بسم الله الرحمن الرحيم
السلام عليكم ورحمه الله وبركاته
MSE .. هو اختصار لإسم المكافح الرائع Microsoft Security Essentials والمقدم من مايكروسوفت لكافة مستخدمي ويندوز .
طبعاً البرنامج مجاني لكل من يملك نسخة اصلية من نظام ويندوز وهو يعمل على كافة انظمة ويندوز .. يعني الي ويندوزهـ مب اصلي يدبر عمرهـ ببرنامج ثاني
اما الي ويندوزهـ " مكرك " يقدر انه يحمل البرنامج ويستفيد منه << للأمانة انا ركبته على ويندوز XP مكرك ومشي الحال
وماادري عن بقية الاصدارات
نجي الحين لطريقة تثبيت تحميل وتثبيت البرنامج وبعدها بشرح لكم البرنامج بكبرهـ
بس قبل التثبيت .. اذا عندك مكافح ثاني .. انصحك انك تحذفه قبل لاتثبت هذا لان احتمال يكون فيه تعارض
طريقة التحميل والتثبيت
اول شي .. نروح نفتح هالرابط
Microsoft Security Essentials - Free Antivirus for Windows
راح تظهر هالصورة
اختر " الانجليزية - الشرق الاوسط " ثم " انتقل الى " الا عاد الي يبي يختار اوردو ولا عبري ولا فرنسي براحته
لان هذي لغة البرنامج وللأسف مافيه العربية
بعدين الله يسلمكم راح تطلع لك هالصفحة
الجهاز راح يتعرف على نظام جهازك .. اختر نوع النظام واضغط Download
ولكن البعض مايعرف نوع النظام اذا كان جهازك 32 بت او 64 بت .. وعشان تتأكد اتبع الخطوات :
ويندوز 7 وفيستا : ( زر يمين على جهاز الكمبيوتر - خصائص ) وشف نوع النظام بوسط الصفحة
ويندوز XP : ( ابدأ - تشغيل او Run - اكتب الامر " dxdiag " ) راح يظهر لك مربع اضغط " نعم " ثم شف هالصورة وراح تعرف نوع نظامك
وبعد ماعرفت نوع نظامك وبديت التحميل وخلصته
حان وقت التثبيت .
التثبيت
التثبيت جداً سهل ولا يتطلب اي تسجيل ارقام او تحديث او او او .. الخ لان بكل بساطة اذا جهازك اصلي مايحتاجون اي تأكيد
طبعاً دبل كلك على ايقونة البرنامج ثم تشغيل .. راح تظهر لك هالشاشة الترحيبية
نضغط Next وراح تطلع لك الاتفاقية
اضغط على I accept لان بطبيعة الحال اذا ضغطت على I decline يبي يطلعك برا التثبيت pb071
بتطلع لك هالشاشة والي يقولك فيها " ساعدنا على اننا نطور هالمنتج اذا لاحظت اي مشكلة او عندك فكرة او .. الخ " اختر الي يريحك من الخيارين ثم Next
بعدين بتطلع هالشاشة والي يقول فيها ان جهازك مافيه جدار حماية وينصحك البرنامج انه يخلي نفسه هو جدار الحماية .. طبعاً انا انصحكم بهالخيار ثم اضغط Next
راح يستعد للتحضير
ويتأكد اذا كان جهازك اصلي او لا ..
اذا جهازك مب اصلي راح تظهر لك هالشاشة
واذا جهازك اصلي بتظهر لك هالشاشة وتكمل التثبيت وتضغط على Install
راح يبدأ التثبيت ...
لين يخلص وتشوف هالشاشة
وبكذا نبارك لك تثبيت البرنامج بنجاح
وينصحك بعمل فصح للجهاز وانت حر عاد
شرح البرنامج
هذي الواجهة الرئيسية للبرنامج
وفيها على اليسار :
1 - المسح السريع للجهاز
2 - المسح الكامل للجهاز ( يفحصه مجلد مجلد .. ملف ملف .. صورة صورة .. زنقة زنقة 
)
3 - المسح المخصص وهو انك تحدد مجلدات او ملفات معيّنة يقوم بفحصها البرنامج
الصفحة الثانية وهي عملية التحديث او Update وعن طريقها تشوف اذا فيه تحديثات جديدة للبرنامج من شركة مايكروسوفت للبرنامج
الصفحة الثالثة وهي الملفات الضارة الي حصلها البرنامج .. والبرنامج يمسكها ويخليها عنده بدون اي خطر على الجهاز ( مثل السجن
يعني يسجنها لين تقرر انت وش تسوي فيها اما تمسحها او تنظفها )
الصفحة الرابعة فيها اعدادات البرنامج .. عاد انتم مخمخوا فيها والي ماعنده نية يمخمخ يعلمني وش يبين اشرح له ويبشر ان شاء الله
وبكذا خلصنا شرح للبرنامج
وفيه شي آخير .. لو انت شاك بملف فلاش ميموري او هاردسك وتبي تسوي له مسح سريع .. اضغط عليه زر يمين واختر Scan with Microsoft Security Essentials .
وبالختام ارجو ان الشرح يكون خفيف وسهل عليكم ولأي استفسار انا حاضر وماراح اقصر معكم ان شاء الله
وانا ماابي منكم الدعاء لي ولوالدي واخواني واخواتي
تقبلوا تحيتي ..
حسام الفهد
26-07-2012, 08:01 AM
ويندوزك " اصلي " وخايف عليه ؟؟ حمل مكافح MSE وانسى الفيروسات ( شرح بالصور )
العرض العادي
