صج دنيا الى قطر تشمت على الكويت@
هاااي....
بعد خروج المنتخب الكويتي من بطولة كأس الخليج 18 وبالتحديد بعد مباراة الكويت والامارات . انهل الأعلام القطري وبتحديد قناة الكأس .. بمقابلة مسؤولين كويتيين بالرياضه عن اسباب الخروج .. والغريب ان الاعلام ككل يعرف مايمر به المنتخب الكويتي من انتكاسات .. ولاكن من تابع منكم برنامج المجلس على قناة الكأس بعد مباراتنا مع الامارات .. يلاحظ فرحة الاخوه القطريين بخروج منتخبنا .. والي مبين عليه اكثر مذيع البرنامج خالد جاسم ..حاولو يتشمتون بأول كويتي موجود معاهم عبدالعزيز العنبري .. عندما قالو له الكويت ولاانتصار ومانتوقع الكويت لها وجود بالكره بهالحال.. ورد عبدالعزيز العنبري وابتسم وقال له ازمه وبتعدي وقال له انت تدري لولا الكويت لما صارت كوره بالخليج . والعجيب ان خالد جاسم والقطريين الي معاه ضيعو الموضوع لما تكلم الكابتن خليل الزياني عن ان القطريين يشابهون حال الكويت حالياً .. وبالبرنامج قابلو الشيخ احمد الفهد .. الأب الروحي للرياضه الكويتيه ..بعد خسارتنا مباشره .. وسئلو الشيخ احمد ..وقالو له وصلتنا اخبار ان الشارع الكويتي غاضب .. ورد الشيخ قال انا مثلهم غاضب والكل محبط من النتيجه ... وقال الشيخ للمذيع لاتذيكى علي ( لاتصير ذكي ) انا مربي وايد مثلك بالاعلام.. صراحه زين يسوي الشيخ احمد بقناة الكاس ..ولما قال لهم .. اذا كنتم من الشماته فلا تتشمتون فلازالت الدروب طويله .. اما اذا كنتم من النقاد فلاشك ان من شاهد مباراة اليوم مع الامارات يعتبرها مباراه جميله .. وبعد المقابله .. بدء الحقد من المذيع خالد جاسم .. وقاعد يتباها بأنجازات قطر بكأس الخليج 17 واسياد الدوحه . .. .. اتمنى منكم الردود على هالموضوع .. هل فعلاً الاعلام القطري يداري على هزائمه وهذا مطقع الفيدو لمقابلة الشيخ أحمد الفهد http://www.qfup.com/gc18/fahad.wmv بااايووو.... |
رد: صج دنيا الى قطر تشمت على الكويت@
شنو سالفة قطر ... وبالذات المجلس يطلع من مشكله ويدخل في مشكله .. يعني على ابو انهم فازوا بخليجي 17 مع ان ما ادري شلون خذوا الكاس .. وفازواا بجم ميداليه بالاسياد خلاص محد قدهم ..؟؟ المهم .. ما علينا من الحاسدين والمقهوووووورين من الكويت p30 ... كل دول الخليج تعرف شنو مستوى الكويت بالرياضه والكل يخاف من اللعب جدام الكويت ... ولو ان الرياضه الكويتيه تمر بأزمه هذي الأيام لكن انشالله فتره وتروح .. وبعدين قطر بدال ما هم قاعدين يحشون بالمنتخبات ماسكين منتخب ورى الثاني يحشون فيه ... خل يشوفون لاعبينهم اللي الحمدلله والشكر منتخبهم واحد قطري وعشره اجاانب افريقيين ما شاء الله عليهم مكنتووش مو منتخب ... .... مشكوور اخوي ياسر كويت << متعيجزه اقلب الكيبورد <<:d ويعطيك العافيهـ ... |
رد: صج دنيا الى قطر تشمت على الكويت@
.
