م ــــــــــد خ ــــــــــــل ..{{
أفطر الصبح زيتونه
......وأروح المدرسة مزيونه
أرجع البيت مهمومة
......وشكلي كأني مجنونه 
.......................................
السلام عليكم ورحمه الله وبركاته
>>محتاجه 30 حسنه 
اليوم حبيت افضفض لكم عن هموم البنات والعيال مافيه فرق كلنا بالهوى سوى
يعني انا مدري وش يحسون فيها ها الوزاره وحلاله لو يمسكونيها يوم واحد بس اي قرار اتخذها يثبت طول العمر
عاد تتوقعون اعزائي وش اخذ قرار ..؟؟
اقول تنسكر الوزاره والي يدرس يروح يدور على عمره لايضيع وهو راسه وسط الكتب 
<<والله لايصدق الشعب ويدشر 
لكن نبداء فضفضتي 
1- نفسي انااااااااااااام مدري ليش مايجيني النوم ابد ولا جاني مابقى على المطرسه غير ساعتين
ونفسي اشيل الهم واقول :
من طلب العلا نام الليالي وسحب البطانيه وقال انا مالي
2- وقمت نص حيه ونص ميتها وبهذا البارد القارس حمام دافي وشكلي انواع الطفش والملامح الحزينه كاني بزر جارتها امه تبي تسبحها غصب
وبعدها افطرت اي شي على السريع 
بس اهم شي نملى البطن
3- ويالله البسي ها المريول وامعطي شوشتك واكشخي 
وطسي يم مدرستك واجلسي مع شله الانس والدشاره
4- وبعدها تعالي كانك بزر وصفي طابور من صباح الله 
وخوذي لك كم كلمه تسم البدن من المديره عشان تنفتح نفسك على الدراسه
وخوذي بطريقك زي كل يوم الممنوعات والمحظورات بالمدرسه
5- رن الجرس اجلسي بكرسيك وتادبي كانك بيبي صغير 
ولا كل الكتاب معاكم ولافيها تحديد والاسئله صعبه والنسبه احلمي فيها
>>تهديد المعلمات
6-ممنوع تسرحين بالحصه لو غصب عنك وومنوع تجلسين زيك زي الكرسي وربي ليجيك ذب مو صاحي يفشلك طول عمرك
واهم شي امغطي يدك لو ماتعرفين شي بس لاتجرحين مشاعر المعلمه وتحسسينها انها ماتعرف تشرح
7-واذا غلطت عليك المعلمه اذا حولتي توقفينها عند حدها بتقول انك ماتربيتي وهي ماتشوف نفسه ونزل للااره وطبعا المعلمات منزهات من الخطاء دايم الطالبات هنا القليلات ادب
8-ذاكري زين جيبي درجات واربع وعشرين ساعه ذاكري لين تحول عيونك وتموتين 
واخر شي تجيب لك اسئله كله عددي عددي وعرفي وعرفي واذكري وفسري وعللي ولاشورت قلبها تحط اختياري او حتى صح او خطاء
والمصيبه انك نسبه صار ثاني ثانوي تراكمي
9- وكل شوي متماعطه انتي وبنات فقراويات يعني فوق هم الدروس تكون المدرسه متلوثه بالنصارى>>معروفين
وهواش واخر شي الهلاليات عند الاداره هنا الغلطانات لان ادرتنا نصراويه
لذالك اي وحده تبي تاخذ حقه تقول انا نصراويه
ولا تقول لنا تشجيع الهلال حرام>>وش تحس فيها
يرتفع عندك الضغط والسكر ويمكن تروحون فيها يالهلاليات في ها المدرسه
10- تروح للبيت تلقين مشاكل الحياه محوطه فيك ومالك امل تفكك
وتعالي ادرسي لين تموتين واخر شي اذا ماجبتي نسبه شوفي دشاره المستقبل القادمه
اصبح هوس النسبه يفتك بشبابنا
حسبي الله عليكم ياكل من تسول له نفسه العبث بشباب الامه >>تحمست الارهابيه
قم للمعلم يا بني عجولا***واضربه حتى يرتمي مقتولا
هاجمه بالكرسي واكسر رأسه***فالرأس كان مخرفا وجهولا
واذا افتقدت من الكراسي عدة***أشهر عليه الساعد المفتولا
والطمه فوق الوجه لطما موجعا***حتى ترى للدمع فيه مسيلا
وإذا رأيت بوجهه نظارة***عاجل ( ببوكس ) يرفض التأجيلا
وعليك بالأسنان حطم نصفها***كي لا ترى عضا ولا تقبيلا !
وعليك بالثوب العليه فشقه***شقا .. ليمشي عاريا مخذولا
واجثم عليه .. كليث غاب جائع***واستدع صحبك إن شكوت خمولا
قوموا عليه وحاصروه وحاذروا***أن ترحموه إذا استغاث طويلا
إن الثقافة يا بني تحرر فعلام***ترضى أن تكون ذليلا ؟
والتربويون الكرام تأملوا***في الأمر .. حتى أبدعوا التحليلا
قالوا دعوا الأولاد نخشى أنهم*** ( يتعقدون ) فيذبلون ذبولا
( وفرويد ) علم النفس أعلن أنه***من عقد الأولاد هد الجيلا
الضرب يؤلمهم ويؤذي روحهم***الضرب ميراث القرون الأولى
والتربوين الكرام .. مرامهم***أن يمتعوكم بكرة وأصيلا
من شاء مزحا .. فالمدرس نكتة***أو شاء لعبا .. أحضر ( الفوتبولا )
أو مل درسا فليفارق درسه***من ذا يريد لك البقاء ملولا ؟!
أو رام شتما كي يبل غليله***لا ضير في شتم يبل غليلا !
أو رام دردشة فذلك شأنه*** إن السكوت يعلم التغفيلا
إن غاب شهرا فالغياب فضيلة***وغدا السؤال عن الغياب فضولا
لا بأس إن دخل المدارس طالب***بسيجارة .. أو جاءها مسطولا
فالتربويون الكرام شعارهم***لا ترهقوهم أنفسا وعقولا
والتربويون الكرام قرارهم***من مس طفلا يغتدي مفصولا
بس اتمنى امنيه يدرسون رجال كان تشوفون الاخلاق حلوه
والحريم يدرسون عيال كان تشوفهنا يخقنا وبس اسئله الكتاب الي معاهم
لو يجي رجال يدرسنا كان حلو اسلوبه مو مثل الحيرم مكفخه زوجه الصبح وتحط الحره فينا 
او تكون مراضيه ثم تحدد وياسلام على اخلاقه واذا تهوشت معاه الغت التحديد
طيب حنا وش ذنبنا 
وبالنهايه انتظروني من فضفضتي 2
>>>ارحميني بس من زين ها الفضفضه
م ــــــــــ خ ــــــــــــرج ..{{
المدرسه ضيقت صدري ماعاد انا دارس فيها
ماليت من قومتها بدري ماليت والله من كراسيها
وعليكم السلام ورحمه الله وبركاته
13-01-2010, 05:58 AM
فضفضهـ طالبهـ مهمومهـ ((ياسرهـ 1))
العرض الشجري
