هاي كرنكس
اشتقتولي ؟ طيب انا اشتقتلكم
القناص صاير وايد حلو وايد زين والله كنت متوقعه بتسكروهه عقب ما اتكركم بس
يالله من وين اشتريلكم وفا !
افف اول مادخلت حسيت مدري كيف
تعرف ذاك الأحساس اللي يجيك لما تدخل بيتكم القديم وتشوف فيه اغراضك القديمه
والعابك واشيائك البسيطه اللي كانت تسعدك وتحزنك تتذكر شقاوتك ومواقفك الغبيه
واشياء بسيطه ماكنت تتوقع انها تعنيلك والحين تعنيلك الكثير
وتقارن بين حياتك قبل اللي كانت بنظرك ممله وتافه ومن غير معنى
مع حياتك الحين وودك لو ترجع ذيك الفتره بكل مافيها حتى لو فقدت
كل الأشياء الل كنت تظن انها ثمينه و راح تزيد من سعادتك وثقتك بنفسك !
تجلس تفكر لو انا انا اللي قبل وش بتكون نظرتي لهالشخص اللي انا عليه الحين ؟
وش كنت بقول عنه ؟
وتجلس تقول يالله كل الأشياء السيئه اللي ماكنت استصيغها و كنت اشك بانسانية
اللي يسويها صرت انا اسويها الحين !
وش معناه هذا انا كبرت والا تلوثت والا طنزتي رجعتلي
وهينا بس تعرف ان الحياه مش هي اللي تغيرت انت اللي تغيرت عليها
وماعادت تعرفك .
الفتره الجميله اللي كنت عايشها ماهي الا انعكاس لجمال روحك
الحياه غير مسؤوله عن قبحك لا تلقي اللوم عليها ولوم نفسك وشوف
وش انتي مهبب فيها .
وابدد هذا كان شعوري لما دخلت القناص اليوم .
الموضوع وليد اللحظه مارجعت اقراه حتى فسامحوني على القصور * القصور والا الصور ؟ الق \ صور وكيذا *
طيب خلاص وشوله رفع الصوت اسفه