـوب فيهـا .. السلام عليكم .. هلا اخوي زيـآد .. لو سمحت ممكن تعطيني ايميل الكابتن ياسر .. لان بيني وبينه شغله خاصه ومحتاج اكلمه .. ولو سمحـت عجـل ايضاً تركت الرساله ولم ارد عليهـا ،، [ ارسلي صورتك على الخاص ] أحد ( الأعضاء ) المتواجدين في الموقع الأن يملك عضويه رقم 20 ألف وشوي .. وعنده 1300 مشاركه .. وماودي افصح بأسمه قدام الأعضاء .. ارسلي صورة كانت نصهـا / السلام عليـكم .. كيف الحال ؟ وش اخبارك .. كيف الاختبارات معك !؟ ايه صح نسيت اقولك .. / ليش البنات منهبلين عليك ؟ ارسلي صورتك رساله خاصه تحياتي اخت ( اسم العضو ) !! ( في اللحظه هاذي انا فقعت ضحك ) ولمـا رديــت عليـه بـ رسـالهـ نصهــا كـان فيه شوي من القوة وقلت / ليش تبي صورتي .. عساك تبي تناسبني بـس ؟ وايضاً استمر المشوار وردوا علي مره ثانية وكان نـص الرساله / أخويـ أنا مو ( اسم العضو ) .. أنا اخته ورديــت انا ايضاً مره ثانيـة وقـلـت / اخته ولا عمته وانا ارسل صورتي لـ أي واحد .. والله عليكم افكار وطلعات !! وثم رد علي مره ثانية وقال / طيب أنا آسفة .. بس تكفى لا تقول لأخوي شي .. طلبتك .. اعتبر إني ما كلمتك... ولا قلت لك شي.. ( انا زلبت الرساله ولا اهتميت ) وبعد فتره جتني رساله من العضو نفسه يعتذر ولكن ايضاً زلبت الرساله مالي خلق هالحركات [ اكتب لي موضوع ] !! احد الاعضاء بارك الله فيهم .. ارسلي رساله خاصه قال فيها السلام عليكم هلا زياد شوف انا عندي لك طلب .. ابيك تكتب لي موضوع وتجهزه وكل شيء .. وترسله لي على الخـاص وانا بنزله .. اتفقنـا ؟ انتظرك ،، كنت وقتهـا طفشـان .. قلت خلني اساريه شوي ،، رديت عليـه قلت له خلاص اتفقنا .. تبي الموضوع وش نوعيته ؟ رد علي وقال / اي شيء بس ابي بالمجلس .. وابي اول مايقرونه يخلوني مشرف .. زلبت الرساله ومارديت عليه .. اعتقد هذا قـدر كـافي للبتاع هذا في اخر شيء ،، احب اسأل سؤال واحد سؤالي هو / اوصف شعورك بالسنتين الي مرت .. يعني وش تحس به . وياليت اي واحد مر عليه موقف طريف بالمنتدى .. يذكرهـ لنا هنـا .. BBP يعطيكم العافية ،، اخوكم / زيـ’ـآد