من زمان عن المواضيع والنقاشات .. وحبيت ارجع بكذا موضوع اعاني منها واكيد انتم بعد تعانون منها مثلي ..
|||
[ وينه خويي .. صاحب الروح وينه ؟! ]
عشنا سوى .. ضحكنا بكينا سهرنا واسينا بعض .. عشرتنا امتدت سنين وسنين .. وفالاخير افترقنا .. مو بكيفنا هو القدر كتب علينا الفراق وحنا رضينا فيه .. مرت ايام وايام وحنا نتواصل سوى ما يئسنا من بعدنا .. وما يئست دموعنا من النزول عند كل ذكرى تمر علينآ ..
وبعد فتره تقابلنا .. عرفنا بعض لكن ..! رجعنا اغراب ما كأننا اللي كنا سوى .. ليه ياصديقي ؟ ليه ياخوي الروح انبنت بيننا هالأسوار والحواجز ليه سمحنا لأنفسنا نبعد عن بعض ؟!
ولا إجابه تشبع ارواحنا .. ويرجع دولاب الزمن يلف فينا بس ببعد ارواح كانت قريبه ..
: لو سمحتي .. : امريني اختي .. : ابيك بموضوع ممكن ؟! : خير ان شاء الله .. تعالي نجلس هنا .. : والله ياشوق انا من اول يوم شفتك ارتحت لك واعجبتيني وودي اصير خويتك .. : مافهمت شلون يعني خويتي ؟! : يعني تصيرين لي وبس ومحد يقرب منك .. : معليش اختي ماعندي هالحركات البايخه ..
موضوع انتشر فالفتره الاخيره وصار بالنسبه للبعض عادي .. حاولت ادور سبب او علاج او حتى طريقه ابعد فيها هالأشكال وماحصلت .. والشي الوحيد اللي تأكدت منه ان هالنوعيه تعاني من اضطراب نفسي وفقد للحنان عشان كذا سلكت هالطريق
س / وش السبب من وجهة نظرك يخلي البعض يمشي بذا الطريق ؟
|||
[ وين الرفيق اللي اذا طحت شالك ]
نخدمهم بعيوننا ومانقول لا مهما حصل .. كيف نقول لا وعشرتنا اكبر من هالشي ؟! ضحينا بأشياء كثيره عشان نوقف معهم في فرحهم وحزنهم .. ودارت الايام صرنا نحتاج لهم ونحتاج لوقفاتهم .. لكن ! وينهم ؟ وين اللي كانوا وش كثرهم حولي وانا فعز سعادتي وينهم لما دارت فيني الدنيا وعيشتني شقاها ؟! معقوله بالسهوله ذي نسيوا وقفاتنا معهم ؟ خساره ياللي كنت اسميهم [ اصحاب ] ..
س / ليه وقت السعاده يكون الكل حولنا ووقت الحزن مانحصل احد ؟
اسئله دايم تنطرح علي وما احصل لها اجابه غير .. اغرقوا داخل حروفي وراح تلقون شوق بكل وضوح فيهآ .. بإختصار [ انا كتاب مفتوح للي يقدر يقرا مابين السطور ] ..
|||
وفالأخير كلماتي فذي الصفحه مجرد خربشات على الورق لمواضيع اتعبتني الفتره اللي راحت واكيد بتتعبني الفتره الجايه ..