. . . يا عزيزي قطر تُحاول إبعاد الأنظار عن فشلها و فشل فريقها المُجنّس حيث تُحاول التقليل دائما ً من المُنتخبات الأُخرى و كأنّ منتخبهم قد حقّق كأس العالم .. و أضحكني حقيقة ً رد أحد الإعلاميين عندما علّق على تصريح قطري يقول أنّ طموح قطر أكبر من كأس الخليج حينما قال / قطر لم تصل لكأس العالم و لم تُحقق كأس أسيا و سيصبح كأس الخليج مُنتهى طموحهم على ما يبدو !! . . . و من الغباء جدا ً مُقارنة مُنتخب بطل حقّق كأس الخليج تسع مرات و مُنتخب لم يتذوق طعم الفرح سوى مرتين عندما حقق الخليج مرة واحدة و أسياد الدوحة بمُساعدات ( الحُكّام ) .. لكل جواد كبوة و سيعود الأزرق بإذن الله لمستواه الطبيعي قريبا ً و لا عزاء للحُساد في قطر الله يعطيك العافيه : ) |
رد: صج دنيا الى قطر تشمت على الكويت@
لا يهمكم من قطر و أعلمها الكاذب
الكويت كبير ويبقى كبير مهما صار .. بس لو يستقيل أحمد اليوسف و البطانه الفاسده سترجع الكويت كما كانت وسابق عهدها كويت المرعب ،، كويت الوحوش ،، كويت الذئاب ،، كويت الكأس والبطوله كذابين لا يهمك حكيهم كذابين |
رد: صج دنيا الى قطر تشمت على الكويت@
أولا يعطيك ألف عافيه عالموضوع وانشاء الله ترجع الكويت مثل قبل وأحسن
والكويت أكبر من انو يأثر فيها واحد جاهل وبالأصح حاقد لكن تمنيت منك أخوي انك ماتجمع الشعب القطري عشان كلام واحد مثل هاذا لأنو مهما كان هو يمثل نفسه وشخصه مايمثل قطر كلها وبعدين المفروض انكم ماتهتمون لكلامه لأنو مافي مقارنه بين منتخب الكويت ومنتخب قطر والتاريخ يشهد على كلامي |
رد: صج دنيا الى قطر تشمت على الكويت@
هاااي....
يسلمووووو للردود الجميله منكم . وادري ان ماكو مقارنه بين الكويت وقطر .. وعلى فكره يا اخت نوره انا ما حددت الشعب القطري انا قلت الاعلام القطري .. اتمنى وصلتلج المعلومه :) بااايووو.... |
رد: صج دنيا الى قطر تشمت على الكويت@
^_^
يعطيك العافيه وسوري ع الرجوع بس عنوانك اكبر دليل انك محدد قطر ماقلت صج دنيا الاعلام القطري يتشمت على الكويت |
رد: صج دنيا الى قطر تشمت على الكويت@
يا عزيزي قطر تُحاول إبعاد الأنظار عن فشلها و فشل فريقها المُجنّس حيث تُحاول التقليل دائما ً من المُنتخبات الأُخرى و كأنّ منتخبهم قد حقّق كأس العالم ..
و أضحكني حقيقة ً رد أحد الإعلاميين عندما علّق على تصريح قطري يقول أنّ طموح قطر أكبر من كأس الخليج حينما قال / قطر لم تصل لكأس العالم و لم تُحقق كأس أسيا و سيصبح كأس الخليج مُنتهى طموحهم على ما يبدو !! . . . و من الغباء جدا ً مُقارنة مُنتخب بطل حقّق كأس الخليج تسع مرات و مُنتخب لم يتذوق طعم الفرح سوى مرتين عندما حقق الخليج مرة واحدة و أسياد الدوحة بمُساعدات ( الحُكّام ) .. لكل جواد كبوة و سيعود الأزرق بإذن الله لمستواه الطبيعي قريبا ً و لا عزاء للحُساد في قطر الله يعطيك العافيه : ) |
رد: صج دنيا الى قطر تشمت على الكويت@
قطر تحاول ابعاد اخفاقها بكاس الخليج ومالقت الا الكويت وعندي تعليق بسيط على الاخت صبا
بالوقت الحالي ماعتقد لان مستوا منتخب الكويت نااااااااااااااازل |
الساعة الآن 05:54 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0