*
*
*

بسم الله الرحمن الرحيم
السلام عليكم ورحمة الله وبركاته


( المدخل )



في ضحكتي تاهت الأحزان ,,,
في آهتي رجاء وأمل في لأخي( الأنسان ),,,

لك أنادي هذه يدي ممدوه
نشيــد حبـا لا نمل ترديده






انا بصراحه هالموضوع في بالي من فتره طويله وكل ماجيت اطرحه اجله
يمكن من هالأبيات اللي فوق بينت شي بسيط من المعنى ويمكن احد تطرق
له غيري , لكن هي بالنسبه لي ( رساله ) و ( الرساله أمانه ) وأبي ابينها للجميع
رساله حن لها ( الكافر ) قبل ( المؤمن ) للأسف , وهذا واقع بعض اللي في مجتمعنا !

رساله من فئه عزيزه علينا وغاليه على قلوبنا رساله للأسف تعكس سلبيات
مجتمع واعي ومجتمع متعلم ( وهي المصيبه ) ماأبي اطول في المقدمه لاني
بطرح عنوان الرساله ( رسالة من معاق ) رساله من ناس عانوا وعانوا الكثير
من هـ المجتمع عانوا من ( النظره السلبيه ) لهم في هـ الحياة وكنهم ولا شي !




( من هم المعوقين ,, او ماهي الأعاقه ) !!


إن جينا ( للمعوقين ) : هم أشخاص أصابوا بـ ( بعجز ) أو ( عدم مقدره ) أو ( خلل وظيفي )
إن جينا ( الأعاقـــه ) : هي حالة من عدم القدرة على تلبية الشخص لمتطلبات أدءا دوره بشكل طبيعي في الحياة بشكلها العام .

والأعاقات تختلف طبعا من شخص وشخص تخلتف من ناحية ( شدتها ) ( حجمها ) ( مكانها )
ولكل إعاقة برنامج خاص وطرق علاجيه خاصه ولكل معاق طريقة في التعامل بوجه العموم
وللمعوقين( عالم ثاني ), يمكن أكثرنا يجهل عالمهم , وبعضنا مافكر فيهم من الأساس ولا عبرهم
والبعض مصنفهم ( شريحة مهيب محسوبه من المجتمع ) او ( تكملة عدد , ولا منهم أي فايده )

أنا كـ شخص كنت ماعرف عنهم شي ولو واحد قالي ( وش نظرتك للمعاقين ) بقول ( خبري خبرك )
دخلت في عالمهم ودرست وناقشت وعايشتهم لفترات طويله المتخلف والأصم والمتوحد وغيره
بالبدايه واجهة صعوبه في التعامل معهم , مو لاني ماعرف عنهم شي أو اني أول مره اجتمع بهم
السبب ( سلبية تعاملنا معهم ) ماتقبلوني كوني انسان عادي , كوني واحد من اللي حاط ( اكس) عليهم
شوي شوي لحد ماعرفوا ( وش انا أبي منهم ) وش ( هم يبون مني ) وان غرضي تطوعي بس
فـ تعالمنا السلبي معهم كون فيه سلبيات كثيره بعضهم يحب ( العزله ) والثاني ( نفسيته دمار )
والسبب ( حنا ) تجاهلنا لهم وعدم اعترافنا فيهم غلط كبير منا , والله يافيهم مواهب مهيب عندنا
وامكانيات وطاقه كبيره عنده بس من يصقل هالموهبه ويعترف بها ويعتز فيها قدام الناس (مافيه)



( عالة على المجتمع )



