السلام على رواد هذا الصرح المجيد
استاد الاجتماعيات والضحك والفرفشه
مجلسنا يامرحبا بك
مساء\صباح النور والسرور
(الدلاخه والاستهبال)
اسماء شيقه تحتوي على رموز كثيره يتكونها
غطاء سميك وهوالغباء المتصنع وتكون اقرب
للحقيقه المره .
بسوي مثل معاذ اللي( 37) ماادري عنه الاوهو
داخل بنص الحلقه بدون اي مقدمات لدرجة اني
صرت احط القناه واروح اي مكان يوم اسمع كلام
غريب وهذره اجي ركض للتلفزيون اعرف انه جاء
مدري احس ان فيه ناس يتفنون بالدلاخه والاهم من جدهم
يعني ربي عاطيهم لحسة غباء مع استهبال وين لحسه الا
هم ملحوسين خلقه كذا من الله لله يعني يجون ويتثاقلون عليك
ويرفعون الانمير عندك ويوصلك للتسعين ويناظرك نظرات وفوق
ذا ولاكانهم سوو شي ويحسبون الوضع ايزي ياعالم وربي احترت
لازم اشوفحل للموضوع يعني مثلا اجيب طاري افضع من امه مافي
دقت علي وحده من صديقاتي وجلست تسولف
وياي قلت اتصالك غريب يعني مادري شلون
خطر في بالك انك تكلميني قالت عادي ولاشي
بس اشتقتلك قلت وشلون تشتاقيلي وانا بالفصل
معك قالت عادي يابنت المحبه من الله وانتي
محبوبينك كثير
اسم الله عليك المهم سولفنا يجي
اكثر من نص ساعه وبعدها بكل برود اعصاب
تجي تقولي اسمعي كل صحباتياتصلت عليهم ولااحد
رد علي وقلت خليني اتصلعلى عزيزتي (...)
واخذ منها واجب النحو ياكنت بوقتها ابي ارقعها
بشي اجل المحبه من الله اانا ماارفض اعطيها
بس وش له هالمقدمات وانامابيني وبينها شي ليه
تتمسكن من البدايه لين تتمكن كل ذا عشان واجب
وعطيتها وقلت ياشين الاستصلاح يمدحونه كثير وفوق
ذا كله وهي تتديلخ معي من البدايه طيب قولي شكرا
عفوا اسفه انشاء الله اسمي على الاقل القى تعبير
تخيلوا وش تقول بس انتم تخيلوا تقولي يلا اقول طيري
انتم تحسون وش انا فيه
مثال ثاني
في وحده من المعلمات دخلت علينا الفصل طبعا هي جديده
المهم قالت لنا انا عندي شروط حبايبي ابي منكم تنفذونها
اعترضوا نص بنات الفصل وليه شروط وحنا ماراح نوافق
المعلمه فوق كل هاذا قالت شروطها وانا بقلبي اقول هاذي
وحنا رافضين شروطها من البدايه وقالتها عادي وش تبي
مننا بعد ماقالت شروطها اللي كل شرط ارفع من اللي قبله
سكتواالبنات ولانطقوا بحرف واحد ذولي اللي رافضين من
البدايه اللي يدور براسي هي كان عندها احساس اننا راح
نوافق والا ماكن عندها
واذا ماكان عندها طيب ليه قالت
وحده من الثنتين يان البنات يستهبلون وحركات بس والا
المعلمه تتديلخ معانا من البدايه بهالشروط
مثال ثالث
قبل حوالي كم يوم طلعت من وحده من الحصص ودموعي
اربع اربع ياشين اللي يستقعد لك طول الحصه واستقعدت لي
استاذه يارب فكني منها وعلى الحصه الاولى يعني المزاج
بالمره رايق من قلب قالتلي قومي قولي تعريف كذا كذا المهم
ماعرفالجواب قالتلي رافعه يدك وانتي ماتعرفين الجواب طالعت
فيها جالسه اقول بنفسي انا متى رفعت يدي وش انا مجنونه
ارفع يدي وانا ماني عارفه الجواب وش استعباط الموضوع
