= > توهقت بالبدايه وش تهرج طبعآ من كم سنه وحنّا نروح الجنآدريه وكل سنه تقول انا ازينْ من اللي قبل ! إلا هالمرّه احلى مابهم الرقص وغيره ( x ) خلوني احكي لكم الاجواء قبل نروح ! متفقين مع بنات خالاتي هالمرّه نروح سوى وبنفس اليوم الظهر وصلني برودكاست من بنت خالتي تقول :
عاد أنا اقلقت اخواتي لاتلبسونْ فلات مايصلح للأماكن اللي بها مشي وخاصه بنوطى على اتربه وحصيانْ وما إلى ذلك
تم كل شيء , وركبنا السياره اختي وعيالها + انا واهلي + الخدامات السياره تخرّش من الحريمْ
مسكنا الخط , وبدأ زوز يلقلق ويغني ( حبيب الشعب عبدالله ) ياإبني أسكت ! كنّي احاكي جدار .. وأخوه الثاني بدا يقرأ علينا قرآن ماقلت لكم هالاثنين شلون صارو اخواني ماادري ! واحد داج والثاني هاديه ربّي
وصلنا نص الطريق ووقفنا نحتري بنات خالتي يجون عشان يمشون ورانا لانهم مايدلونْ , بعدين جو وحرّكنا الين وصلنا البوابه ومن قبل قايلنْ لنا ادخلو مع البوابه الغربيه افضل معنا تصريح دخول السياره ودخلنا من جدددددد زحمممممه يالله حصلنا مكانْ نوقف , ونزلنا وكلن يحمل قشه ودخلنا جوااا فرشنا بساط ع الثيّل وجلسنا مامي وبدينا نهجول انا مع بنات خالاتي والباقي كلنْ راح بجهه !!
المشكله مافيه إرسـال لـَ الجوالات ( x ) !!
تمشينا ومرينا على ( رُكن المَدينه ) بصرآحه هو اطلق شيء احس يعني مُتكامل وفيه حركه ونعنشه مثل العام ماشاءالله وخاصه لمّا قال : نعناع المدينه والورد الكادي لكم ينادي ض1 يكفي ريحته لانّي احب النعناع اصلن يهدي الاعصاب وخاصه روحهم الطيّبه الله يحفظهم
بعدين جو قدامنا حقونْ ( جيييييييييييّده ) يرقصونْ ض1 يابويا عليهم رقص ض1
آيش كمان !!
مرينا ( رّكن القصيم ) ماتوقعتهم هالمرّه كذا ! العامْ احلى بكثيرر مدري انقرضو بالجنادريه وإلا وش السالفه ياناس ادورهم مافيه الا كم شخص يبيع كليجا والباقي عليكم السلام اهم شيء آخذت كليجا التوفي
وقابلنا اهل جيزانْ والباحه ...... الخ ترى من التعبْ بديت أنسى وش انّي شايفه احلى شيء ( عرضتنا نَجد ) يالبى الثياب والسيوف والاعلام انا افداكم
وبعدين عطشنا نبي نشتري مويه وكل مكانْ يقولون مافيه بارد :/ ملينا وقلنا بقريح أي شيء المهم نبّل ريقنا واذكر بنت خالتي وراي وفجأه لفيت مالقيتها وهنا بديت اخاف يعني لاإرسال جوالات ولاشيء ! يعني كني بديره وضايعه من كبرها اصفق عممري وإلا وش اسوي ! الف يمين ويسار قدام ورى ووووووينْ راحو ماادري
حاولت ادق على امي + اخواتي كلهم + بنات خالاتي للآسف لاجدوى مافيه شبكه :/ ونص ساعه على هالمنوال إلين مسك خط اختي واقولها : تعالي انا ضايعه تقولي وينك فيه قلت قدامي دكتور كيف ووراي هرفي , قالت ماعرف ذولي خلك الين اخلص دورانْ واجي يابنت منب قايله تعااااااااالي انا ضايعه وش اقعد اسوي وتنفصل الشبكه :| واكتب بقروب البي بي بنات خالاتي وينكم انا ضايعه ماش ماوصل وجلست احوس وادور ومافيه مكان بالمنطقه اللي انا فيه الا ومريته وفجأه القاهم وراي وضاعت بنت خالتي الثالثه وعدنا نفس السالفه ندور الين لقيناها ومن التعبْ جلسنا على بساط وجمبه رجّال كبير وحرمته حقهم البساط يوم درينا بنقوم حلفو علينا نريّح ض1