هالكلمه اسمعها دايم , الين يومنا هذا وانا اسمعها , حنا اللحين اكثرنا متعلم ويعرف كل شي
بس ماطرى عليه يفكر في هالفئه ولو فكر والله ان يدري انه غلطان وانه يحس باللي يحسون به
لكن مدري وش اللي يمنع من التفكير , انا ماقول فكر انا ابي تعامل يدل على وعيك ومعرفتك
ابي تعامل يخلي ( المعاق ) مايحس بـ إعاقته , ليه كل ماصادفنا شخص معاق قلنا ( خله على جنب )
وليه نقول انه ( عالة على المجتمع ) في اعتقادي العاله صاحب هالتفكير ولاهوب المعاق نفسه
قبل لاتقول هالكلمه السلبيه ارجع وناظر وش قدموا المعوقين شف الأعمال وش الأبتكارات
الغلط انك تحكم على شي انت تجهله , ماتدري وش اللي يصير فيه وتحكم عليه والله ( سمعت يقولون كذا )
ماذبحنا الا يقولون كذا ! ( وكالة يقولون ) ماخلت شي اهم شي يقول ويقول وهو يجهل وش يقول
( المعوقين ) مانقدر نقول عليهم ( عالة على المجتمع ) او بالأصح ( ذوي الأحتياجات الخاصه )
بشكلهم العام فئه نفتخر فيها , لهم انجازات كبيره في المجتمع واكثر خارج المجتمع و شرفونا ..



( المعاق انسان )



المعاق انسان مثلي ومثلك ( لكن مجرد مانقول معاق ) الظن يروح انهم ناس انتهت صلاحيتهم
كلمة ( معاق ) هي اللي دارجه اللحين بين الناس حتى لو كان نوع الأعاقه شي بسيط ومايذكر
( الأصم ) : نقول عليه معاق , مثلنا يفكر ويروح ويجي لكن مايسمع ولا يتكلم وبعضهم يتكلم
( الأعمى ) : نفس الشي مثلك ويمكن احسن منك في كل شي , لكن خذ الله منه نعمة الأبصار !
( فاقد العضو) : شخص فقد يده رجله مشلول كليا . لكن راسه صاحي يعطي وياخذ وله فايده
اللي ابي اوضحه من خلال هالفقره ( المعاق انسان ) ان مو كل اعاقه تعيقه عن الأدا بشكل نهائي
الأصم يحتاج لتواصل ( بلغة الأشاره ) الأعمى ( بالأرشاد المحسوس ) او انك تكلمة وتوضح له
وغير كذا الله معوضهم بس محد يكتشف هالشي الا اللي يعاشيهم ومع معايشتهم بتفكر(صح )
ولا تعتقد ان ( المعوقين ) مايحسون باللي حواليهم , بالعكس يحس من تعابير وجهك ونظراتك
وشي بصدره كاتم عليه لانه مايدري كيف يوصله لك والسسب حنا بتصرفنا ( مانعطيم أي بال )
لازم نغير هالتعامل وبـ أسرع وقت ممكن ( ان ماخذناها من جانب الأنسانيه فيه الجانب الديني )



( مشاهد من حياة المعاقين )



لو فتشنا في حياة ( المعوقين ) بلاقي مشاهد كثيره تعكس نظرتنا لهم وتعكس تفكيرنا السلبي ..!
أقولها وبالفم المليان ( المعاق مبدع ) ( المعاق متميز ) ( المعاق اعجوبه ) ( المعاق متمكن ) ...
مشهد شدني في مهرجان ( الجنادريه 28 ) في قسم ( التأهيل ) الخاص بذوي الاحتياجات الخاصه
انسان متخلف عقليا , وجتمعين حوله انواع البشر انا شدتني هالزحمه وعلى هالقسم بالذات ( لقافه فيني )
المعاق هذا يسأله شخص يقوله في عام 1428 في شهر 6 يوم 10 أي يوم يوافق . يعطيك اليوم الصحيح
يرجع ويسأله يقول في عام 1426 في شهر 4 يوم 22 وش يوافق يقول المعاق يوم كذا وصح
شفتوا لاقالوا ( لله في خلقه شئون ) وغيرها مشاهد كثيره بس انت دور وناظر بنفسك واقتنع
كاس العالم من جابه في عام 2006 ( ذوي الأحتياجات الخاصه ) .خلونا نحترمهم ونتفختر فيهم
الدول الغربيه حاطه لهم شان عظيم وانظمه وقوانين , وياويل اللي يقول فيهم حرف واحد بس
وحنا هنا ( حدث ولاحرج ) لا احترام , لا رحمه , لااعتزاز , لاعتراف , بس متجاهلينهم .!!



