السلام على من إتبع الهدى اما بعد.. <==- - دآخــلـ تخطب انت ..؟
يالله حيهم يالله حيهم <== كلمتي الشهيره
شخبآركم عساكم بخير إن شاء الله
صر1حـه تو كنت فآضي وطفشان وفتحت النت ومسكت معي إني أكتب موضوع فطرت على بآلي فكرهـ قلت مادام الدرآسه توهآ بآديهـ إكتب موضوع يعني يوسع الصدر شوي وقررت حفظني الله ورعاني إني أكتب بعض المواقف أيام الدراسه ولكم بعض المواقف.. قراءة ممتعه <==- تقل كاتب بمجلة سنان
دق وإقطع
هذا الموقف صار لي وأنا في ثالث متوسط .. كان عندنا حصة (قواعد) <- ياقدمك .. وكآن المدرس جآلس يشرح وأنا كآن معي جوآل الرهيب على وقته ولاهوب حقي زآرفه من أمي عشان يقالي اصير قوي عند أخويآي وكان مكاني ورا بالزاويه طلعت بوكي وطلعت رقم المدرس وأدق عليه وهو يشرح يوم طلع الجوال بيرد وأقطع أنا رجع وكمل شرحه وأجي أنا وأدق مره ثانيه وأقطع المدرس إستغرب ورجع وكمل الدرس وأنا أدق عليه بس صار ذهين ولا طلع الجوال جلس يرن وهو بجيبه وأنا انتظره يدخل إيده عشان اقطع طول وهو يرن وأول ما دخل المدرس إيده قطعت <=- ما تحس انك درج المدرس شكـ إن اللي يتصل من الطلاب ر1ح ونادى الوكيل وقآله السآلفه قآل الوكيل أنا بجلس معكم بالفصل بشوف هو يدق ولا لا عشان إن دق وأنا موجود بيصير موب طالب من الموجودين لأنه بيخاف من الوكيل دخل الوكيل ويآشين حظي بس جا وجلس جنبي أنا حطيت جوآلي بالفنيله قبل يدخل المهم يوم جلس جنبي وأنا مصمم إني ادق على المدرس والوكيل موجود عشآن أبعد الشبهه عني فيه خويي جنب الوكيل من الجهه الثانيه ذهين حاول يلفت نظر الوكيل عشان يلتفت عليه وأنا أدق الوكيل كل شوي يلتفت ويرجع وأنا أتلمس الجوال بالفنيله أدور الزر الأخضر عشان اظغطه مرتين ويدق عند المدرس ودقيت عليه وأول ما رن عند المدرس قفلت أنا والوكيل التفت مع الجهه الثانيه ما توقع إنه أنا ابد لأني جنبه المهم المدرس قآل للوكيل فتش إحتياط بس يوم قآل كذا أنا بلعت لساني من الخوف بدا يفتش الوكيل وعليه تفتيش موب طبيعي إبن اللذين يوم وصل عندي يفتش ويلمسه من عند الفنيله طلع جوآلك يالحبيب أنا قلت سم سم أطلعه ولا يهمك <== ربكه تصافق ببعضها من الخوف وأعطيه الجوآل وكمل التفتيش ولا لقى شي قآل تعآل معي للمكتب وأروح معه يوم دخلنا المكتب وكآن معنا نفس المدرس ويجي الوكيل يدق على المدرس ويطلع نفس الرقم أنا عيوني صارت مثل عيون ناصر القصبي من زود اللخمه والوكيل يناظرني وشكله يخوف لأنه دب وطويييل وراسه صغير يوحش خلاني أوقف عند المكتب يوم جا وقت الخروج قآل لاتجي بكرهـ إلا وأبوك معك فآهم..؟ أنا يوم قآل أبوك قلت لازم أتصرف قلت أبوي متوفي <= يتفاول على أبوه الخبل قآل متى متوفي؟؟ قلت بالصيفيه اللي راحت قآل طيب يجي عمك ولا أخوك الكبير أهم شي ولي أمرك يجي قلت عمي يشتغل بمستشفى ولاهو فآضي أبد وبآقي عماني موب بالريآض قآل عآدي يجي أحد خوآلك قلت خالي قاضي وبالخرج مشوار عليه إنه يجي قآل لازم يجي ولي أمرك قلت يعني أخلي أمي تجي بعباتها هنا عشان رنة جوال ..؟ <-- مسوي بريئ قآل رنة جوال أجل هآهــ؟؟ قلت إيه رنة جوال .. قآل تعرف الرنه وشهي بكرهـ رجعت للبيت ونسيت السالفه وصآر بكرهـ رحت للمدرسه وأنا في أمان ونآسي إني متورط مع الوكيل دخلت الفصل الصبح جاء الوكيل قآل أنا مدري شلون لك وجه وتدخل الفصل .. أنا سويت نفسي ما أدري عن شي قلت: ليه وش سويت أنا قآل أبد ماسويت شي بس مدري شلون لك وجه تدخل الفصل لأنك أنت أكبر من إنك تدخل فصل وإن شاء الله راح يكون لك تكريم بعد الصلاة اليوم من المدير بكبره أنا وقف شعري يوم سمعت كلمة مدير صلينا الظهر ويطلع المدير عند المايك .. ينادي اسمي .. أنا ذ1ك اليوم جايني طوع بزياده وجالس أسبح بعد الصلاة سمعت إسمي وقمت ومعه ثلاث عصيان والله ويجلدني 20 جلده 10 بإيديني و 10 برجليني خلاني أشك بإسمي هو عبدالرحمن ولا خالد والدمعه واقفه بطرف عيني بس مستحي انزلها قدام أخوياي ... قيم اوفر