وبعدها قمنا كملنا المشي على بقية الاركان وجت الساعه 8 وقلت ابي ( الركن الياباني )
طبعآ وقفنا زحمممه نحتري عرضهم يبدأ وبالاخير قالو يجهزون مايبدون إلا 8 ونص قلنا ياللله لقينا مكان نوقف ماراح نتحرّك والعالم تدف بعض وقلة حياء وجت حرمه شااااااااخطه وتدفنا بتدخل بيننا عشان تطلع المشكله مافيه ممر قالت لها بنت خالتي وين وين تطلعينْ منّا وتلاقطت معها قالت إلا انتو اللي وشوله واقفينْ انا نط عرقي وقلت : انتي اللي جايه غلط حنّا واقفين نحتريهم يبدوون قالت جايين عشان اليابانْ قلت ايه اجل وش جايه عشانه قالت كان جلستي بالبيت وشغلتي التلفزيون وشفتيها اذا كنتي جايه عشانها ! قلت دام بشوفها بالتلفزيون اجل انتي وش جابك بعد كان شفتيها مثلنا
وملينا مابدو قلنا اجل سرينا للمعرض حقهم تخيلو اليابان عالم مُنظم لدرجه كبيره ماندخل ركنهم إلا لمّا نمسك سرى مافيه جدوى نطب محوطين الامن علينا يخلونا نرجع من الاخير ونصف طابور وانا اللي بدخل من تحت الحبل قالي حق الامن لالا بااصبعه كنه بيطقني مسكنا سرى مثل المتاهه كثيره , وورانا حرمتين وبنتهم قسم بالله انواع الفله من مشو وهم يغنون ( قلب قلب وين وين , واحلى شيء لمّا يقولون بس بس بسس ميييييييي * وسوالفهم وتعليقاتهم وكل شيء ضحك مافيه احد واقف مايضحك . يوم وصلنا ركن اليابان , يعني توقعت فيه شيء ينباع زي فرنسا العام ماش مابوه شيء كله مشاهد سينما وسيارات واكلهم وملابسهم مثل هالاشياء
مسكت الياباني قلت له بصورك بس بشرط عطني ورقه ولافهم جاء مترجم وحكاله وشق لي ورقه كتبنا عليها : اهداء الى موقع القناص ( اوكسجين ) قلت امسكها بصورك ومسكها وجيت اصوره ماوضح الكلام ناس تمشي وتشوت ولااخذت راحتي بالتصوير قلت له مرّه ثانيه قال للمترجم ترجملي وش كاتبه والمترجم يقوله: قناص وهكا قام الياباني سواا حركة القنص توني بصوره ويطفا جوالي شغلته ثانيه قلت عدها حط الورقه ورفض حس ان كلمة القناص شيء موب زين بس صورت الورقه
طلعنا نمشي عاد ونشوف اللي يرقصون بالممرات وجت الهيئه تطلب يقفلون الاغاني اللي فيها موسيقى واذا راحو شغلوها وهاك يارقص موب صاحي شعب قلبّه خضّر وشافو العالم تصورهم وكلن قام يتفنن برقصه الجمميل انا ماذبحني الا اللي يرقص مصري على خليجي ههههههههههههههههه
طبعآ ماانسى ان فيه بزر جاء وقبصني قبصه مدري وراه وجاب لعبته وطقني على وجهي
ومرينا لم مجموعة ترقص وكنّا واقفين نتفرج وزحمممه وفجأه إلا حرمه تدفني بقوه على الرجّال من شدة الوقاحه !! قالها معاد به حياء وتلاقطو
وإلا البنات اللي شرو ربطة اهل الجنوب وعلقوها على جبهتهم حتى وهم متغطيين اشكالهم تحففه بس فله قالهم واحد مابقى إلا تحطون بيز ههههههههههه