( إشراقه أمل )



بعد الشيل والحط والدراسات والبحوث والتقييم أسست المباني ومراكز الرعايه في كل مكان
وبدوا يلاحظون ( هالفئات ) في ظل هـ التطور . الحكومه والحمد لله ماقصرت بأي شي أبدا
وفرت ومع ان فيه نقص الا انها توفر لحد اللحين وبدى يظهر لنا كادر قوي من اهل التخصص
واللي وفر كل وقته في خدمة فئه ( ذوي الأحتياجات الخاصه ) التطور ملحوظ بشكل كبير
وأوجدت البرامج ( الفعاله ) ذات التأثير الجيد اللي تعكس ايجابيتها على ( المعاق ) نفسه
ومع هالحرص راح يحس ( المعاق) بأهميته ووجوده في هـ المجتمع ويبتدي يمحى من مخيلته
النظرات اللسلبيه الي كان عايشها وبعضهم لازال يعيشها , لكن مافيه شي مستحيل وراح يسود
بأذن الله ادوار المجتمع وبشكل ايجابي في تغيير ( المفهوم السلبي ) خطوه بخطوه لمستقبل مشرق



( التوعيه العامه )



مانختلف على ان كل مجال له ( توعيه وفعاليات) مختصه به وكذالك هالمجال فـ أنا
أشوف ان المفروض نفعل التوعيه فيه بشكل اكبر وبشكل جدي انا وانت وانتي والكل
ليه مانسهم في هـ المجتمع بتوعيته , انا ماأطالب احد انه يقرى ويدرس ويجتهد فيه
كل الي نبيه اذا شفنا مثل هالتصرفات ( السلبيه ) من احد نعرفه نحاول نبين له انه ( غلط)
وان هاللي تعيب فيه ومخليهم ( صفر على الشمال ) له بصمه واضحه في مجتمعنا ككل
مو ( نشوف الغلط ونسكت عنه ) نحاول نعدل ,فـهم بالأخير منا وفينا لكن الله ( ابتلاهم )
بـ الاعاقه اختبار ( دنيوي ) وعظه وعبره ( للأ نسان السوي ) عشان يحس بالنعمه اللي هو فيها



( ناقش معي )




@ انت ,, ياللي تقرى الموضوع , هل حسيت بأنك فعلا قصرت معهم ؟
@ قد صادفت مواقف مع احد قلل من قيمة هـ ( الفئه ) ولا حسب لهم حساب ؟
@ قد فكرت في ( اصحاب ذوي الأحتياجات الخاصه ) وعندك فضول للدخول في عالمهم ؟
@ رأيك الشخصي في هـ( الفئه ) وهل انت مقتنع فعلا , بالأدوار اللي يقومون بها ؟
@ تشوف انه موفر لهم كل شي أو مازال النقص موجود ؟
@ مساحة خاصه لك قل اللي تبي فيها ؟


*
*
أخير الموضوع . جاء من شي شفته . ومن معاناة معاق كتبت هاللي طلع معي .. واعذرونا ع القصور
*
*
وتحملوا فلسفتي هـ المره

مثبت ولي عوده حتميه حالي

:(


بااااااك

ليس المعاق من حرم نعمة
البصراو السمع او السير او التحدث او ....الخ من الاعاقات الجسديه او العقليه

انما من استغل هذه النعم في اللامفيد
ودمار المجتمع قبل دماره
فهذا يروج لافكار علمانيه بهدف العولمة المزعومه
وهذا يضيع ويسلب جهد غيره بالتهكير وياليته افاد بهذه الموهبة الاسلام
وهؤلاء يدمرون شباب الامة الاسلامية بالمخدرات
و..
و..
و..........الخ .

هذا مفهوم الاعاقة لدي ولا سواه يا حالي

عاد خلنا نبدا بلهجتنا

نظرتنا لهذه الفئة يحكمها عدة عوامل:
1/ تربية الاهل ..
2/ التوعية على مستوى المجتمع(الصغير)
3/ التوعية الاجتماعية على مستوى المنطقة او الدوله.

طيب وشو دور كل عامل من هالعوامل؟

الاهل ،،

تعامل الاب او الام مع الاخرين ينعكس على الطفل تماما
يعني نلاحظ ان الاطفال يسوون مثل اهلهم تماما..
مثلا/ جاء الاب ونافخ على الهندي او أي عامل
تلقى الولد يطبق نفس ابوه
يعني ممكن اختصر كلامي بمصطلح
التربية المكتسبة او الاخلاق المكتسبه.

