حـوار فيـه شيء من القسـوهـ على سمو الامير/ محمد ومن خلال الحوار يتضح إن الكل يرى أبوسلطان من خلال هذا الموسم ولم يرى للأنجازات التي حققها في المواسم السابقـه! تطالبـه يرحل ويترك المجال لغيره عشان ماحقق بطولات في موسـم واحد فقط وهو محقق 6 بطولات خلال موسميـن! طيب جب لنا رئيس يحقق ربع ماحققه الأمير محمد من بطولات ووصول للنهائيات ومعسكرات ومصاريف ومشاريع ضخمه للنادي وجلب لاعبين محليين كبار وزد على ذاك في الموسم قبل الفائت الهلال كان لديه 3 فرق بأستطاعتها اللعب وتحقيق البطولات! جب لنا رئيــس مثلـه وإبشر إنت وإعضاء الشرف نشيل محمد! صعب جداً يالشهيل كلامك ولاهو منطقـــي إبداً تخلي ساحه أعضاء الشرف عشانك منهم وتطالب الأدراه إنها تتصل هي فيهم وتلح! خير إنشاء الله مايكفيكم بطاقات الدعوه اللي وجهت لكم للأجتماع الشرفي وتغيبتم فيها غياب جماعي وفشلتونا قـدام الجماهير والأنديه الأخرى؛ أنا أؤيد وأصفق لكلام الأمير/ محمد بإنه بيسحب عضويه العضو اللي مايدفع! فعلاً ليش وش فرقـه عن باقي الجمهور بعد الجمهور كثر خيره يجي ويحضر مبارايات ويدعم النادي! تبغــون مسمى(عضـو شرف نادي الهلال) مجـــاني مثلاً؛ فعلاً ياليت الأمير يطبق هالقرار أو الأدراهـ القادمـه لو مانصفي إلا على 5 أعضاء من 300 عضو موجودين الأن بس يدعمون كويـس! / المضحك في الأمر إن كل الأعضاء اللي خرجوا يتكلمون في الساحه والأعلام ويطالبون برحيل الأدراه ولو واحد منهم كان عنده الشجـاعه يظهر في منتصف الموسم والهلال يعاني ويحط يدهـ بيد الأدراه ويساعدها لاكلهم كانوا سـاكتين وماشين مجرد سقطنا الان جاء دورهم في الكلام وتجريد الأنجازات! بس الأعضاء اللي كانوا مع الأدراه مثل: عبدالله وعبدالرحمن بن مساعد و السـامر وبندر من محمد وفهد بن محمد كلهــــم ولاواحد طلع منهم للاعلام وطالب الأدراه بالرحيل بالعكس كانوا عارفين الوضع وعايشينه وبالعكس كانوا من أهم إسباب عدول الأمير عن إستقالتـه وحتى لومايبونـه ماصرحوا للأعلام مانبيـه جهاراً وجردوه من كل الأنجازات! نفس الشيء ولاواحد منهم تفضل وجاب مدرب كفىء وحطه للفريق! لا الكل ساكت ويعارض بس! باكيتا كان الحل الأنسب ذيك الفتره الحرجه الفريق كان في ذروه البطولات وإصابات وإرهاق وهبوط مستوى وعزوف شرفي وهجوم إعلامي! باكيتا كان عارف الفريق ومتعود على الضغوط هذي! اذا فيـه واحد منكم جايب مدرب كفى والأداره رافضتـه هذا شيء ثاني قولوا لنا واحنا نعاتب معاكم! لكن سكوتكم وقت الشــده وعزوفكم وكلامكم وتجريحكم وقت السقوط غير مقبــــــــــول من إي عضو كان مهما كان إسمه وشهرته! الجمهور صار اكثر وعي منكم وحاول يتناسى الموقف وحط يده بيد الأداره لموسم قادم حافل بأذن الله وإنتم الى الأن [ تنبشون] في أورقه المعاناهـ اللي عشناها حنا والأمير والهلال فقط! . . [ الشهيل] عضو فعال في الشرقيـه ماننكر جهوده ودعمـه لكن يظل من [ المقصرين] نادي بحجم الهلال مايبغى هالدعم فقط! حتى لو مو مقصر ويدعم حواره غلـــط! ويسمح لي الشهيل مو قصور فيـه لكن أنا وأنا ماتعبت مثل أبوسلطان ولارحت وجيت إنجرحت من كلامـه وشلون الرجال اللي يتعب ويصرف ويبذل وبالأخير يهاجم هالهجوم كأنه عدو للنادي مو من عشـاقـه! كذلك الهلال ماتعود يافيصل يحل مشاكله بالجرايد فيه الف أجابه وإجابه من غير ماتخلي ساحه أعضاء الشرف المقصرين وترمي الحمل على الأدراه! الجمهور مو مغفـل الجمهور الهلالـي أكثر من حس بالمراره وعاش الموقف عشان كذا صعب تنطوي عليه تصريفات فشل الأدراهـ ! أخطأت نعم ولكنها ليست فاشلـــه! . . فليعذرني الجميع على طريقه ردي وأسلوبي ولكنها وجه نظري ووجه نظر كل الهلاليين العقلاء وأولهم الأمير/ عبدالله بن مساعد اللي تقريباً كان له وجـه نظر مشابهه لكلامي السابق ولام الأعضاء اللي تكلموا في الصحف وهم بعيدين كل البعد عن الأدراه ولام كل من إتهم الاداره الهلاليـه بالفشل! حتى لو كان الاستاذ/ فيصل الشهيل عضو شرف فعال وداعم من المفترض إن لايخرج منه هذا الكلام إبداً . . الف شكر على النقـل BBP