|
ياسر لن يحترف خارج السعوديه والسبب ؟
... بسم الله الرحمن الرحيم ... نعم لن يحترف ياسر خارج السعوديه و السبب ؟؟ طبعا المنتخب تأهل الى كاس العالم 2006 و الكل متفال بتقديم مستوى مشرف في هذا المونديال وطبعا تعتبر هذي فرصه للاحتراف خارج الوطن وهناك كثير من الاسماء السعوديه اللتي تستحق الاحتراف و منهم (( ياسر القحطاني )) ولكن لو ابدع ياسر في كاس العالم واتى له عرض للاحتراف في اوربا لن يحترف. تدرون ليش ؟ لو انتقال ياسر الى الهلال بــ 20 مليون ريال لن يكون بستطاعه ياسر الاحتراف لان اكثر عرض للاحتراف في اوربا مثلا لن 3 مليون دولار وهذا مبلغ كبير بعض الشي ولكن تخيلو وكم يسوي 3 مليون دولار في الريال السعودي يعني تقريبا 9 ملايين ريال او 10 ملايين بنظرك هل سيوف يقبل الهلال بهذا العرض وهو الذي دفع 20 مليون ريال يعني كم بيخسر 10 ملايين ريال ولو كنت انا رئيس النادي سوف ارفض العرض بكل تاكيد و ضع نفسك رئيس لنادي الهلال ماذا ستفعل ؟ (( هل ستقبل او ترفض )) اتمنى منكم الاجابه على هذا السؤال بكل صراحه انا هلالي ومتعصب ولكن لا اتمنى انتقل ياسر للهلال لي سببين وهما : 1- لا اتمنى ان تصرف 20 مليون ريال من خزينه النادي وهذا المبلغ ممكن استقطاب اكثر من 4 لاعبين نجوم 2- لكي يتمكن ياسر من الاحتراف خارج حدود الوطن واتمنى منكم الاجابه على سوالي ضع نفسك رئيس لنادي الهلال ماذا ستفعل ؟ (( هل ستقبل او ترفض )) اتمنى منكم الاجابه على هذا السؤال بكل صراحه ==( والسلام اخر الكلام )== |
مشاركة: ياسر لن يحترف خارج السعوديه والسبب ؟
اخوي حارس القرن ..
اهنيك على عقليتك .. لكن ودي اسئلك .. 1/ليه اكثر عرض باوربا 3 مليون دولار ؟؟ بصراحه .. هذي المعلومة غريبة جدا .. وانا بصراحة لو كنت رئيس للهلال كان قبلت لعدة اسباب منها : 1-ان احتراف اللاعب السعودي فيه مصلحةللاعب. 2-.. .. .. .. .. .. .. .. .. .. .. .. .. .. للكرة السعودية. 3-ان احترافه سيفتّح عيون الأندية الأوربية على اندية الوطن كلها وعلى ناديي بالذات وبكذا راح اربح اضعاف ماكنت خسرته (على حسب قولتك) على اللاعب. .. لكم تحياتي .. |
مشاركة: ياسر لن يحترف خارج السعوديه والسبب ؟
انا بصراحه معك في شي واختلف في شي ثاني
انا مع انه ياسر يحترف برا وبعد كاس العالم ومو معك في انه ممكن نجيب اربعه من الاعبين النجوم لانه ولاواحد منهم مثل ياسر فالهلال محتاج ياسر وابوسلطان يعرف مصلحة فريقه وهو اللي قبل هذا العرض وبعدين انا هلاليه متعصبه وابي ياسر ينتقل...وشكرا على الموضوع لانه مره يهمني |
مشاركة: ياسر لن يحترف خارج السعوديه والسبب ؟
كلامك عين العقل
لكن من مميزات عرض الهلال : اذا عرض على ياسر الاحتراف في الخارج فان الادارة الهلاليه موافقة؟؟! |
مشاركة: ياسر لن يحترف خارج السعوديه والسبب ؟
وعليكم السلام ..