المجتمع الصغير،،

اقصد به الخوال والاعمام ...الخ
بصراحه ما قد سولفنا بهالفئة بمجتمعنا او مثلا سوينا عروض
ومنشورات عنهم لاطفالنا عشان يتعرفون عليهم ويفهمون انهم
ناس مثلهم.

المنطقة او الدوله ،،

ممكن احصر دورهم ببعض النقاط..

• المدارس ما قد سوت زيارات لجمعية المعاقين والتعرف عليهم عن قرب.
• الجمعيات الخاصة بهالفئة ما احس لهم دور اعلامي بالتعريف بهم .
• وسائل الاعلام نادرا ما تسوي برامج عنهم <<لاحظوا قلت نادرا

@ قد صادفت مواقف مع احد قلل من قيمة هـ ( الفئه ) ولاحسب لهم حساب ؟

لا ولله الحمد ،،يمكن عشان مثل ماقلت لك مالي بهم احتكاك..

@

قد فكرت في ( اصحاب ذويالأحتياجات الخاصه ) وعندك فضول للدخول في عالمهم ؟

تبي الصراحه لا..
وخاصة المتخلفين عقليا اخاف منهم مدري ليه؟!!
مع اني اعرف انهم مايضرون بس اخاف.. شكلي انا المتخلفه

@ رأيك الشخصي في هـ( الفئه ) وهل انت مقتنع فعلا , بالأدوار اللي يقومون بها ؟

الله يوفقهم ..
رافعين الراس بالمحافل العالميه..
ياليت كل شبابنا معاقين << خربته صح

@ تشوف انه موفرلهم كل شي أو مازال النقص موجود ؟

لا فيه نقص وكبير مررره.
بعض المرافق او الاماكن العامه ما نلقى لهم ممرات خاصه بهم
حتى الله يكرمكم دورات المياه ميب موفرة لهم ،،

@ مساحةخاصه لك قل اللي تبي فيها ؟

بهالمساحة اتسآأل ليه ما يكون تدريس لغة الصم والبكم ملزمين به في مراحلنا الدراسيه؟
حالي وش رايك نقوم بحمله لهم ونطرح اقتراحاتنا



حالي الذوق
تسلم على اثارة الموضوع
وطرحه بشكل رائع،،

لمنصة التتويج
بعد اكتمال الردود
BBP

مــوضوع هـادف واجتماعي ,


نحـتاج لمثل هذه المواضيع في قـسم المجـلس ..


مواضيع لها معاني ساميه يكون النقاش فيها مفروض علينا كأعضاء في هذا المنتدى الياسري ..



@ انت ,, ياللي تقرى الموضوع , هل حسيت بأنك فعلا قصرت معهم ؟


لسـت انا وحـدي .. بل المجتمع كذلك مقـصر ..


@ قد صادفت مواقف مع احد قلل من قيمة هـ ( الفئه ) ولا حسب لهم حساب ؟


لا.. واتمنى ان لا اصادف موقف كهذا ..


@ قد فكرت في ( اصحاب ذوي الأحتياجات الخاصه ) وعندك فضول للدخول في عالمهم ؟


نعـم .. لأن اصحاب ذوي الأحتياجات الخـاصه عـالم يمتلأ باالأمـل والصـبر والكـفاح ..


وانا املك الفضول للدخول مع اوسع ابواب عالمهم ..



@ رأيك الشخصي في هـ( الفئه ) وهل انت مقتنع فعلا , بالأدوار اللي يقومون بها ؟


فئه غاليه على قلبي ..


صبورا وثابروا وامنوا بالله قبل كل شيء ..


نعـم هذه للفئه لها دور فعال في المجتمع ..

ونشكر حكومتنا الرشيده التي قامت بتفعيل دورهم حتى يصبحون مؤثرين في مجتمعنا السعودي ..



@ تشوف انه موفر لهم كل شي أو مازال النقص موجود ؟



اعتقد ان حكومتنا الرشيده لم تقصر معهم ابدا ..



@ مساحة خاصه لك قل اللي تبي فيها ؟



استغل هذه المـساحه لأتقدم بجزيل الشكر لك اخوي حـالي الذوق على موضوعك الأنساني الذي يخص اعظم شريحه من شرائح المجتمع ..


