الف الف مبروووك الفوز , وعقبال الصداره بأذن الله

مباراه اليوم بشوطها الأول كانت ممله وسامجه بشكل فضييع ,
لدرجه انه جاني النووم وانا ماصحيت الا المغرب
وكله بسبه الحزم ولعبهم السامج ,
مقفلين صح , طارق ماشفناه ابد , وكل الكورات الهلاليه كانت مقطوعه
كانت فيه هجمتين , للعنبر والخثران , وكل الثنتين حطوها باحضان الحربي

الشوط الثاني , لما شفت الصويلح بينزل قلت لأختي طالعي هالمملوح بيضبط وضعنا ان شاء الله وماخاب ظني الحمد لله , دخل الصويلح وتغيّر رتم المباراه بالكامل
والتائب قدر ياخذ راحته في النص , عاد لا اخذ راحته طارق فاعرفوا ان المباراه هلاليه

محمد الدعيع , على قوله سامي نعمه من الخالق ان الدعيع هلالي
اليوم كانوا عندي خالاتي ونصراويات , وحاطين الدعيع براسهم
والله اني خايفه عليه من عيونهم , لما قعد يسحّب بلاعبين الحزم قالت خالتي طالعي
هالجني ماهوب بس جني بالحراسه حتى بالتسحيبات
الله يستر عليك ياابو عبدالعزيز من عيونهم

المرشدي , هوساوي هالثنائي من مباراه لـ مباراه مستواهم يتصاعد
ماشاء الله تبارك الله عاد نبيهم يوم الخميس يكملون هالابداع بوقف الهجمات الاتحاديه كلها بأذن الله

الذياب , البيشي , بصراحه قدموا مستوى جيّد , من زمان مالعبوا ,
لكن نعرف مستوياتهم وعارفين ان عندهم افضل من اللي قدموه

عزيز ياعالم هالرجال استحي اكتب عنه , ماودي امدحه لان لو بمدحه من اليوم لـ بكرى ماراح اوفيه حقه لذلك اسكت احسن

الخثران بصراحه ماهوب الخثران اللي حنا نعرف مستواه ماهوب ذاك الزود انا احط له العذر
انه راجع من اصابه وكان بعيد عن اجواء المباريات , مأمله فيه الكثير

الشلهوب ماراح ازيد حرف عن اللي قاله كوزمين عن محمد الشلهوب بعد المباراه
متفائله برجعته بأذن الله

وولي , مستواه في هالمباراه مااعجبني كثير , بس انه كان يحاول ,
وماالومه اسلوب لعب الحزم يجيب الهم ,
وزياده على كذا الاصابه اللي جته ان شاء الله ماتأثر عليه ونشوفه قدام الاتحاد بأذن الله

التائب الله لايضره , البرنس الليبي , من جد لاعب غييير مميز , يحط المهاجم بوضع محرج قدام الباب يقدم كل اللي عليه ومايقصر ,
اذا ماقدم مستوى الشوط الأول اسكت ولا اقول شيء لأني اعرف انه بيسكتني الشوط الثاني مع ابو نادين الصداره تقول للاتي باي باي ياحلوين << لاعاد تحطين عناوين

الفريدي شيخنا الصغير ياحبنيله , تكفي رفعته لهدف العنبر
تدل على ان اللاعب فيلسوووف من جد الله يحفظه من شر الاصابات
ويديم عليه الهدوء والابدااع بأذن الله

الصويلح هذا هو سبحان الله , مايفك ازمات الهلال بمثل هالحالات الا الصويلح
ياحبيله , دائما لاانزنقنا في المباراه , يدخل الصويلح ويفك هالازمه
وبعدين يقول للاعبين يالله ابدوأ مهامكم ,
انا اعجبتني حطته للهدف , جته الكوره وعلى طول هووووبا على الباب
ماقعد يتفلسف فيها وننتظر ابداعاتك ياابوحميد

العنبر قلت كلام قبل يومين ومااعجب بعض الاعضاء , العنبر ميزته عن كل مهاجمين الهلال انه مايحب يتفلسف , تجيه الكورره وع الباب على طوول ,
بكل صراحه العنبر احرجني قدام العالم بالمباريات اللي لعب فيها
اجل 5 اهداف بـ 3 مباريات , ادري بتقولون التائب , بس برضوا الولد حسه التهديفي عالي
وتلقون ابو نادين مبسوط عليه , يعطيه الكوره مقشره , وهو يقول تسلم ع التقشيره
وماتدري الا الشبك يهتز
مع رجعه ياسر , وعوده العنبر للتهديف , ومع عوده ابو حميد ان شاء الله لـ مستواه
ومع المهاجم الاجنبي اللي بيجي ان شاء الله فـ هجوم الهلال بأذن الله ماعليه خووف

كلام العنبر بعد المباراه لما قال , وقفه عبدالرحمن بن مساعد ونواف بن سعد وسامي الجابر
معي , هي اللي خلتني ارجع لـ مستواي , وبرضوا قال لانه مايبي يترك الهلال
<< خايف ينسقونه بشهر واحد
يقول الجمهور قسى عليه , لكن ان شاء الله انه بيرضيهم هالموسم بأفضل المستويات
الحين اقول لابو مساعد اشوا انك ماعطيته الاتحاد

الخميس الجاي قدام الاتحاد مباراه نااار
لكن متفائله كثير بفوز الهلال وبأذن الله الصداره هلاليه يوم الخميس

مبرووووووووووووك فوز الزعيم

ههههههههههههههههههههههههههههه

اوووووووماآآآ صوره التدريب اللى مدري وش وقته ولا شئ

ههههههههههههههههه

خيـآآل × خيـآآل

والوعد الخميس

باك طويل ...

والله اثبت جدارته الدفاع الهلال ..

وياويلكم ياالاتحاد بي نخليكم افشل دفاع هع ..

الف مبروك فوز الازرق

راؤول

يقرون المعـوذآت

ألف مبروك الثلاث نقـاط .
][ الصويلح ][ .
أبـدع .
][ العنبر ][
أنا قلت هو ينتظر دفعة معنوية
يسجل في فريق كبير وسجل وإن شاء الله .
بيسجل في كل مباراة .
ع/ العموم مبروك للمرة الثانية .
وإن شاء الله عقبال الثلاث نقـاط في مباراة الإتحـاد . ][ يارب ][ .
ألف شكر لكم .
مع كل الحب .