الظرب والبنج
هذي سالفة ثانيه بنفس السنه ثالث متوسط .. جيت مره بعد الفسحه دخلت وكل الطلاب موجودين والوكيل عادته يجي بعد الفسحه يحضر الطلاب وكنت جالس أنا وواحد أنا خطرت على بآلي فكره قلت لخويي شرايك نسوي مقلب بالوكيل ..؟ أنا توقعت بيقول لا ومدري إيش وخايفين .. قال قدام يالله قلت طيب وأروح عند باب الفصل وأخلي الباب مطرف شوي وقلت له إمسك سطل ال**اله ( الله يكرمكم ) وحطه فوق الباب عشان إذا دخل الوكيل يطيح السطل عليه هو إنهبل الدرج وعلى طول سواها وجا هو عاد طويل وعريض قآل للطلاب ورب البيت لو واحد يقول إنه حنا اللي مسوينها مايصير له خير المهم كل واحد جلس مكانه وجآ الوكيل وفتح البآب عشآن يحضر انا أخبر الوكيل جاي ونشوفه شماغ وعقال صرت اشوفه بسطل **اله الله يكرمكم السطل دخل بوسط راسه وجآ يهاوش من اللي سواها ؟؟ كل واحد يقول مدري قال الوكيل كل طالب بخصم منه ثلاث درجات بالإختبار كل الطلاب ودهم يقولون بس خايفين من خويي لأن جسمه يخوف المهم يوم إنتهت الحصه اللي بعد الفسحه طلع طالب فلسطيني للوكيل وقاله كل شي الوكيل خلآص أحس من القهر طلع دخان مع إذانه <==- وين يابو تناظر سبيس تون جآ الوكيل للفصل وقآل والله ماتطلعون اليوم لين تعرفون إن الله حق ويعطينا تعهد بورقة صفراء مختوم عليها من الوزاره وكآن فيه محاظره ذ1ك اليوم للدكتور خالد الجبير المهم خويي قآل لازم نشوف لنا حل من الجلد قلت مافيه حل وكآن معنا بالفصل يدرس ولد الفراش حق المدرسه جآ لمنا وقت المحاظره وقآل متى بيجلدكم الوكيل؟ قلت أنا بعد المحاظره تشوفون الصلخ مباشر قآل دقيقه وجايكم رآح شوي وجآ معه قارورهـ قزاز بيضآ حنا إستغربنا وش قصته ذا قآل ياعيال هذا بنج مؤقت خفيف يعني يخفف الظرب قلت من وين جبته؟؟ قال أخذت مفتاح المختبر من أبوي وجبته من المختبر قلت كفو يابعدي والله تسلم جيت أنا الدلخ بحطه بوقت المحاظره قآل ياهيه موب الحين خله إذا خلص عشان يجي وقت الجلد ماتحس فيه قوه قلت اووكي أول ماخلص من المحاظره وأشوف الوكيل معه لي أحمر وأنا أحط البنج بإيديني وحط خويي بإيدينه ونادى على أسامينا ورحنا له البنج توه ما بعد خدر وأنا خايف جا الوكيل ناوي يبدأ فيني قلت : لا خل هذا أول <== عشان يمدي إيده تتبنج شوي بدأ بخويي والله جته الصيحه لأنها تعور ولا أمداها تتبنج يوم خلص منه جاني أنا وجا على وقت خدرة إيدي يطق ويطق يبيني اقول شي انا أحس فيها شوي بس متحمل مسوي إني قوي شآف مامني فايده قآل مير أنت منزوع منك الإحساس يالله فارق .. قيم اوفر
11-09-2006, 10:07 AM
تعآلو وأدخلو مواقف الدراسه لاتـفــوتــكــم
أنا حطيت جوآلي بالفنيله قبل يدخل المهم يوم جلس جنبي وأنا مصمم إني ادق على المدرس والوكيل موجود عشآن أبعد الشبهه عني 
أنا قلت سم سم أطلعه ولا يهمك <== ربكه تصافق ببعضها من الخوف 
المهم كل واحد جلس مكانه وجآ الوكيل وفتح البآب عشآن يحضر 
العرض الشجري