كم نحتاج ونحتاج مثل هذه المواضيع ذات الطابع الأنساني الذي يقدم رساله توعويه مغلفه باالنقاش والحوار المتبادل بين افراد المجتمع ( اعضاء منتدى القناص ) ..






تقبل فائق تحــياتي ..

اولا اشكرك على الطرح صراحه موضوع يقطع القلب @ انت ,, ياللي تقرى الموضوع , هل حسيت بأنك فعلا قصرت معهم ؟ما اقدر احكم على نفسي لأني اتعاطف معاهم وبنفس الوقت ما اعرف اتعامل معهم لأن اذا أشفقت عليهم ما يحبون يحسون انك تحسسهم بالنقص واذا عاملتهم عادي يمكن يحسون انك تقسى عليهم مشكلتنا اننا نعزل انفسنا عنهم ولا نفهمهم ولا هم يفهمونا قد صادفت مواقف مع احد قلل من قيمة هـ ( الفئه ) ولا حسب لهم حساب ؟ ان شاء الله لا قد فكرت في ( اصحاب ذوي الأحتياجات الخاصه ) وعندك فضول للدخول في عالمهم ؟الصراحه لا رأيك الشخصي في هـ( الفئه ) وهل انت مقتنع فعلا , بالأدوار اللي يقومون بها ؟يس مقتنعه تشوف انه موفر لهم كل شي أو مازال النقص موجود ؟مازال النقص موجود
تقبل تحياتي دللووو

للخير فيك يسمو يدا ..تواسي ..
تمسح الدمعة .. ترسم البسمة ..
لعيون آن ان نواسيها ..
.
.
اقطف الورود حب ..فوداع للأنين
تشرق الشمس شوق.. لعبارات الحنين ..

.
.
المعاق انسان ابتلاه الله بعجز في احد اعضاءه ولكن عوضه بغيرها
فترى كثير من المعاقين أفضل من الأسوياء ..من انتاج وتفكير ..
فالله حرمه نعمه ولاكن يعوضه بخير منها ..
وكثير ماتجد من المعاقين مبدعين في مجالات كثيرة ..
مع ذالك يبقى انسان له كافه الحقوق التي تتوفر لغيره من الاسوياء ..

.
.@ انت ,, ياللي تقرى الموضوع , هل حسيت بأنك فعلا قصرت معهم ؟

اتمنى مااكون قصرت معهم ..

@ قد صادفت مواقف مع احد قلل من قيمة هـ ( الفئه ) ولا حسب لهم حساب ؟

الحمدالله ماشفت ولا ابغى اشوف ..
واعتقد هالناس معدومة من قلوبهم الرحمة ..

@ رأيك الشخصي في هـ( الفئه ) وهل انت مقتنع فعلا , بالأدوار اللي يقومون بها ؟

مقتنعة فيهم ..وأراهن على ابداعاتهم ..وتصل لمستوى أفضل من الاسوياء ..

@ تشوف انه موفر لهم كل شي أو مازال النقص موجود ؟

بالامكان أفضل من ماكان ..
والان والحمد لله المجتمع بدا في تقبل الاعاقة والمعاق
وبدا في اعطائة حقوقة في الفترة الاخيرة ونحن نطمح باذن الله الى
ما يسمى بالدمج الشامل وهو عبارة عن دمج المعاق في جميع شؤؤن الحياة ..

.
.

حالي الذوق توي أدري انك حالي الاحساس كمان
الف تحية اقدمها لك ولكل من يهتم ويحس بهم بجميع فئاتهم...
كل الشكر حالي ...BBP

هلا هلا ياقـدع


موضوعـك متعـوب عليـه .. ولاسيمـآ‘ إنـه يتكلـم عـن وـآ‘قعنـآ‘ تجـآ‘ه المعآ‘قيـن ..


نجـي للمنـآ‘قشـة ..





إقتباس:

طبعاً مقصـر معهـم..




إقتباس:

@ قد صادفت مواقف مع احد قلل من قيمة هـ ( الفئه ) ولا حسب لهم حساب ؟

إيـه والله ..

