شبكة القناص - الموقع الرسمي للاعب ياسر القحطاني - >>> ياليت من ذوات الخبره بحلون مشاكل الياقه يضهنا هنا <<<

- الريـاضـة السعـوديـة (http://www.alqanas.com.sa/vb/forumdisplay.php?f=31)

>>> ياليت من ذوات الخبره يحلون مشاكل الياقه يضعها هنا <<<

السلام عليكم ورحمه الله وبركاته

اما بعد
اخواني الاعضاء اريد منكم طرق لزياده الياقه والتركيز في التديبات وياليت تضعون هنا طرق لتدريبات جيده ومفيده لكل لاعب تكفوون ساعدوني يعني انا ماالاعب في نادي بس العب في حواري وفريق بعد بس ان شاء الله السنه الجايه ادخل نادي بس ياليت تساعدونني على هاذي

يعني انا والله لي يمكن 8 سنوات العب كوره ومع فريق في الحاره وقريبا بخش نادي بس الي خايف منها اسباب كثيره
اول شي
يعني انا الان ماعندي وزنيه كامله يعني اذا جيت ادقق الكوره برجليني الثنتين لازم تطيح 13او14وبالعكس اصدقائي ماتطيح الا اذا مل ماشاء الله عليه والله انا مااكبر نفسي بس انا افضل منه لاعب يعني اهداف اجيبها لو ان قدامي ثلاث مدافعين بس الوزنيه والله مايمديني والوزنيه مهمه يعني اذا جيت بتنقش الكوره من فوق الحارس او من فوق المدافعين او يعني تصليح مايله مدري ليش او تجي برء بالعكس شوتاتي موزونه في الفاولات بعضها مضمونه مليون فيه الميه انها هدف ان شاء الله بس النقش والدقدقه مايمديني بس مع اني اشوف يمكن في اليوم 50 شوته بس والله الوزنيه ماعرفت كيف اجيبها

هاذا الشي الاول وياليت تلقون له حل يارب تلقوون له

الشي الثاني
الي هو لياقتي زفت مع اني العب يوميا في الحاره وبعض الاحيان يمكن العب اربع مرة وبعضها بساعات نلعب في استراحات بس اذا رجعت لبيت احس ان عظلاتي بتتفتق توجع مرة ولازم اجلس ثلاث او اربع ايام راحه ثم العب عادي خلاص تروح الالام الي تجيني بس ياليت عندكم دروس لها او شي ازود فيه لياقتي الكورويه واكون لكم شاكر

الشي الثالث
وهو يتعرضون له بعض الاعبين الي معنا يعني اذا بيسحب بمدافع يكون حركه جسمه ضعيف والكوره ماتثبت في محلها والمناولات يعني اغلبها تضيع والسرعه ضعيفه مرة وياليت يلقووون لها لحوول ممتازه يعني ياليت تعلموننا طريقه كيف التسحيب وتعلمها والممارسه عليها وكيف استمر عليها او اجيب حركات جديده

وشكرا لكم جميعا واسف على الاطاله وياليت تعطوني الاجابه الصح والمفيده وشكرا لكم ياادراة المنتدى الكريم