وشفنا الوقت تأخر مرّه ووصلت الساعه 9 وتجينا مسجات انو جايتنا مكالمات !! بس مانقدر نرّد وطلعنا ورحنا لنفس المكانْ اللي حطينا امي فيه تعبببببببْ جلسنا نتقهوى إلا نشوف مبزرتنا ماخلو طبل او عصا إلا شروووه ومسوين جلسه يطقون ويرقصونْ
وآخر شيء دخلت على قواة الامن بتطفى بطاريتي قلت نودع باخر صوره وصورة ولد اختي مع الضابط ياهووو مؤدب واقوله حمووودي يالله بنمشي يلف خكري يقول : ياعيونْ حمودي ترد بنت والله يافيذا مطعسه هههههههههه
لقينا إعلاميينْ يصورون بس خلّص وقتهم والا كنت بقول شيء هم على قناة التُراث واخذنا لهم صوره
+
يعني الرحله هذي حٌلوه بس موب مثل العام اجمل و اكتشفت انو فيه ناس عندها قلة ادب ناس يعني ماعليييييييش !! موب مكانها الجنادريه للآسف
اعتذر عن عدم وضوح الصور الكامْ كان مع اخواتي ولاقدرت القاهم وصورت بجوالي
اترك لكم الصور ,
زوز يطق وماكل الجو ض1
ميدو
ميدو مع رجُل قواة الامنْ
تُراث والمُذييعينْ
رئّصني ياقدددع
زحمممه
الياباني ( هذي اللي قلت لكم ماوضحت اهداء للقناص )
يتجهز للصوره
يحاول يقرأ المكتوب
الورقه
شفتو شلون محوطيّنا عشان ماحد ينقز لازم من الاخير نجي ونصف طابور الله ع النظام الياباني منب ناسيه اللي طبّ وجو يطلعونه وتعلق وطاح طيحه شنيعه , ياربّ انه سليم
هذا الطابور بس من قدام !! امّا ورى انواع المتاهات
اقلامهم كله بَ الركن الياباني
عيالنا فالينها
حوستنا
ذي تدخل بالضيق تبيع طيران
شفتو هذا الشيء ؟ بركن القصيم فوقه كله تممررر
يوم ضعنا جلسنا نقرأ كود نعرف من وين نطلع ض1
قليييييييب يوم طليت قلبت كبدي
هنا ضعت ( يمه )
كليجا لعيون يارا
ياحبيلوووووه ليتهم رزو صورة زوجته المليحه لبى اثنينهم ض1
عجزت اصوره ماغير يهف هف
المدينه
خاص لزرقاء اليمامه بغيت اشتريه بس ماش احس مو حلو وكل ماتذكرت الكاس حقك اقول ودي اجرّب بالاخير ماجربت
حسيت اني بباب الحاره
وفي الاخير وقبل الرحيل عيالنا إستنزلو
نجي اللحين لـَ الفيديو تابعو الرقص كووويس
* فرقه موسيقيه في الجنادريه الـ 26
هز سُعودي على كيف كيفك في الجنادريه الـ 26
شباب السعودية في الجنادريه الـ 26 ( رقص ولايووووقف
جوله في الركن الياباني من الجنادريه 26
عرضه سعوديه بالجنادريه الـ 26
وبس هذا اللي اذكره وإلا التفاصيل اكثر واعمق على فكره خلود كل مانتفق نطلع ثانيه ونقول بنفس اليوم نهاوش بعض لان لازم قبل نتجهز ويوم الجنادريه ماقلنا لبعض وبالاخير صرنا هناك
عسى اعجبكم تقريري ؟
امي اعجبها الهوى والنفاهه والجلسه قالت : الاسبوع الجاي اخر شيء شرايكم نبسط فيها
هههههههههههههههههههه
ترا به اكثر تفاصيل واعمق مواقف هذا اللي يحضرني الآن
كُل الشكر العميق الوفير للراقي كابتن الزعيم على تضبيط الصور والفيديو لي
23-04-2011, 01:49 AM
الجنـادريه ( قصة وطنْ ) ! * تغطيه بِ الصور والفيديو
ض1
!!
العرض الشجري
