اخوتي واحبتي في الله


الموت حق ٍ بالبشر وأمر محتـوم
ولاهـذي الدنيـا بـدار المقـامـي

قبل أمس فيها يروي علوم وعلوم
واليـوم صايـر قصـة ٍ للأنـامـي

محد ٍ على الدنيا دوامه على الدوم
الدايـم اللّـه جـلّ وإلـه الدوامـي

ما تصفي الدنيا ولو حالهـا اليـوم
حال السعـاده والرخـا والسلامـي

باكر تصير بحزن وتصير مضيـوم
وعن الفرح عينك وقلبـك صِيامـي

وانا حياتي كلها صوم فـي صـوم
بعد الفهد يا بوي عفـت الطعامـي

وعفت السهر والعين ما ذاقت النوم
ودي أنـام وأحلمـه فـي منـامـي

خارت قوايه والحشا كلـه إهمـوم
وطاحت بي إعزومي وراحت عدامي

وصارت سمانا خاليه ما بها إنجوم
وساد السكـون بعالمـي والظلامـي

أبكيك ومن يبكيك ماهـوب مليـوم
ومن لا بكى فهـد العروبـه يلامـي

ابكي على زيزوم من صلب زيزوم
وابكى كريم ٍ مـن سلالـة كِرامـي

يا خادم البيتين مرحـوم مرحـوم
من صادق الدعوات بختـم كلامـي


.................................................. ..............


وهذا فلاش عن خادم الحرمين الشريفين الملك فهد بن عبدالعزيز ال سعود رحمه الله






وهذا رابط الفلاش للي يبغى يحتفظ فيه

http://mawdah.al-zen.com/card/kingfahad.swf