والا هي من اول كان لها نفس ارفع يدي بس ماحصل لها
الشرف والله الى الان مافهمت شو تبي هالمعلمه بالضبط
اسئلتي اللي غصب انكم بتجاوبونها عشان افهم
1-هو الانسان ان اللي يسويه استهبال بس هو
حاب هالشغله ويتلذذ فيها مع الناس
2-او انه اصلا ماخطر في باله يستنذل
او حتى تجي هالافكار براسه بس هي ملازمه
له منذو الولاده وشايف انها عاديه ماتاثر ابد
الموضوع الثاني وبعد يعتبر مهم
(قراءة الافكار)
وش رايك لو لقيت انسان يقرئ افكارك
تتوقع تقدر تغلط بحياتك كل امورنا اللي
نفعلها ناتجه عن افكار مشوشه وساعات
تخرب بيوت بس وربي ساعات تعيشك
حياه هنيئه مالها اول ولاتالي وساعات
تجبلك كل الهموم ولاتقدر تتفوه بكلمه
ابيك تتخيل انك تقراء افكار غيرك وتعرف
وش يفكر فيه وايش ناوي عليه وايش اللي
براسه وساعات مع الي جالس معه وش يقول
عنك وش وده يسوي فيك وكل حركه تسويه
وش الي خطر بقلوبهم لك صدقني بتكون تعيس
لان نص افكار الناس فينا سيئه وش بتسفيد
وابيك بعد تتخيل احد يقراء افكارك ويعرف وش
بتسوي بيني وبينكم وكذا بالعربي تقدر تغلط وقتها
لاكن تصدقون انه ممكن نلقى
ناس مثل كذا وانا ابرهنلكم بمثال
ابوي اكثر واحد قاري لاافكاري
مدري هي
الكروموسومات لها سبب والا كذا عنده حاسه
خاصه بهالموضوع يعرف وش يدور براسي 
لدرجة صرت اشك انه لايكون يوم افكر اطرح
افكاري بصوت عالي وانا ماادري طيب لالالالالالا
كان احد لاحظ يعني بس هو اللي يسمع
مثال 1
تخيلوا يوم من الايام كنت جالسه بالسياره جنب ابوي
وجالسه اقول بقرارة نفسي يبيلي اشتري جوال جديد
الاول صار قديم وبراسي جوال معين لو اقوله ادري
انه بيقول مثل ذيك البنت الدلخه احسن تطيرين والله
براسي جوال ودي اشتريه واكشخ به الا شوي ويقول
تصدقين انتي يبغالك تغيير جوال حقك صار قديم بس
خليني افضى يوم اوديك محل جوالات انا صارت عيوني
تطلع وتدخل تدخل وتطلع زين اني مغطيه والا كان العالم
تقول سلامات وش جر لها وقلت يلا صدفه
مثال2
ومره من الايام جاء ابوي وقال وش تبون عشاء
وش نفسكم فيه وجاء ببالي بيتزاهت ولازانيا وقلت
اكيد انهم بيرفضون يبون شي ثاني اكيد الا وشوي
يقول ابوي وش رايكم ببيتزاهت نفسكم فيها انا وقفت
من الصدمه مدري وش اسوي بصراحه اوافق ارفض
وكل اللي قلته وانا مفهيه وش دراك ناظرني قال وش
قلتي قلت ها لاولاشي سلامتك
ويامالكم من ابوي كثير بس المجال مايتسع هنا
سوالين مافي غيرهم
1- تتوقع لو انك تقرا افكار غيرك بتكون سعيد
والا تعيس مع انه ممكن اللي تقراءها تجلب لك
الحزن وانت ماتقدر تصرح بها بها لانه شي اكيد
موضوع مجلب للاستغراب
2- طيب قد مر منك موقف قريت في افكار غيرك
طبعا بالصدفه او اللي قدامك قراء وش يدور براسك
وهل كانت تجرربه ممتعه
وشاكره لكم كل الانصات والحضور
دمت حبايب قلبي بنعيم العقل
14-03-2009, 01:57 PM
مابين الدلاخه وقراءة الافكار اكبر علامة استفهام
العرض الشجري