مـره فـي إسـآ‘د الملـك فهـد جاء أحـد المعاقيـن اللـي يجلسـون على دكـة الإحتيـآ‘ط يسلـم يحيي الجمهـور .. ويجـي وـآ‘حـد يرمـي عليـه قوطـي ببسـي جا وـآ‘حـد مـن أخويـآ‘ه قال : هيـه خف ربـك وش ذالحركـه .. ؟ قال : ايييه عادي معـآ‘ق .. !!



إقتباس:

@ قد فكرت في ( اصحاب ذوي الأحتياجات الخاصه ) وعندك فضول للدخول في عالمهم ؟

بصرـآ‘حـه إذا شفـت وـآ‘حـد منهـم أرحمـه وأدعي لـه بالعافيـه .. لكـن ماقـد طرا على بـآ‘لـي إنـي أحاول أتعـرف على عالمهـم ..



إقتباس:

@ رأيك الشخصي في هـ( الفئه ) وهل انت مقتنع فعلا , بالأدوار اللي يقومون بها ؟

والله إنهـم على العيـن والرـآ‘س .. تلقاه معاق في أحـد أعضاءه لكـن يفيـد أكثـر مـن اللي متعافيـن .. ومقتنـع فيهـم ..




إقتباس:

@ تشوف انه موفر لهم كل شي أو مازال النقص موجود ؟

لا والله ما أتوقـع إنـه تـم توفيـر جميـع إحتياجـآ‘تهـم .. لكـن النقـص المـوجـود موب ذاك النقـص ..



إقتباس:

@ مساحة خاصه لك قل اللي تبي فيها ؟

ما أقـول غيـر ربـي يوفقهـم بحيـآ‘تهـم والله يهون عليهـم .. وما أتمنـى التقليـل من شأنهـم .. لأنهـم بتفكيرهـم صنعـوا أمجاد لهـم .. وحنا الله يخلف علينـآ‘ مابنـآ‘ إلا العافيـه وداجيـن لا فلحنـآ‘ بدراسه ولا غيره طبعاً البعـض موب الكـل




يعافيـك ربـي فيصل

@ انت ,, ياللي تقرى الموضوع , هل حسيت بأنك فعلا قصرت معهم ؟


انا عن نفسي اعشقهم احبهم هالفئه واتعاطف معهم من قبل ماكنت كذا بس حب الفضول
هو اللي غيرني صراحه انا من هواة زيارة مراكز المعاقين حق الاطفال


@ قد صادفت مواقف مع احد قلل من قيمة هـ ( الفئه ) ولا حسب لهم حساب ؟

يوم انا صغيرة كانت صديقة امي ولدها معاق وكنت رايحه مع امي لهم بس كان المعاق يقرب

مني اقوم وافزع الدنيا واصارخ .. بس احين بس اذكر الموقف اتقطع حته حته

@ قد فكرت في ( اصحاب ذوي الأحتياجات الخاصه ) وعندك فضول للدخول في عالمهم ؟



تراهم شالين تفكيري كله احب عالمهم ..الامل والالم ..الصبر والجهاد..الطموح والتطلع كله بتلقاه عندهمم\
مثل ماقلت فوق احب زيارة مراكزهم من جد يونسوا بالمرة

@ رأيك الشخصي في هـ( الفئه ) وهل انت مقتنع فعلا , بالأدوار اللي يقومون بها ؟


انا عن نفسي احس دورهم فعال اكثر من اي انسان عطاه الله نعمه شكثر شفنا ابداعهم واختراعاتهم ..لو انسان صاحي ماسوا مثل
وانا مقتنعه مليون الف بالمئة من ادوارهم



@ تشوف انه موفر لهم كل شي أو مازال النقص موجود ؟



نص نص اتمنى مثلا يسوون شي اممم مانيب عارفه كيف اعبر على لساني بس مو عارفه كيف اوصلها........
=====>وصلت نص الفكرة
مثلا المعاقين جسديا امنيتي انهم يسوون لهم سيارات خاصه بحيث انهم مايحتاجون احد ويقدرون يسوقون ومن غير وغير اللي في بالي لهم ...صح ابي بعد مواقف المعاقين
مويقولون موقف معاقين وهو باركينج للسيارة ...ويغيروا نظرتهم للمعاق يعني الاهل لازم يربون اولادهم ان المعاقين شي مثلنا مايخافون منهم واذا شافوهم يجلسوا يناظرون فيهم باستغراب ...



