هلا والله باحسن المحاسبات و اغلاهم .. ما شالله وش ذا الزين .. ابو سعيد هاه خخخخخخـ والله ما عرفنا لكم فهد ووليد و ابو سعيد خخخخخخخـ المهم ما علينا .. وانا اختك السفر هالحين صار شي لابد منه .. ناس يسافرون عشان تعودوا كل صيفيه سفر .. وناس طفرانين حدهم البحرين و ان غيروا جو راحوا دبي << ما تقصد العزابيه ابد وناس كل مره يقولون الصيف الجاي بنسافر خخخخـ وناس قالهم ابوهم بنسافر لفرنسا و هون اليوم وناس بياكلون تبن خخخخـ الزبده .. اني سافرت انا من عرفت الدنيا لـ 3 دير .. طبعاً دبي و مصر ما ينحسبون هماه رحنا لامريكا .. لوس انجلس و كاليفونيا و كلورادو و لاس فيغس خخخخ بس للاسف ماهنا صور .. اخوي بغى يفلها في لاس فيغاس .. تخبرين كلها قمار و كذا وهو بزر ما يدري وش السالفه .. وعنده عاده من هو صغير يجمع القروش و العملات خخخ فما بالك في تنميتها بلعبه ذا الفسقان .. والله انه يتشحد ابوي يبي يجرب القمار خخخخخـ بس ابوي هجده .. همن ايتاليا عاد هذي شي ثاااني ذا الديره .. لو اروح لها لين اقول ربي الله ما اتوقع امل منها .. صح انها حر .. ابد تسنها الرياض في القايله بس الوجيه السفره خخخخ والاسواق اللي تهبل .. و الاماكن التاريخيه فيها .. السبانيش ستيبز ايتاليا حبي انتي همن المانيا .. وش جو .. وش اسواااق .. و مطر .. وش تورز شي مب طبيعي ميونخ بعدين ميونخ ميزتها اسواقها رااهيه .. بطله مره .. و تناسب الكل .. فيها الغالي و الرخيص .. وفيها الغريب و المألوف .. بجد اللي يبي يصيف يصيف في ميونخ << سحبت على ايطاليا وفنادقها حلوه وبسيطه .. وش بعد .. بس هذا اللي عندي حالياً واللي اذكره .. وانا اختك الشي الوحيد اللي اشيل همه في السفر "الطياره " لو يحطون بدل طياره بس : ) يبون سياره يبون عربيه يبون سيكل اللي يبون بس جوو بحر لا أقتباس1/هل سبق لك السفر خارج المملكة ؟ يب أقتباس2/ماهي أبعد نقطة وصلتـ /ي لها في العالم من الشرق والغرب؟ ابعد نقطه في الشرق نقطه الباء في دبي خخخ و الغرب وصلت لكاليفورنيا أقتباس3/ماهي الدولة التي تتمنى زيارتها؟ ابي ازور مدينه مب ديره .. ابي اروح حايل وش اسوي اذا صار عندي ابو ضد السياحه الداخليه ؟ أقتباس4/ماهي مخططاتك في صيف 2007؟ الظاهر ماهنا الا تسجيل الجامعه والنت خخخخـ أقتباس5/ موقف محرج صارلك وأنت مسافر؟ مره في ايتاليا .. جالسه انا وامي في مكان عام .. وقدامنا واحد ماشالله .. ماشاله بس المهم انا سويت نفسي انه ترا عادي مب زين خخخخ يقالي ثقل عند امي قامت امي قالت : ماشالله ذا الوليد كله ملح و قبله خخخخ انا ما صدقت : قلت ايه ماشالله غصب تناظرينه الله لا يفتنا ونسولف في الرجال وهو يناظر ويبتسم ما درى انا نحكي فيه خخخخ شوي الا و يقوم و يقول فرصه سعيده طلع سعودي واحنا اللي نحسبه ايطالي أقتباس6/ ما رأيك في وكالة القناص للسفروالسياحه ؟ بطله ابطل شي خخـ ما ودكم تسفروني على حسابكم ذا الصيفيه بس ؟ موضوع لذيذ خخخخخـ يقصدي يشهي الواحد انه يسافر .. والله الله بردود الاعضاء ترا الموضوع يقوم عليها و ترى الصور عامل اساسي لشد انتباه الاعضاء لا تبخلون << محاسبه متلطمه عوافي .. ................ / BBP