ياخوي انا قابلت ياسر في بطولة التضامن وقلت له بالحرف الواحد.. "لاتحترف بالسعودية روح لقطر ولا الامارات احسن على الاقل ماراح تخسر شعبيتك هنا بالسعودية ولااظن راح تبرز في اي نادي غير القادسية لسبب بيسط انك بتكون محارب من البعض " .. وقال الله يكتب اللي فيه الخير .. وهذا رائيي انا من زماااان انه لايحترف بالسعودية يروح لقطر ولا الامارات والله العظيم احسن له .. وكلامك كله صح 100% .. لكن ما ادري وش راي البقية ..؟ |
مشاركة: ياسر لن يحترف خارج السعوديه والسبب ؟
ان شاء الله يحترف والعرض راح يكون اكبر بواجد بس ادعي
|
مشاركة: ياسر لن يحترف خارج السعوديه والسبب ؟
عادي فيه شي اسمه اعاره !! تقدر تعير ادارة الهلال ( في حال انتقال ياسر للهلال ) .. اللاعب ياسر القحطاني لاحد الأنديه الأوروبيه واذا قدر يثبت نفسه الكابتن ياسر بالملاعب الاوروبيه فـ اتوقع الانديه الأوروبيه ما راح تتأخر في طلب شراء عقد هذا اللاعب القناص :) هذا رأيي بالموضووع صراحه .. تحياتي لك |
مشاركة: ياسر لن يحترف خارج السعوديه والسبب ؟
والله كل واحد له وجهة نظر وانا اخالفك الرآي تماماً وليه خالفتك ماني معلق عليها بس اكتفي اني اقول لك اني اخالفك
|
مشاركة: ياسر لن يحترف خارج السعوديه والسبب ؟
اول شي شكرا على مروركم
وثانيا شي بالجواب على اخوي (( OMR222 )) وكان سواله (( ليه اكثر عرض باوربا 3 مليون دولار ؟؟ )) لان ياسر غير معروف عالميا و مافيه لاعب سعودي محترف في الخارج ومشهور يعني بعطيك مثل (( ميدو )) لاعب منتخب مصر لاعب مشهور عالميا ولعب مع اقوى فرق اوربا (( روما - مارسيليا )) وعشان كذا تشوف اللاعب المصري محترف في اوربا ============= وبعطيك معلومه حتى 3 مليون دولار تعتبر كثيره عند رئيس النادي الاوربي علشان لاعب صغير في السن وغير معروف عالميا . واسف على الاطاله |
مشاركة: ياسر لن يحترف خارج السعوديه والسبب ؟
السلام عليكم ورحمة الله وبركاته اول شيء بالنسبة للاعب انتقاله للهلال بمصلحته هو ولا تنسى ان الهلال ما راح يخسر شيء لأن سياسة الهلال ولله الحمد ماشيه تمام واكبر دليل على كذا صفقة بصير صلاح الدين اللي انتقل من الهلال لفريق اوروبي وبعدين لفريق ثاني والهلال بكل الصفقتين جاهـ نصيبه يعني يكون من بنود العقد انه في حال انتقال اللاعب من الفريق الى فريق اخر يكون للفريق الأصلي الحق بنسبة معينة من قيمة الصفقة وهذا اللي حبيت اقوله لك وطبعاً هذي سياسة الأمير / بندر بن محمد تحياتي القلبية لك |
مشاركة: ياسر لن يحترف خارج السعوديه والسبب ؟
اخوي بقولك شي لازم تحطه ببلك :
ترا هيئة رعاية الشباب ماحطوا الاندية للتنافس ومدري ايش الهدف من الاندية هي تنمية اللاعب السعودي وتكوين منتخب قوي ولو انا حطيت المبدأ هذا براسي كرئيس نادي بأعطى اللاعب فرصة الاحتراف الاوربي عالشان مصلحة المنتخب ][®][^][®][وحط المعلومة هذي براسك ((مصلحة المنتخب اولا ))][®][^][®][ |
| الساعة الآن 09:06 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0