بسم الله الرحمن الرحيم


قبل اشوي قريت موضوع عن قيادة المرأه للسياره


الاشاعات المعتاده الي ما عندهم الا يزودون وينقصون فيها

طبعا الخبر من فتره قصيره

وكان نصه

ذكرت مصادر مطلعة أمس الإثنين، أن السعودية سترفع الحظر الذي يمنع النساء من قيادة السيارة نهاية العام الجاري، في محاولة لإسكات الحركة المنادية بحقوق المرأة في الدولة المحافظة.
وقد تزامن ذلك مع قرار وزارة التجارة والصناعة السعودية السماح للمرأة بالسكن بدون محرم في فنادق السعودية شريطة حملها بطاقة هوية.
وقالت المصادر:" إن مسئولين سعوديين أكدوا هذا التوجه الذي يعد حدثاً بارزاً وأن هناك خطة لإصدار مرسوم بهذا الشأن بنهاية العام الجاري، في خطوة أشارت إلي أنها تهدف إلي احتواء الحملات المطالبة بحريات أكبر للمرأة في السعودية والتي شملت مؤخراً قيام نساء بقيادة السيارات في تحدٍ للتهديد باعتقالهن واحتجازهن".


طبعا الموضوع طويييييييييييل كان فيه هذره لابو زلفه

ما شرفتني اكتبها بالموضوع


طبعا انا مولعه بشئ اسمه سواقه

مع اني ماني مؤيده هالشئ ابد


لكثرة المفاسد ونظرة المشائخ والعلماء اعزهم الله اولا

وخايفه على الاوادم ولمبات الشوارع ثانيا

فهذا موقف صار لي مع السواقه

واكيد بيصير لغيري

فانا اقول وش لنا بعوار الراس

تراني انصح لوجه الله <<<<<<مصدقه الاشاعه

ولا انا الحمدلله ضامنه اني ماني سايقه


لان اخوي حالف يقول والله لو يسوقن بنات العالم كله انتي لا <<<<<ماشاء الله لايمد باي صله لـ ال زلفه

هو لو درى اني داخله منتدى هلالي لعن شكلي

المهم هذي سالفتي وان شاء الله اصير عبره لغيري



بدخل بالسالفه على طول


انا وحده دايم اسوي نفسي شجاعه
وما بعد اعترفـــت اني خوافـــــــــه


<<<<<<<<<<<<<<<

وش رايكم بالقصيده

المهم




هذي مواقفي الي صارت لي مع الشجاعه المتصنعه ::



انا منذ نعومة اظافري <<<<<<<<<<<< (متعوب على الكلمه) امووووووووت بشئ اسمه سواقه

مع اني غير مؤيده قيادة المرأه للسياره


<<<<<<<<<<<<<من طلب رايك يابنت الحلال


ودايم معتاده اخذ واحد من بزرانا اركبه السياره( بالحوش ) متعلقن بشئ اسمه سياره



حتى وهو نايم احلامه فحطت السياره وحوادث


اظاهر طالعن علي

المهم مره اخذته للسياره بالكراج واول ما ركبت واتذكر مره كنا كاشتين قالنا اخوي اذا بغيتي السياره ما تمشي سوي كذا وراني شلون اسوي <<<<<<<<<<طبعا هو يقصدة بالبر موب بالحوش

المهم يوم ركبت وانا اسوي هالحركه الا وتقع الكارثه






بسم الله وش صار


الا وشوف الجدار كل ماله يبعد على خفيييييييييييييييييييف


وطالعت الا كل مالي اقرب من الباب <<<<<<<(بتاع الكراج)


هاه وش تسوين دوري لك شئ تضغطينه


شئ تدفينه <<<<<<<<<<هوشه ذي


ودورت على حل بسرعه



الا لقيت اقرب حل اني


اخذ البزر وغبرتي منحاشه داخل <<<<<<<<<<بسم الله علي شجاعه

يوم جيت طبعا بنص الحوش خليت البزر ورحت ابغى اصحي اخوي من النوم



طبعا اختي سمعت الصراخ ويوم شافتني تحسب انه طب ببيتنا حرامي يالله سترك


المهم يوم دخلت لقيت اخوي قد قام من الصراخ قلتله



السياره مشت


السياره مشت <<<<<<<<<<سبحان الله هي الي مشت من كيفها


يوم جاء بيطلع الا واختي مقفله الباب وما خلته يطلع <<<<<<<<<خايفه عليه من الحرامي


وعلمتها بسرعه



وطلع اخوي يوم وصل




الا ويلقى





يلقى



السياره صادمه باب الكراج ومتعفسه جهات من الكراج



الحين المشكله اذا سألنا ابوي وش نقوله


بنتك تعبثت بالسياره


وقعدت انتظر ابوي على احر من الجمر عشان اخذ التهزئه وافتك



وبعدها بساعات


جاء ابوي


يبي يدخل سيارته


فتح الكراج



الا الباب يالله ينفتح <<<<<<<<<<<زين انه انفتح عقب الي جاه


دخل السياره سكره



وانا قاعده اكسر الخاطر


انتظر التهزئه المحترمه



دخل ابوي المجلس تقهوى سولف الوضع حلللللللللللللللللللللللللو


وانا مندسه وكل شوي اطل بالصاله وارجع لمخبائ



انتظره يمر علي يهزئني


بعدها بفتره راح ابوي ينام






على طووووووووووووووووووووووول عند امي واسألها وش قال ؟؟


درى انه انا الي مسويه كذا ؟؟


قالت لا



حسيت براحه



قلت اجل وش قلتي له




قالت قلت اخوانك هم الي سووا كذا



وه بس وه



هم وانزاح



والحمد لله انه ما قال ولا شئ لاخواني عشان مايانبني ضميري <<<<<<<<<توه يصحى






وهذا احد مواقفي المره مع الشجاعه المصطنعه وعدم المبالاه بالعواقب



طبعا فيه مواقف كثيره صارت لي مع السواقه<<<<<<<بعد ماتبتي وهذا اخفهن بعد




لكن بقولها اذا شفت الردود



مع السلامه



فائده



اذا رمت أن تحيا سليما من الردى
ودينك موفور وعرضك صين
فلا ينطقن منك اللسان بسوأة
فكلك سوءات وللناس ألسن
وعيناك إن أبدت إليك معائبا
فدعها و قل يا عين للناس أعين
وعاشر بمعروف و سامح من اعتدى
ودافع ولكن بالتي هي احسن



الامام الشافعي