@ مساحة خاصه لك قل اللي تبي فيها ؟



حالي الذوق الف شكر للموضوع اللي دايم يدور براسي
انا تراني سويت موضوع مثل كذا من قبل بس التفاعل الله لايراويك بس
بس صراحه بدعت بالاسلوب والطرح
...........يالقناصين تفاعلوا مع المواضيع كافة.........
BBP BBP

هلا حـالي$
منــور؛BBP

شف ياخوي المعاق صراحه هو اللي فكر
أن هالفئه لاشيء من المجتمع يعني شيء
يحز في النفس لما تشوف دوله إسلاميه
مثل دولتنا تعنى بالتكافل والترابط ومع هذا
هنالك من يهمش هذه الفئه الغاليـه جداً على
قلوبنا بالعكس الأعاقه مش عيب أبداً
بضرب مثــال:

شـاب سليـم معافى منً الله عليـه بالصحه والعافيه
لكنـه لايخطـو للمساجد ولايصلي فيها وأخر معاق
لايمشـي ولكنـه مداوم على الصـلاه وفي المسجد
وش يدل عليـه هالشيء على إن الأعاقه هي في القلب
والأيمان والعمل وعدا ذاك فهي أبتـلاء من رب العالمين؛
:

بالعكس المعاقين من أميز وأفضل الأشخاص
لافي الحياه ولافي خلقـهم! العلامه الشيخ بن باز
حرم النظر ولكنـه كان مفتي لأكبر الدول الأسلاميه
وخير أمه أخرجت للناس وهالشيء ماأنقص من
قدره بالعكس قدره في قلوب الكل عــالي؛
:
.

والله ماقد واجهت معاقين كثير ولكـن أكيـــــد مقـصرين؛

أقتباس

@ قد صادفت مواقف مع احد قلل من قيمة هـ ( الفئه ) ولا حسب لهم حساب ؟

للأسف كثير ومهمشين هالفئه اللي هي تعتبر نصف المجتمع؛

أقتباس

@ قد فكرت في ( اصحاب ذوي الأحتياجات الخاصه ) وعندك فضول للدخول في عالمهم ؟

مــــره مـــره ودي لو أتعامل معاهم أنشاء الله اذا ربي كتب عمر بدخل ذا القسم اللي
(يتعامل معاهم) بالجامعه؛

أقتباس

@ رأيك الشخصي في هـ( الفئه ) وهل انت مقتنع فعلا , بالأدوار اللي يقومون بها ؟

خـلق الله حالهم من حالنا<-- قولي والله؛
لافعلاً هم أناس مثلنا وقد يكونون أفضل منا بعـد بس عاد عقليات!

أقتباس

@ تشوف انه موفر لهم كل شي أو مازال النقص موجود ؟

لازالـــ النقص موجــود ونقص الأهتمام والحنـــان هو النقص الكبيــر

أقتباس

@ مساحة خاصه لك قل اللي تبي فيها ؟

وشــ عندكـ على هالأبداع اليـوم وش الطـــاري
يلا عشـان هالموضوع لكـ هذيCC وأغنيـه راشــد(هــلي)
"

حــاليـBBP
وربــي مبدع وموضوعك يلامس
جـرح يجب معالجته في المجتمع
وأن دل على شيء يدل على أحساسك
المرهف وذوقك العالي وخلقك الرفيع<-- ركز على ذي؛

وعليكم السلام ورحمة الله وبركاتو

موضوع جدا جمييل منك .. وأنا يمكن أوافق بيلسان بكلامها عن الاعاقه

@ انت ,, ياللي تقرى الموضوع , هل حسيت بأنك فعلا قصرت معهم ؟

والله يا أخوي أنا مامرت علي حالات كثييره .. عندي ولد عمتي معاق .. لكن معاملتنا له مثل معاملاتنا لاخوانه ..

وانا حاليا أدرس تربيه خاصه .. ويعرض لنا الدكتور حالات مختلفه وربي يمكن اول مره أشوفها تقطع القلب :(


@ قد صادفت مواقف مع احد قلل من قيمة هـ ( الفئه ) ولا حسب لهم حساب ؟

للأسف ايه ..

كنت انا ومجموعه من البنات متطوعين بزيارة معهد لذوي الاحتياجات الخاصه .. وبنشرح لهم شي

وطبعا لنا درجات اضافيه من هالعمل فأغلب البنات تطوعوا عشان الدرجات .. وكانت معنا وحده تقريبا في سنه رابعه

يعني البنت قربت تخلص فبحكم انها أكبر مني وبحكم اني مستجده كنت كله أسالها ايش اسوي

فكان عندنا شي زي اللوحه وكذا .. قلت لها : أيش رايك نحط لهم صور عصافير وكذا عشان ينبسطون

قالت : خلنا نحط لهم صور بقر ليش هم يفهمون !!

أثر فيني موقفها ..يعني انسانه متعلمه واكيد ما ادرست بهالمجال ووصلت لهالمرحله الا وهي فاهمه وواعيه ..

يعني يمكن البعض يفهم كلمتها على انها مزح أو شي ..لكن انا ماعجبتني الكلمه وحتى لو كانت مزح .. في مزح عن مزح يفرق

@ قد فكرت في ( اصحاب ذوي الأحتياجات الخاصه ) وعندك فضول للدخول في عالمهم ؟

اكييد والله يعيين ان شاء الله


@ رأيك الشخصي في هـ( الفئه ) وهل انت مقتنع فعلا , بالأدوار اللي يقومون بها ؟

ما أزيد على كلامك شي .. وهم بشر حالهم من حالنا وعندهم امكانيات يمكن أحسن من الشخص السليم

@ تشوف انه موفر لهم كل شي أو مازال النقص موجود ؟

للأسف لا زال النقص موجود وبشكل كبيير برضو


@ مساحة خاصه لك قل اللي تبي فيها ؟

كل الي أتمناه من الحكومه هو الاهتمام بهالفئه .... وبرأيي لوكانوا دامجينهم مع الناس الطبييعين كان أفضل بكثيير

انت لاحظ الحين لو تروح مكان عام وتشوف شخص على كرسي ماراح تجلس تطالع فيه؟؟ .. حتى لو كان مار عليك حالات بتجلس تطالع فيه

لأنه نادر ماتشوف زي كذا .. وحتى هو بيتضايق من نظراتك له لأن مهما كان مافيه شي هو يدعو للفرجه

لكن الناس تطالع لأنه مايمر عليها هالحالات .. فدمج المعاقيين مع الناس الطبييعين .. افضل بكثثير

بحيث انو الشخص الطبيعي .بيقدر يتعامل معهم والشخص المعاق ماراح يحس بالاظطهاد ..


وأشكرك على الموضوع الي يثلج الصدر صراحه ..

سلاااااااااااام...

@ انت ,, ياللي تقرى الموضوع , هل حسيت بأنك فعلا قصرت معهم ؟
بصراحه كلنا انا/انت/هي/هو/هم/كلنا مقصرين مع هذه الفئه من المجتمع بشكل كبير...
@ قد صادفت مواقف مع احد قلل من قيمة هـ ( الفئه ) ولا حسب لهم حساب ؟
لا والحمد الله...
@ قد فكرت في ( اصحاب ذوي الأحتياجات الخاصه ) وعندك فضول للدخول في عالمهم ؟
والله فكرت بس ببدايه الامر حسيت بالرهبه او اني اخاف انظر لهم نظرة الشفقه لاكن انا ما ابغى يحسون اني اشفق عليهم...
@ رأيك الشخصي في هـ( الفئه ) وهل انت مقتنع فعلا , بالأدوار اللي يقومون بها ؟
هاذي الفئه سوت وسوت انجازات ولاكن يمكن ما فيه اي اهتمام لها...
@ تشوف انه موفر لهم كل شي أو مازال النقص موجود ؟
اي موفر لهم كل شئ هم مب موفر لهم ولا شئ للاسف...اذا جينا على الدرج الخاص لهم من المفروض انه يصير موفر في كل مكان وهذا غير الاشياء الثانيه اللي لا تعد ولا تحصى...
@ مساحة خاصه لك قل اللي تبي فيها ؟
ما عندي شئ

حالي الذوق الله يسلم هذا القلم والله لا يحرمنا منه

علبة فراوله